Samuel I, 5:3 - BAIBLO ALOO NGMAMI KLƆUKLƆU Ɔ

³ E nɔ jena mɔtu mla benɛ Ashdod bi ɔmɛ te si ɔ, o nɛ Dagon nɛ kuɛli nɔ si, nɛ e hɛ mi bu si ngɛ Yawɛ somi daka a hɛ mi. A wo e nɔ kɛ ma e ma he ɔ ekohu.

Samuel I, 5:3 ပူးပေါင်းရင်းမြစ်များ

Matsɛmɛ I, 18:26

A nu na ku ɔ nɛ a ha mɛ ɔ, nɛ a pee lɛ kaa bɔ nɛ Eliya de mɛ ɔ; a fa kue ha Baal kɛ je mɔtu kɛ ya si piani. A kpa huhui ke, “Baal lee, moo bu wɔ tue oo!” Jamɛ a be ɔ mi ɔ, a ngɛ hlue kɛ ngɛ bɔ sami la tɛ ɔ nɛ a puɛ ɔ bɔlee. Se nɔ ko he we nɔ.

La 115:7

A ngɛ nine, se a pɛtɛ we nɔ́ he; a ngɛ nane, se a nyɛɛ we; a kuɛ si po a kpɛ we.

La 97:7

Amaga jali, kɛ nihi tsuo nɛ fĩaa kɛ fɔɔ yakayaka wɔhi a nɔ, nyɛ hɛ mi pue si pɛ! Nyɛ mawuhi tsuo, nyɛ kpla si ngɛ Yawɛ hɛ mi.

Mose II, 12:12

“Jamɛ a nyɔ ɔ mi ɔ, ma gu Egipt zugba a nɔ kɛ be, nɛ ma gbe bitɛtehi tsuo nɛ ngɛ Egipt zugba a nɔ ɔ, kɛ a lohwe ɔmɛ hu a kekleekle bi kuhi. Egipt mawu ɔmɛ lɛɛ ma kpata mɛ tsuo pɛpɛɛpɛ a hɛ mi. Imi ji Yawɛ.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Yesaya 40:20

Dɛgutsɛ lɛɛ bɔ nɛ e peeɔ ji, e ngɔɔ tso kpakpa kɛ haa tso galɔ nɛ le ní tsumi saminya. Tso galɔ nɛ ɔ ngɔɔ tso ɔ kɛ peeɔ amaga ha lɛ, amaga nɛ mimiɛ we e he.

Yesaya 41:7

Tso galɔ deɔ sika tsu galɔ ke, ‘O bɔ mɔde, e hi!’ Nɔ nɛ kɛ hamle ngɛ amaga a he dlae ɔ hu woɔ nɔ nɛ ngɛ ní tsue ngɛ sɔ̃ tɛ nɔ ɔ he wami jã kɛ̃; e deɔ nɔ́ sɔ̃lɔ ɔ ke, ‘Bɔ nɛ o sɔu ɔ hi.’ Kɛkɛ ɔ, a ngɔɔ plɛɛko bihi kɛ kaa, konɛ e ko kpɔ.

Yesaya 46:7

A ngɔɔ amaga a ngɔ fɔɔ a konɔ; a kɛ ya maa si ngɛ he ko, nɛ e nyɛ we nɛ e mimiɛɔ e he po kɛ je he nɛ e maa si ngɛ ɔ! Ke nɔ ko fa kue ha lɛ ɔ, e nyɛ we nɛ e haa lɛ heto, nɛ e nyɛ we nɛ e jeɔ nɔ ɔ kɛ jeɔ haomi mi hulɔ.

Yeremia 10:8

Mɛ tsuo pɛpɛɛpɛ a biɛ, nɛ a jeɔ kuasia. Amagahi nɛ a kɛ tso pee ɔ, mɛni a ma nyɛ maa kase kɛ je a dɛ?

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Marko 3:11

Nihi nɛ mumi yayami ngɛ a mi ɔ, mɛɛ lɛɛ be tsuaa be nɛ a maa na lɛ ɔ, a tsɔɔ nɔɔ si ngɛ e hɛ mi, nɛ a kpaa ngmlaa ke, “Mo ji Mawu Bi ɔ nɛ!”

Samuel I, 6:1

Benɛ Yawɛ somi daka a na nyɔhiɔ kpaago ngɛ Filisti bi ɔmɛ a zugba a nɔ ɔ,

Samuel I, 6:5

Lɔ ɔ he ɔ, nyɛɛ pee sika tsu tslɔɔ nɛ ɔmɛ, kɛ sika tsu kɔkue nɛ ɔmɛ nɛ daa si ha kɔkuehi nɛ ba ngɛ nyɛ zugba a hɛ mi kpatae ɔ, konɛ nyɛ ya wo Israel Mawu ɔ hɛ mi nyami kaa, alini e maa jɔɔ nyɛɛ kɛ nyɛ wɔ ɔmɛ, kɛ nyɛ zugba a tue gblami lo.