Samuel I, 5:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, a wo Yawɛ somi daka a kɛ ho Ekron ya. Se benɛ Mawu somi daka a ya su Ekron ɔ, Ekron bi ɔmɛ kpa bubuubui, nɛ a de ke, “A wo Israel Mawu ɔ somi daka a kɛ ba hiɛ ɔ, konɛ e ba gbe wɔ, kɛ wa ma mi bi ɔmɛ tsuo!”

Samuel I, 5:10 ပူးပေါင်းရင်းမြစ်များ

Amos 1:8

Ma gbe ma nɔ yeli ɔmɛ ngɛ Ashdod kɛ Ashkelon. Ma gbla Ekron ma a tue, nɛ Filisti bi nɛ a he maa je tue gblami nɛ ɔ mi ɔ ma gbo.” Yawɛ lɛ de.

Matsɛmɛ II, 1:2

Ligbi ko ɔ, Israel matsɛ, Ahazia tsɔ́ kɛ je e hiɔwe tsu nɛ ngɛ Samaria a saflɛ mi kɛ ba nɔ si, nɛ e plaa wawɛɛ nitsɛ. Enɛ ɔ he ɔ, e tsɔ nihi ke a ya bi ní ngɛ Baalzebub ngɔ ha lɛ kaa e yi ma na wami lo. Baalzebub ji mawu nɛ ngɛ Filisti bi ɔmɛ a ma nɛ a tsɛɛ Ekron ɔ nɛ.

Manyadali 1:18

Jehanɛ, Yuda ngɔ Gaza, Ashkelon, Ekron, kɛ a he zugba amɛ.

Yoshua 15:45

Ma kpahi hu nɛ ngɛ lejɛ ɔ ji Ekron, kɛ e he mahi kɛ kɔpehi,

Yoshua 13:3

kɛ Avim zugba a tsuo nɛ ngɛ leneyi je ɔ. Zugba a nɛ ngɛ kɛ je Shihor pa a he ngɛ Egipt bi ɔmɛ a huzu ɔ nya a, kɛ ba be kɛ ho Ekron ya ngɛ omleyi je ɔ, a buu jamɛ a zugba a kaa Kanaan bi a zugba. Filisti bi ɔmɛ a matsɛmɛ ɔmɛ hi ma nɛ ɔmɛ a mi: Gaza, Ashdod, Ashkelon, Gat, kɛ Ekron.

Samuel I, 5:9

Se benɛ daka a ya su Gat ɔ, Yawɛ gbla ma a tue. E ha tslɔɔ fuu ma mi bi ɔmɛ tsuo, jokuɛwi kɛ nikɔtɔmahi; nɛ sawale nu nɔ tsuaa nɔ.

Samuel I, 5:11

Lɔ ɔ he ɔ, mɛ hu a tsɛ Filisti matsɛmɛ ɔmɛ tsuo kpe, nɛ a de mɛ ke, “Nyɛ wo Israel Mawu ɔ somi daka a kɛ je hiɛ ɔ kɛ ya ha nɔtsɛmɛ, konɛ e ko ba gbe wɔ, kɛ wa ma mi bi ɔmɛ.” Sawale nu ma a tsuo, ejakaa gbenɔ hiɔ ɔ bɔni ní puɛmi momo.

Samuel II, 7:9

Imi lɛ i kɛ mo nyɛɛ kɛ ya kɛ ba; nɛ imi nɔuu lɛ i kpata o he nyɛli ɔmɛ tsuo a hɛ mi ngɛ o blɔ ɔ nɔ. Ma ha nɛ o ma na biɛ kaa nimli nguahi nɛ ngɛ zugba a nɔ ɔ a ti nɔ ko.

Yoshua 15:11

Huzu ɔ gba ngɛ yoku ɔ nɛ ngɛ Ekron ɔ we omleyi je ɔ, nɛ e lɔgɔ kɛ ho Shikeron ya; e gu Baala yo ɔ nɔ kɛ ya je Yamnia, nɛ e nya ya pi Mediterenia wo ɔ.

Samuel I, 6:1

Benɛ Yawɛ somi daka a na nyɔhiɔ kpaago ngɛ Filisti bi ɔmɛ a zugba a nɔ ɔ,

Samuel I, 17:52

Israel kɛ Yuda tabo ɔmɛ hwɔ lele kɛ nyɛɛ Filisti bi ɔmɛ a se kɛ ya si Gat kɛ Ekron agbo ɔ nya tɔɔ. Filisti bi ɔmɛ plaa pue si ngɛ Sharaim blɔ ɔ he hluu kɛ ya si Gat kɛ Ekron tɔɔ.

Kronika I, 7:21

Zabad, nɛ Zabad fɔ Shutela. Efraim ngɛ binyumu kpahi kɛ piɛ Shutela he; nɔ kake biɛ ji Ezer, nɛ nɔ kake hu biɛ ji Elead. Be ko mi ɔ, Ezer kɛ Elead ka kaa a maa ju Gat bi a na, nɛ Gat bi ɔmɛ gbe mɛ.

Amos 6:2

Nyɛ deɔ nyɛ ma mi bi ɔmɛ ke, “Nyɛɛ ya nɛ nyɛ ya hyɛ Kalne ma a, Hamat ma nguaa a, kɛ Filisti bi a ma nɛ a tsɛɛ Gat ɔ. Sa a, ma nɛ ɔmɛ kle agboagbo, nɛ a ngɛ he wami hu pe Yuda kɛ Israel nɔ yemi he ɔmɛ. Se amlɔ nɛ ɔ lɛɛ nyɛɛ hyɛ mɛ ha!”