Samuel I, 4:9 - BAIBLO ALOO NGMAMI KLƆUKLƆU Ɔ

⁹ Nyɛ wlua nyɛ, nɛ nyɛɛ pee kã kaa nyumuhi; ke pi ja a, nyɛ ma ba plɛ pee Hebri bi ɔmɛ a nyɔguɛhi kaa bɔ nɛ mɛ hu a sɔmɔ nyɛ be ko mi ɔ. Lɔ ɔ he ɔ, nyɛɛ hwu ta kaa nyumuhi!”

Samuel I, 4:9 ပူးပေါင်းရင်းမြစ်များ

Samuel II, 10:12

Moo pee kã, nɛ o ha nɛ waa da si kaa nyumuhi kɛ ha wa nyɛmimɛ ɔmɛ, kɛ wa Mawu ɔ ma amɛ. Nɔ́ nɛ sa Yawɛ hɛ mi ɔ, e pee.”

Yesaya 14:2

Je ma amɛ maa ngɔ Israel bi ɔmɛ kɛ ba zugba nɛ Yawɛ ha mɛ ɔ nɔ ekohu, nɛ a ma ba sɔmɔ mɛ kaa nyɔguɛhi. Nihi nɛ nuu Israel nyɔguɛ sa a, jehanɛ lɛɛ Israel hu maa ye a nɔ.

Yesaya 33:1

Musu tloo he nyɛli ɔmɛ! A fia ojo nɛ a sisi nihi; se mɛɛ lɛɛ nɔ ko fiɛ mɛ ojo, nɛ nɔ ko sisi we mɛ hulɔ. A we ojo fiami, kɛ nɔ sisimi ɔ se maa po kɛ̃, nɛ mɛ nitsɛmɛ hu a maa fia mɛ ojo, nɛ a maa sisi mɛ.

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

Manyadali 10:7

Enɛ ɔ he je ɔ, Yawɛ mi mi fu Israel, nɛ e ngɔ mɛ kɛ wo Filisti bi ɔmɛ, kɛ Amon bi ɔmɛ a dɛ mi.

Manyadali 13:1

Israel bi ɔmɛ pee yayami kɛ si Yawɛ ekohu; nɛ Yawɛ ngɔ mɛ kɛ wo Filisti bi ɔmɛ a dɛ mi jeha nyingmi eywiɛ.

Samuel I, 14:21

Hebri bi komɛ nɛ ya piɛ Filisti bi ɔmɛ a he ngɛ a sito he ɔ, a yi mi tsake nɛ a ba piɛ Saul kɛ Yonatan a he.

Samuel I, 4:8

Wa yi ta! Mɛnɔ ma kpɔ wɔ kɛ je kikɛmɛ a mawu kpetekpleenyɛ nɛ ɔmɛ a dɛ mi? Mɛ ji mawuhi nɛ kɛ haomi slɔɔtohi gba Egipt bi ɔmɛ a nya ngɛ nga a nɔ ɔ nɛ!