Samuel I, 4:21 - BAIBLO ALOO NGMAMI KLƆUKLƆU Ɔ

²¹ E wo jokuɛ nyumuyo ɔ biɛ ke Ikabod ngɛ Mawu somi daka a nɛ a kpɔ ɔ, kɛ e ngatsɛ ɔ, kɛ e huno ɔ nɛ a gbo ɔ he. Ikabod sisi ji, “Israel hɛ mi nyami ɔ je.”

Samuel I, 4:21 ပူးပေါင်းရင်းမြစ်များ

La 106:20

A ngɔ amaga nɛ a pee kaa na nɛ yeɔ nga a kɛ tsake Mawu nitsɛ hɛ mi nyami ɔ.

La 26:8

Yawɛ, i suɔ o hi he ɔ. I suɔ o we ɔ, he nɛ o hɛ mi nyami ɔ ngɛ ɔ.

La 78:61

E ngmɛ blɔ nɛ wa he nyɛli ɔmɛ ba ngɔ somi daka a kɛ ho ma se ya. E he wami ɔ, kɛ e hɛ mi nyami ɔ we okadi ji kikɛmɛ a somi daka nɛ ɔ nɛ.

La 78:64

Osɔfo ɔmɛ gbo ngɛ klaate nya, nɛ a yalɔyi ɔmɛ yi kɔmɔ ha mɛ.

Yeremia 2:11

Anɛ je ma ko tsake e mawuhi hyɛ lo? Je ma amɛ a mawu ɔmɛ po tsa pi mawu nitsɛnitsɛhi ji mɛ. Se ye ma a lɛɛ a ngɔ imi, a hɛ mi nyami ɔ kɛ tsake mawuhi nɛ a he be se nami.

Kɔmɔ Yemi 2:1

Benɛ Nyɔmtsɛ ɔ mi mi wo la a, e ha nɛ bɔku ha Zion nɔ. E kpɔ́ Israel he fɛu ɔ kɛ je hiɔwe kɛ ba pue zugba. Ligbi ɔ nɛ e mi mi fu ɔ, e kua lɛ nitsɛ e we pohu.

Hosea 9:12

Ke a fɔ tete po, ma ha a ma gbo bi hluu kɛ yaa si kake ngmelu po be piɛe. Musu tloo mɛ wawɛɛ ke i kua mɛ.”

Samuel I, 14:3

Osɔfo Ahiya hɛɛ efɔd ɔ. Ahiya ji Ikabod nyɛminyumu Ahitub binyumu. Ahitub ji Finehas bibi, kɛ Eli nɛ ji Yawɛ osɔfo ɔ nɛ hi Shilo ɔ bibimibi. Se ma a li kaa Yonatan je a he.

Samuel I, 2:34

Nɛ nɔ́ nɛ o kɛ maa le kaa nɔ́ nɛ i de ɔ tsuo maa ba mi ji lss ma ha o binyumu enyɔ ɔmɛ nɛ ji Hofni kɛ Finehas tsuo ma gbo ligbi kake too.

Samuel I, 3:12

Jamɛ a ligbi ɔ, ma ha nɔ́ tsuaa nɔ́ nɛ i de kɛ si Eli we ɔ maa ba mi kɛ maa je sisije kɛ yaa si nyagbe.

Samuel I, 4:11

A kpɔ Mawu somi daka a, nɛ Hofni kɛ Finehas, Eli binyumu enyɔ ɔmɛ hu gbo.

Samuel I, 4:22

E de ke, “Israel hɛ mi nyami ɔ je, ejakaa a kpɔ Mawu somi daka a.”