Samuel I, 4:18 - BAIBLO ALOO NGMAMI KLƆUKLƆU Ɔ

¹⁸ Nɛ́ nyumu ɔ wo somi daka a nɔ ta kikɛ nɛ ɔ, Eli kpa kɛ je e sɛ ɔ nɔ kɛ ya nɔ e se ngɛ agbo ɔ kasa nya. Nɛ akɛnɛ nɔmlɔ ɔ bwɔ nɛ e jiɔ he je ɔ, e kuɛ ku nɛ e gbo. Eli hi Israel ma a nya jeha nyingmi eywiɛ.

Samuel I, 4:18 ပူးပေါင်းရင်းမြစ်များ

La 26:8

Yawɛ, i suɔ o hi he ɔ. I suɔ o we ɔ, he nɛ o hɛ mi nyami ɔ ngɛ ɔ.

La 42:10

Ye he nyɛli ɔmɛ yeɔ ye he fɛu nɛ a biɔ mi daa ke, “Jije o Mawu ɔ ngɛ?” I nuɔ nɔ́ nɛ ɔ he ngɛ ye mi kaa pa nɛ miɔ nɛ maa gbe mi.

La 42:3

Ya sɔuu i ngɛ foe nyɔ kɛ pia. Ye vo nyu ba pee ye niye ní; ejakaa nihi ngɛ mi bie kpamisa ke, “Jije o Mawu ɔ ngɛ?”

La 69:9

Ejakaa ye hɛ dɔ wawɛɛ ngɛ o we ɔ he; nɛ ahlua nɛ ni ɔmɛ ngɛ mo bɔe ɔ ba pue ye nɔ.

Mose III, 10:3

Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

Manyadali 15:20

Samson da Israel ma a nya jeha nyingmi enyɔ be mi nɛ Filisti bi ɔmɛ ngɛ zugba a nɔ yee ɔ.

Samuel I, 4:13

Benɛ e ba a, Eli hii si ngɛ sɛ nɔ ngɛ agbo ɔ nya, nɛ e ngɛ blɔ ɔ mi hyɛe; ejakaa e ngɛ e tsui yee ngɛ somi daka a he. Benɛ nyumu ɔ ba su ma a mi, nɛ e ba gba sane nɛ ba a, ma a tsuo kpa bubuubui.

Samuel I, 4:17

Tsɔlɔ ɔ ha lɛ heto ke, “Israel tu fo ngɛ ta a nya, nɛ a gbe a ti nihi babauu. Hofni kɛ Finehas, o binyumu enyɔ ɔmɛ gbo; nɛ a kpɔ Mawu somi daka a hu kɛ je!”

Samuel I, 4:19

Eli nganyɛ nɛ ji Finehas yo ɔ mi wa, nɛ e fɔmi be su ta. Benɛ e nu kaa a kpɔ Mawu somi daka a, nɛ e ngatsɛ ɔ, kɛ e huno ɔ tsuo gbo ɔ, e kpatu nu kɔɔmi, nɛ e fɔ.