Samuel I, 4:12 - BAIBLO ALOO NGMAMI KLƆUKLƆU Ɔ

¹² Nyumu ko nɛ je Benyamin wɛtso ɔ mi gbɔ fo kɛ je ta nga a nɔ kɛ ba Shilo jamɛ a ligbi ɔ nɔuu kɛ e he tade nɛ hía, kɛ e yi mi zu.

Samuel I, 4:12 ပူးပေါင်းရင်းမြစ်များ

Samuel II, 1:2

Ligbi etɛne ɔ, nyumu ko je Saul ta a mi kɛ ba. E hía e tade ɔmɛ ngɛ e he, nɛ e ngɔ zu ngɔ pue e yi mi kɛ tsɔɔ kaa e ngɛ kɔmɔ yee. E ba David ngɔ, nɛ e kɛ bumi ba kpla si ngɛ e hɛ mi.

Samuel II, 13:19

Tamar muɔ la zu kɛ pue e yi mi, nɛ e hía tade klɔii saminyayoo ɔ nɛ e wo ɔ. E kɛ e nine kpla e yi, nɛ e ma blɔ; nɛ e ngɛ ya foe boboobo kɛ ho.

Samuel II, 15:32

Benɛ David ya su yo ɔ yi mi he nɛ a dla kɛ ha Mawu jami ɔ, Hushai, Arki no ɔ ba kpee lɛ kɛ e hiɔwe tade nɛ hía, kɛ e yi mi zu.

Nehemia 9:1

Jamɛ a nyɔhiɔ ɔ ligbi nyingmi enyɔ kɛ eywiɛne ɔ nɔ ɔ, Israel bi ɔmɛ ba kpe konɛ a ha hwɔ, nɛ a pia a he ngɛ a yayami ɔmɛ a he. Jamɛ a be ɔ mi ɔ, Israel bi ɔmɛ tsɔ a he kɛ je nibwɔ ɔmɛ tsuo a he momo. Israel bi ɔmɛ bu kpekpe ya bo, nɛ a ngɔ bunyuku ngɔ pue a yi mi kɛ ye kɔmɔ. Jehanɛ, a da si nɛ a bɔni mɛ nitsɛmɛ, kɛ a nɛmɛ ɔmɛ a he yayamihi nɛ a pee ɔ jajemi.

Hiob 2:12

Benɛ a ma ngɛ tsitsaa a, a na Hiob, se a yo we lɛ. Benɛ a ba yo lɛ ɔ, a wo yana nɛ a nya awe. A kɛ aywilɛho hía tade ɔmɛ ngɛ a he, nɛ a fĩa bunyuku kɛ ho hiɔwe ya kɛ pue a yi mi.

Yeremia 26:6

Lɔ ɔ he ɔ, i ngɛ nyɛ dee ke, ke nyɛ wa tue kɛ mwɔɔ ɔ, lɛɛ ma pee we nɛ ɔ kaa bɔ nɛ i pee Shilo ɔ. Nɛ ma ha nɛ ma nɛ ɔ ma plɛ pee gbiɛmi nɔ́ ko kɛ ha je ma amɛ tsuo.”

Ezekiel 24:26

Jamɛ a ligbi ɔ, nɔ ko nɛ yi na wami kɛ je hɛ mi kpatami ɔ mi ma ba bɔ mo amaniɛ.

Ezekiel 27:30

Mɛ tsuo a ngɛ ya foe wawɛɛ ha mo; a ngɔ zu kɛ pue a yi mi, nɛ a ngɛ si wuwluae ngɛ la zu mi.

Yoshua 7:6

Kɛkɛ nɛ Yoshua kɛ Israel ma nimeli ɔmɛ kɛ aywilɛho hía a tade ɔmɛ ngɛ a he, nɛ a ya bu si ngɛ Yawɛ somi daka a hɛ mi kɛ a yi mi zu kɛ ye kɔmɔ kɛ ya si gbɔkuɛ.