Samuel I, 4:10 - BAIBLO ALOO NGMAMI KLƆUKLƆU Ɔ

¹⁰ Filisti bi ɔmɛ hwu ta wawɛɛ, nɛ a ye Israel nɔ. Israel ta a gbɛ, nɛ nɔ tsuaa nɔ tu fo kɛ ho e we mi ya. A gbe nihi babauu nitsɛ, nɛ Israel ta buli akpe nyingmi etɛ sɔuu gbo.

Samuel I, 4:10 ပူးပေါင်းရင်းမြစ်များ

Matsɛmɛ II, 14:12

Israel ye Yuda nɔ kunimi, nɛ Yuda ta buli ɔmɛ tsuo tu fo kɛ ho a wehi a mi ya.

Samuel I, 4:2

Ta a mi wa saminya. Filisti bi ɔmɛ ye Israel bi ɔmɛ a nɔ, nɛ a gbe a ta buli maa pee akpe eywiɛ.

Mose V, 28:25

“Yawɛ ma ha nyɛ he nyɛli ɔmɛ maa ye nyɛ nɔ. Nyɛ maa gu he kake kɛ ya tua mɛ, se a maa gbɛ nyɛ ngɔ fĩa basaa, nɛ zugba a nɔ matsɛ yemi ɔmɛ tsuo maa ye gbeye ngɛ nɔ́ nɛ ba nyɛ nɔ ɔ he.

Mose III, 26:17

Ye hɛ maa dɔ kɛ wo nyɛ, nɛ nyɛ he nyɛli ɔmɛ maa fia nyɛ ní nɛ a gbe; a maa ye nyɛ nɔ wawɛɛ, nɛ ke nɔ ko nyɛɛ we nyɛ se po nyɛ maa hi fo nɔ pulɛpulɛ.

Samuel II, 18:17

A je Absalom nɛ a sake lɛ ngɔ fɔ muɔ agbo ko mi ngɛ hue ɔ mi, nɛ a muɔ tɛ babauu ngɔ pue e nɔ. Israel bi ɔmɛ tsuo tu fo, nɛ nɔ tsuaa nɔ pue lɛ nitsɛ e ma mi blɔ.

La 78:9

Efraim bi ɔmɛ mia, nɛ a hɛɛ kɛ̃ɛ̃, se benɛ ta hwumi be ɔ su ɔ, a ma fo kɛ je ta a nya.

Kronika II, 25:22

Israel ye Yuda nɔ kunimi, nɛ Yuda ta buli ɔmɛ tsuo tu fo kɛ ho a wehi a mi ya.

Kronika II, 13:17

Abiya kɛ e tabo ɔmɛ gbe Israel bi ɔmɛ basabasa; Israel ta buli nɛ a kɔni si wa akpe lafa enuɔ sɔuu nɔ ngɛ ta a mi.

Matsɛmɛ I, 22:36

Pu si nɔmi be ɔ, a fiɛ ngɛ Israel ta a mi ke, “Nɔ tsuaa nɔ nɛ kpale kɛ ho e zugba nɔ, kɛ e ma mi ya!”

Matsɛmɛ I, 12:16

Benɛ Israel ma a tsuo na kaa matsɛ ɔ bui mɛ tue ɔ, a de ke, “Mɛni blɔ nya wa ngɛ ngɛ David ngɔ? Wa be gbosi ní ngɛ Ishai binyumu ɔ ngɔ. Israel ma! Nɔ tsuaa nɔ nɛ pue lɛ nitsɛ e we mi blɔ! Nyɛ ha Rehoboam nɛ ya ye tsɛ ngɛ David we ɔ nɔ!” Kɛkɛ nɛ Israel ma a tsɔ atuã,

Samuel II, 20:1

E ba mi kaa yakayaka nɔmlɔ ko nɛ a tsɛɛ lɛ Sheba ba je Gilgal. Benyamin no, Bikri bi ji lɛ. Sheba kpa titimati nɛ e de ke, “Wa be blɔ nya ko ngɛ David ngɔ; Ishai binyumu ɔ, pi e ní yeli ji wɔ. Israel bi, nɔ tsuaa nɔ nɛ ho lɛ nitsɛ e we mi ya!”

Samuel II, 19:8

Kɛkɛ nɛ matsɛ ɔ te si nɛ e ho ya hi si ngɛ ma agbo ɔ nya. Nɛ benɛ e we bi ɔmɛ tsuo nu kaa matsɛ ɔ hii si ngɛ ma agbo ɔ nya a, mɛ tsuo a ya na lɛ ngɛ lejɛ ɔ. Jamɛ a be ɔ, Israel bi ɔmɛ a ti nɔ tsuaa nɔ tu fo kɛ ho lɛ nitsɛ e ma mi ya.

Samuel II, 18:7

nɛ a ye Israel bi ɔmɛ a nɔ. Nimli a bimɛ a yi nɛ a tane jamɛ a ligbi ɔ, tsa pi fiɛmi; nimli akpe nyingmi enyɔ sɔuu gbo.

Mose V, 28:15

“Se ke nyɛ bui Yawɛ, nyɛ Mawu ɔ gbi tue, nɛ nyɛ yi e fami ɔmɛ, kɛ e mlaa amɛ tsuo nɛ i ngɛ nyɛ woe mwɔnɛ ɔ a nɔ pɛpɛɛpɛ ɔ, gbiɛmi nɛ ɔmɛ tsuo maa ba nyɛ nɔ.

Yeremia 7:12

Nyɛɛ ya Shilo, kekleekle ma, he nɛ i hla kaa a ja mi ngɛ ɔ nɛ nyɛ ya hyɛ bɔ nɛ i pee lejɛ ɔ ngɛ ye ma Israel he yayami ɔmɛ a he.

Samuel I, 3:11

Yawɛ de Samuel ke, “I miɔ nɛ ma pee nɔ́ ko ngɛ Israel, nɛ nɔ tsuaa nɔ nɛ maa nu he ɔ, e tue mi maa pee lɛ heii.