Samuel I, 4:1 - BAIBLO ALOO NGMAMI KLƆUKLƆU Ɔ

¹ Jamɛ a be ɔ, Filisti bi ɔmɛ ya bua a he nya ngɛ Afek, konɛ a ya tua Israel bi ɔmɛ. Israel bi ɔmɛ hu ya bua a he nya ngɛ Ebenezer, konɛ a kɛ mɛ nɛ hwu.

Samuel I, 4:1 ပူးပေါင်းရင်းမြစ်များ

Matsɛmɛ I, 20:26

Jeha kake se ɔ, e bua Siria bi ɔmɛ a nya, nɛ e kɛ mɛ hia kɛ ba Afek, konɛ e kɛ Israel bi ɔmɛ ba hwu ta.

Matsɛmɛ I, 20:30

Ni nɛmɛ nɛ gbo we ɔ tu fo kɛ ho Afek ya, nɛ gbogbo ɔ nɛ a fia kɛ wo ma a he ɔ hule pue a ti nihi akpe nyingmi enyɔ kɛ kpaago a nɔ. Benhadad hu tu fo kɛ ho ma a mi ya, nɛ e ya laa e he ngɛ se tsu ko mi.

La 83:7

Gebal bi, Amon bi, Amalek bi, Filistia bi, kɛ Tiro bi.

Mose V, 29:10

“Mwɔnɛ ɔ, nyɛ tsuo nyɛ daa si ngɛ Yawɛ nyɛ Mawu ɔ hɛ mi. Nyɛ, nyɛ ma nimeli, tsɔli, nyumuhi,

Yoshua 12:18

Afek, Lasharon,

Yoshua 13:4

Enɛ ɔmɛ hu piɛ he: Kanaan bi ɔmɛ a zugba a tsuo, kɛ Meara nɛ ji Sidon bi ɔmɛ a nɔ́ ɔ, kɛ ya su Afek ngɛ Amor bi ɔmɛ a huzu ɔ nya,

Yoshua 15:53

Yanim, Bet Tapua, Afeka,

Yoshua 19:30

Uma, Afek, kɛ Rehob. E peeɔ ma nyingmi enyɔ kɛ enyɔ kɛ a he kɔpehi.

Samuel I, 10:19

Imi ji nyɛ Mawu nɛ jeɔ nyɛ kɛ jeɔ haomi, kɛ nɔ́ nami tsuo mi. Se mwɔnɛ ɔ, nyɛ kua mi, nɛ nyɛ bi ke ma ha nyɛ matsɛ. Yoo, nyɛ ba bua nyɛ he nya wɛtso nya wɛtso nya, kɛ weku nya weku nya ngɛ Yawɛ hɛ mi.’ ”

Samuel I, 29:1

Filisti bi ɔmɛ bua a tabo ɔmɛ tsuo a nya ngɛ Afek, nɛ Israel bi ɔmɛ hu ya bua ngɛ nyu vu ko nɛ ngɛ Yezreel ɔ kasa nya.

Samuel I, 3:11

Yawɛ de Samuel ke, “I miɔ nɛ ma pee nɔ́ ko ngɛ Israel, nɛ nɔ tsuaa nɔ nɛ maa nu he ɔ, e tue mi maa pee lɛ heii.

Samuel I, 4:2

Ta a mi wa saminya. Filisti bi ɔmɛ ye Israel bi ɔmɛ a nɔ, nɛ a gbe a ta buli maa pee akpe eywiɛ.

Samuel I, 5:1

Benɛ Filisti bi ɔmɛ kpɔ somi daka a, a wo lɛ kɛ je Ebenezer kɛ ho Ashdod ya,

Samuel I, 7:12

Kɛkɛ nɛ Samuel ngɔ tɛ kɛ ma Mizpa kɛ Shen a kpɛti, nɛ e wo lejɛ ɔ biɛ Ebenezer; nɛ e de ke, “Hiɛmɛ nɛ ɔ Yawɛ ye bua wɔ kɛ ba si.”