Samuel I, 31:12 - BAIBLO ALOO NGMAMI KLƆUKLƆU Ɔ

¹² nyumuhi katsɛmɛ ɔmɛ tsuo nyɛɛ nyɔnyɔɔnyɔ kɛ ya Bet Shan ya je Saul gbogboe ɔ, kɛ e binyumu ɔmɛ a ní ɔmɛ kɛ je gbogbo ɔ he, nɛ a ngɔ mɛ kɛ ba Yabesh, nɛ a ba sã mɛ ngɛ lejɛ ɔ.

Samuel I, 31:12 ပူးပေါင်းရင်းမြစ်များ

Kronika II, 16:14

nɛ a pu lɛ ngɛ David ma a mi, ngɛ tɛ sa yɔkɔ ko nɛ lɛ nitsɛ e kpɛ ngɔ to ɔ mi. A ngɔ lɛ ngɔ fɔ nɔ gbogboe sa ko nɔ. A kɛ tsopahi kɛ a he via nɛ a je blɔ futu slɔɔtoslɔɔto dla sa nɛ ɔ, nɛ a slɛ la ko nɛ ngɛ tsoe gegeege kɛ wo e hɛ mi nyami.

Yeremia 34:5

O ma gbo ngɛ tue mi jɔmi mi. Nɛ kaa bɔ nɛ a sã tsopa kɛ e he via kɛ pu o nɛmɛ, nɛ ji matsɛmɛ ɔmɛ nɛ nyɛɛ o hɛ mi ɔ, ja nɔuu a maa sã tsopa kɛ e he via kɛ ha mo. A maa wo yana, nɛ a ma de ke, ‘Nɛnɛ! Due! Due!’ Imi, Yawɛ lɛ i de.”

Amos 6:10

Ke nɔ nɛ gbo ɔ tsɛko, kɛ weku ɔ mi nɔ kpa ko ba nɛ a ba ngɔ gbogboe ɔ, a ma bi nɔ nɛ ya laa e he ngɛ tsu ɔ mi ke, “Anɛ nɔ ko piɛ o he ngɛ tsu ɔ mi kɛ mwɔɔ lo?” Ke nɔ ɔ he nɔ ke, “Dɛbi!” ɔ, weku no ɔ nɛ ma gbogboe ɔ ngɔmi ɔ ma de lɛ ke, “Pee dii! Wa ko wo Yawɛ biɛ ta nɛ e ba nu.”

Samuel I, 31:10

Lɔ ɔ se ɔ, a ngɔ e ta hwumi ní ɔmɛ ya to yo mawu ɔ nɛ a tsɛɛ Ashtarot ɔ we ɔ, nɛ a kɛ e nɔmlɔ tso ɔ ya kpla Bet Shan gbogbo ɔ he.

Kronika I, 10:12

ta buli katsɛmɛ ɔmɛ tsuo ya nɛ a ya ngɔ Saul gbogboe ɔ, kɛ e binyumu ɔmɛ a ní ɔmɛ kɛ ba Yabesh ba pu ngɛ tso ngua a sisi. Nɛ a ha hwɔ ligbi kpaago.