Samuel I, 31:1 - BAIBLO ALOO NGMAMI KLƆUKLƆU Ɔ

¹ Ligbi ko ɔ, Filisti bi ɔmɛ, kɛ Israel bi ɔmɛ hwu ta ngɛ Gilboa yo ɔ nɔ. A gbe Israel bi ɔmɛ babauu nitsɛ ngɛ lejɛ ɔ, nɛ Saul, kɛ e binyumu ɔmɛ, kɛ ni nɛmɛ nɛ piɛ ɔ tu fo.

Samuel I, 31:1 ပူးပေါင်းရင်းမြစ်များ

Samuel I, 28:4

Filisti bi ɔmɛ bua a he nya ngɛ Shunem, nɛ Saul hu bua Israel tsuo nya ngɛ Gilboa.

Samuel II, 1:21

Nyɛ Gilboa yohi, bɔ́, loo hiɔmi nɛ ko nɛ ngɛ nyɛ nɔ; nyɛ ngmɔ ko ngmɔ ko nɛ kó ba ní. Ejakaa lejɛ ɔ nyɛ katsɛmɛ ɔmɛ a tsɛ̃i ɔmɛ a hɛ mi pue si ngɛ; Saul tsɛ̃i ɔ fɔɔ si nɛ a pɔɛ he nu hu!

Samuel I, 29:1

Filisti bi ɔmɛ bua a tabo ɔmɛ tsuo a nya ngɛ Afek, nɛ Israel bi ɔmɛ hu ya bua ngɛ nyu vu ko nɛ ngɛ Yezreel ɔ kasa nya.

Samuel I, 28:15

Samuel bi Saul ke, “Mɛni he je o hao mi kikɛ nɛ ɔ? Mɛni he je o ba tsɛ mi?” Saul he nɔ ke, “Ye yi fi. Lɔ ɔ ji Filisti bi ɔmɛ kɛ mi ngɛ ta hwue, nɛ Mawu je ye se. Ke i tsɛ lɛ ɔ, e he we nɔ; jehanɛ hu i nui e he kɛ gui gbali ɔmɛ a nɔ, loo nlami mi. Enɛ ɔ he je nɛ i ba tsɛ mo, konɛ o tsɔɔ mi bɔ nɛ ma pee.”

Samuel I, 28:1

Jamɛ a be ɔ, Filisti bi ɔmɛ bua a tabo ɔmɛ a nya, konɛ a kɛ Israel nɛ ya hwu. Akish de David ke, “Na nɛ o le kaa o kɛ o we bi ɔmɛ ma ba piɛ ye he kɛ hwu ta a.”

Samuel I, 12:25

Se ke nyɛ tsa nɔ pee yayami ɔ, lɛɛ e ma kpata nyɛɛ kɛ nyɛ matsɛ ɔ tsuo nyɛ hɛ mi.”

Samuel II, 1:6

Niheyo ɔ he nɔ ke, “I ya je Gilboa yo ɔ nɔ tlukaa, nɛ i na Saul nɛ e buu si ngɛ e we akplɔ ɔ nɔ. E he nyɛli ɔmɛ a ta zugba lɛ ɔmɛ, kɛ a we okpɔngɔ nɔ hili ɔmɛ su e he haa.

Samuel II, 4:4

Saul bi Yonatan ngɛ bi akpaketsɛ ko nɛ a tsɛɛ lɛ Mefiboshet. Benɛ Saul kɛ Yonatan gbenɔ sane ɔ pɛ ngɛ Yezreel ɔ, jamɛ a be ɔ, Mefiboshet ye jeha enuɔ. A tsɔɔ kaa benɛ sane ɔ ba a, bimɛanyɛ nɛ ngɛ e nɔ hyɛe ɔ ngɔ lɛ kɛ tu fo. Se nɛ e ngɛ esɔ yee ɔ, jokuɛ ɔ je e dɛ nɔ si nɛ e hule.

Samuel I, 28:19

Jehanɛ se hu, Yawɛ maa ngɔ mo, kɛ Israel tsuo kɛ wo Filisti bi ɔmɛ a dɛ mi; nɛ hwɔɔmɛ a je hwɔɔ ɔ, o kɛ o binyumu ɔmɛ ma ba piɛ ye he. Israel tabo ɔ hu Yawɛ maa ngɔ mɛ kɛ wo Filisti bi ɔmɛ a dɛ mi.”