Samuel I, 30:8 - BAIBLO ALOO NGMAMI KLƆUKLƆU Ɔ

⁸ David bi Yawɛ ke, “Ma nyɛɛ ní hali ɔmɛ a se lo? Anɛ ye nine maa su a nɔ lo?” Yawɛ he nɔ ke, “Ee, moo nyɛɛ a se; ejakaa o ma ya na mɛ, nɛ bɔ tsuaa bɔ nɛ pee ɔ, o ma kpɔ ni ɔmɛ.”

Samuel I, 30:8 ပူးပေါင်းရင်းမြစ်များ

Samuel I, 30:18

David kpɔ nɔ́ tsuaa nɔ́ nɛ Amalek bi ɔmɛ ba ha kɛ ho ɔ. E nine su e yihi enyɔ ɔmɛ hu a nɔ,

Samuel I, 23:2

Lɔ ɔ he ɔ, David bi Yawɛ ke, “Ma ya nɛ ma ya tua Filisti bi ɔmɛ lo?” Yawɛ he nɔ ke, “Ee, yaa nɛ o ya tua mɛ nɛ o kɛ he Keila yi wami.”

Samuel II, 5:19

David bi Yawɛ ke, “Ma ya tua Filisti bi ɔmɛ lo? O ma je mɛ kɛ wo ye dɛ mi lo?” Yawɛ ha David heto ke, “Ee, moo ya! Bɔ tsuaa bɔ nɛ pee ɔ, ma je Filisti bi ɔmɛ kɛ wo o dɛ mi.”

Samuel II, 5:23

Benɛ David ya bi Yawɛ ga womi ekohu ɔ, Yawɛ de lɛ ke, “Dɛbi, ko tua mɛ ngɛ hiɛ ɔ; yaa lɔgɔ kɛ gu a se je, nɛ o ya tua mɛ ngɛ tso ɔmɛ a he ngɛ lejɛ ɔ.

Samuel I, 23:4

Lɔ ɔ he ɔ, David kpale bi Yawɛ ga womi ekohu. Nɛ Yawɛ de lɛ ke, “Yaa nɛ o ya tua Keila; ejakaa ma ngɔ Filisti bi ɔmɛ kɛ wo o dɛ mi.”

La 91:15

Ke e tsɛ mi ɔ, ma he nɔ; ke haomi ba e nɔ ɔ, ma piɛ e he. Ma je lɛ, nɛ ma wo e hɛ mi nyami.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

Mose IV, 27:21

É ba e he si ha osɔfo Eleazar, konɛ osɔfo Eleazar hu nɛ ngɔ Urim kɛ Tumim kɛ bi Yawɛ ga womi ha lɛ. Nɔ́ tsuaa nɔ́ nɛ Yawɛ ma de Eleazar a, lɔ ɔ Yoshua, kɛ Israel ma kpekpemi ɔ tsuo maa pee.”

Samuel I, 28:6

lɔ ɔ he ɔ, e ya bi Yawɛ ga womi. Se Yawɛ pui e nya mi. E na we sɛ gbi ko kɛ gui nlami mi. Urim kɛ Tumim de we lɛ nɔ́ ko, nɛ e nui nɔ́ ko kɛ ji gbalɔ ko gbalɔ ko nya.

Manyadali 20:18

Israel bi ɔmɛ pue nɔ kɛ ho Betel ya, nɛ a ya bi Mawu ga womi ke, “Wa ti mɛnɔmɛ maa nyɛɛ tabo ɔ hɛ mi kɛ ya tua Benyamin bi ɔmɛ?” Nɛ Yawɛ de mɛ ke, “Yuda wɛtso ɔ maa hia kekle.”

Manyadali 20:28

nɛ Finehas, Aaron binyumu Eleazar bi ɔ ji osɔfo nɛ hyɛɛ nɔ. Israel bi ɔmɛ ya bi Yawɛ ga womi ke, “Anɛ waa ya nɛ waa kɛ wa nyɛmimɛ Benyamin bi ɔmɛ ya hwu ekohu, aloo wa ko ya?” Yawɛ he nɔ ke, “Nyɛɛ ya, ejakaa hwɔɔ ɔ, ma ngɔ mɛ ngɔ wo nyɛ dɛ mi.”

Samuel I, 14:37

Lɔ ɔ he ɔ, Saul bi Mawu ke, “Ma ya tua Filisti bi ɔmɛ lo? Anɛ o maa ngɔ mɛ kɛ wo Israel dɛ mi lo?” Se Mawu ha we lɛ heto jamɛ a ligbi ɔ.

Mose I, 14:16

Abram kpɔ ní ɔmɛ nɛ a ba ha a tsuo ngɛ he nyɛli ɔmɛ a dɛ. Jehanɛ, e wɔfase Lot, kɛ e ní ɔmɛ, kɛ e yi ɔmɛ, kɛ ni kpa amɛ nɛ a ba nuu ɔ hu, e nine su mɛ tsuo pɛpɛɛpɛ a nɔ.

Mose II, 15:9

He nyɛlɔ ɔ ke, ‘Ma nyɛɛ a se nɛ ma ya na mɛ; ma dla ta ní ɔmɛ ngɛ ye suɔmi nya. Ma hia ye ha a, nɛ ma kpata a hɛ mi.’

Samuel I, 30:19

nɛ nɔ́ ko nɔ́ ko laa we. David kpɔ e we bi ɔmɛ a binyumu ɔmɛ, kɛ a biyi ɔmɛ, kɛ ta yibu ní nɛ Amalek bi ɔmɛ muɔ ɔ tsuo.

Manyadali 8:4

Jamɛ a be ɔ mi ɔ, Gideon kɛ nyumuhi lafa etɛ ɔmɛ nɛ piɛ e he ɔ ya su Yordan pa a nya, nɛ a po pa a. Jamɛ a be ɔ, pɔ tɔ mɛ, nɛ hwɔ gbe mɛ.

Samuel I, 10:22

Lɔ ɔ he ɔ, a ya bi Yawɛ ke, “Jije nɔmlɔ ɔ ngɛ?” Nɛ Yawɛ de mɛ ke, “Saul ya laa e he ngɛ nito he ɔ.”