Samuel I, 30:24 - BAIBLO ALOO NGMAMI KLƆUKLƆU Ɔ

²⁴ Mɛnɔ maa kplɛɛ nɔ́ nɛ nyɛ de nɛ ɔ nɔ? Bɔ nɛ ta yalɔ ko ma na a, ja nɔuu nɔ nɛ buu ní ɔmɛ a he ɔ ma na; mɛ tsuo a ma na sɔsɔɛ.”

Samuel I, 30:24 ပူးပေါင်းရင်းမြစ်များ

Mose IV, 31:27

Dla ta yibu ní ɔmɛ a mi fiee enyɔ; ngɔɔ fa kɛ ha tabo ɔmɛ nɛ ya hwu ta a, nɛ o ngɔ fa hu kɛ ha ma kpekpemi ɔ tsuo.

La 68:12

“Matsɛmɛ ɔmɛ, kɛ a tabo ɔmɛ tu fo oo! A tu fo kɛ je ta a nya oo!” Yihi nɛ a si ngɛ se ɔ dla ta yibu ní ɔ ha a he.

Samuel I, 25:13

Kɛkɛ nɛ David de e we bi ɔmɛ ke, “Nyɛ ti nɔ tsuaa nɔ nɛ fi e klaate!” Nɛ a pee ja. David hu fi e klaate ɔ, nɛ e kɛ nyumuhi maa pee lafa eywiɛ hia kɛ je lejɛ ɔ, nɛ a si nihi lafa enyɔ ngɛ tlomi ɔmɛ a he.

Samuel I, 30:23

Se David de mɛ ke, “Ye nyɛmimɛ, nɔ́ nɛ Yawɛ ha wɔ ɔ, nyɛ ko pee lɛ ja. Yawɛ baa wa yi nɛ e je ni nɛmɛ nɛ ba tua wɔ ɔ kɛ wo wa dɛ mi.

Samuel I, 30:25

David pee nɔ́ nɛ ɔ mlaa, nɛ a ngɛ nɔ yee ngɛ Israel kɛ je jamɛ a be ɔ kɛ ba si mwɔnɛ ɔ.

Samuel I, 22:2

Ni kpa komɛ hu ba piɛ David he. Mɛ ji nihi nɛ a ngɛ mɛ yi mi wae, nihi nɛ hɛɛ hiɔ, kɛ ni nɛmɛ nɛ a pee mɛ nidɔ níhi, nɛ David pee a nyatsɛ. Nihi nɛ nyɛɛ e se ɔ a yibɔ maa pee lafa eywiɛ.