Samuel I, 30:14 - BAIBLO ALOO NGMAMI KLƆUKLƆU Ɔ

¹⁴ Wa ya tua Keret bi a zugba a nɛ ngɛ Yuda leneyi je ɔ, kɛ Kaleb bi a zugba a, nɛ wa sã Ziklag ma a.”

Samuel I, 30:14 ပူးပေါင်းရင်းမြစ်များ

Zefania 2:5

Nyɛ Filisti bi nɛ nyɛ ngɛ wo nya, kɛ nyɛ ni nɛmɛ nɛ nyɛ ngɛ Kanaan zugba a nɔ, musu tloo nyɛ! Yawɛ bu nyɛ hu fɔ. Yawɛ ma kpata nyɛ hɛ mi, nɛ nyɛ ti nɔ kake ngmelu po he be mi jee.

Ezekiel 25:16

Lɔ ɔ he ɔ, i ngɛ dee ke, i kɛ Filisti bi ɔmɛ maa to ní; ma tua mɛ, nɛ ma kpata a hɛ mi pɛsɛpɛsɛ; Keret bi ɔmɛ, kɛ nihi tsuo nɛ ngɛ wo nya ma amɛ a mi ɔ be a he yee.

Matsɛmɛ I, 1:44

Nɛnɛ tsɔ osɔfo Zadok, gbalɔ Natan, Yehoyada binyumu Benaya, kɛ matsɛ we bi a tabo ɔ, nɛ a ya kpee Salomo. A ngɔ lɛ ngɔ hi Matsɛ David nitsɛ teji okpɔngɔ nɔ,

Matsɛmɛ I, 1:38

Kɛkɛ nɛ osɔfo Zadok, kɛ gbalɔ Natan, kɛ Yehoyada binyumu Benaya, kɛ matsɛ we bi a tabo ɔ ho nɛ a ya ngɔ Salomo ngɔ hi Matsɛ David teji okpɔngɔ ɔ nɔ, nɛ a nyɛɛ e se kɛ ya Gihon.

Samuel II, 8:18

Yehoyada binyumu Benaya ji Keret kɛ Pelet bi ɔmɛ a nyatsɛ. Keret kɛ Pelet bi ɔmɛ ji David we bi a tabo. David binyumu ɔmɛ ji osɔfohi.

Samuel I, 30:16

Nɛ e kɛ David ho. Benɛ a su lejɛ ɔ, a na ni ɔmɛ nɛ a pueɔ si babauu ngɛ zugba. Blɔɔ a ngɛ ní yee, a ngɛ ní nue, nɛ a ngɛ doe; ejakaa ta yibu ní nɛ a nine su nɔ ngɛ Filistia kɛ Yuda a, tsa pi fiɛmi.

Samuel I, 30:1

Ligbi nɛ ji etɛ ɔ, be nɛ David kɛ e we bi ɔmɛ ke a suu Ziklag ɔ, Amalek bi ɔmɛ ba ha ní ngɛ Yuda leneyi je, nɛ a tua Ziklag. A kɛ la sã Ziklag,

Yoshua 15:13

Yoshua ha Yefune binyumu Kaleb zugba a eko ngɛ Yuda bi ɔmɛ a nɔ́ ɔ mi, kaa bɔ nɛ Yawɛ fa lɛ ɔ. A ha lɛ Kiriat Arba nɛ a tsɛɛ lɛ Hebron, ma nɛ a kɛ Anak binyumu Arba biɛ wo lɛ ɔ.

Yoshua 14:13

Yoshua gbaa Yefune binyumu Kaleb, nɛ e ngɔ Hebron ma a ngɔ ha lɛ kaa e weto ní.

Kronika I, 18:17

Yehoyada binyumu Benaya ji Keret kɛ Pelet bi ɔmɛ a nyatsɛ. Ni nɛ ɔmɛ ji David we bi a tabo. David binyumu ɔmɛ hɛɛ blɔ nya nguanguahi ngɛ matsɛ tsɔli ɔmɛ a kpɛti.

Yoshua 21:12

Ma nɛ ɔ he zugba amɛ, kɛ e he kɔpe ɔmɛ lɛɛ a ngɔ kɛ ha Yefune binyumu Kaleb kaa e weto ní momo.

Samuel I, 30:13

David bi lɛ ke, “Mɛnɔ ngɔ bi ji mo? Nɛ jije o je?” Niheyo ɔ he nɔ ke, “Egipt no ji mi, se ye nyɔmtsɛ ɔ lɛɛ Amalek no ji lɛ. Ye nyɔmtsɛ ɔ je ye he ngɛ hiɛ ɔ mwɔnɛ ɔ ji ligbi etɛ; ejakaa i be he wami.

Samuel I, 30:15

David bi lɛ ke, “Anɛ o ma nyɛ maa tsɔɔ mi he nɛ nimli nɛ ɔmɛ ngɛ lo?” Niheyo ɔ he nɔ ke, “Ke o maa wo si ngɛ Mawu biɛ mi kaa o be mi gbee, nɛ jehanɛ hu, o be mi jee kɛ wo ye nyɔmtsɛ ɔ dɛ mi ɔ, lɛɛ i kɛ mo maa ya.”