Samuel I, 3:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, e de Samuel ke, “Yaa hwɔ si, nɛ ke e tsɛ mo ekohu ɔ, de ke, ‘Moo tu munyu, Yawɛ; o tsɔlɔ ngɛ mo tue bue.’ ” Nɛ Samuel ho nɛ e ya hwɔ si.

Samuel I, 3:9 ပူးပေါင်းရင်းမြစ်များ

La 85:8

Nɔ́ nɛ Yawɛ Mawu ngɛ dee ɔ, i nu. E ngɛ wɔ, e ni klɔuklɔu ɔmɛ dee ke e ma ha wɔ tue mi jɔmi, se wa ko kpale ya je kuasia hu.

La 85:9

Niinɛ, Mawu pee klaalo kɛ ma he nihi nɛ jaa lɛ ɔ a yi wami; konɛ hɛ mi nyami nɛ hi wa zugba a mi.

Mose II, 20:19

Nɛ a de Mose ke, “Mo nitsɛ o kɛ wɔ nɛ tu munyu nɛ waa nu; ko ha nɛ Mawu kɛ wɔ nɛ tu munyu nɛ wa ba gbo.”

Yesaya 6:8

Jehanɛ, i nu nɛ Nyɔmtsɛ ɔ bi ke, “Mɛnɔ ma tsɔ? Mɛnɔ maa ya?” I he nɔ ke, “I ngɛ hiɛ ɔ, Moo tsɔ mi!”

Daniel 10:19

E de mi ke, “Mo he manye! Mawu suɔ o sane saminya. Koo ye gbeye! Ko ha nɛ nɔ́ ko nɛ hao mo!” Benɛ e kɛ mi tu munyu nɛ ɔ, i na he wami he, nɛ i de lɛ ke, “Ye nyɔmtsɛ! I kpa mo pɛɛ, nɔ́ nɛ ngɛ o nya a, de mi; ejakaa o ha nɛ i na he wami.”

Ni Tsumi 9:6

Tee si ngɛ zugba, nɛ o ya ma a mi, nɛ a maa tsɔɔ mo nɔ́ nɛ sa kaa o pee!”

Yoshua 5:14

Nyumu ɔ he nɔ ke, “Dɛbi, mohu ɔ, i ba kaa Yawɛ tabo ɔ nyatsɛ.” Kɛkɛ nɛ Yoshua ngɔ e hɛ mi ngɔ bu zugba nɛ e ja lɛ, nɛ e de lɛ ke, “I kpa mo pɛɛ, o tsɔlɔ ji mi. Mɛni o ngɛ hlae nɛ ma pee ha mo?”

Samuel I, 3:10

Kɛkɛ nɛ Yawɛ ba da si ngɛ lejɛ ɔ, nɛ e tsɛ lɛ kaa kekle ɔ ke, “Samuel! Samuel!” Nɛ Samuel he nɔ ke, “Moo tu munyu, o tsɔlɔ ngɛ mo tue bue.”

Samuel I, 3:8

Yawɛ tsɛ Samuel ekohu si etɛne, nɛ Samuel te si kɛ ho Eli ngɔ ya nɛ e ya de lɛ ke, “I kpa mo pɛɛ, i ba; i nu nɛ o tsɛ mi.” Jehanɛ Eli yɔse kaa Yawɛ nɛ ngɛ jokuɛ nyumuyo ɔ tsɛe ɔ nɛ.