Samuel I, 3:6 - BAIBLO ALOO NGMAMI KLƆUKLƆU Ɔ

⁶ Yawɛ tsɛ Samuel ekohu, nɛ Samuel te si kɛ ho Eli ngɔ ya nɛ e ya de lɛ ke, “I kpa mo pɛɛ, i ba; i nu nɛ o tsɛ mi.” Se Eli de lɛ ke, “I tsɛ we mo, ye bi; yaa nɛ o ya hwɔ si ekohu.”

Samuel I, 3:6 ပူးပေါင်းရင်းမြစ်များ

Mose I, 43:29

Benɛ Yosef na e nyɛmi Benyamin, e nyɛbi ɔ, e de ke, “Nyɛ nyɛmi jokuɛyo ɔ nɛ nyɛ wo e biɛ ta a ji nɛ ɔ lo? Ye bi, Mawu nɛ gbaa mo!”

Samuel II, 18:22

Ahimaaz, Zadok bi ɔ kpale de Yoab ke, “Nɔ́ nɛ maa ba nɛ e ba! Ha nɛ imi hu ma gbɔ fo kɛ nyɛɛ Kush no ɔ se.” Yoab de lɛ ke, “Ye bi, mɛni he je nɛ o ngɛ hlae doo kaa mo hu o maa ya a? O be hiɔwo ko nae ngɛ sɛ gbi nɛ ɔ nɛ o kɛ maa ya a he oo!”

Mateo 9:2

Kɛkɛ nɛ a kɛ nɔ ko nɛ ngɛ hulemi hiɔ nue fɔ sa nɔ kɛ ba e ngɔ. Benɛ Yesu na bɔ nɛ a hemi kɛ yemi ɔ mi wa ha a, e de hiɔtsɛ ɔ ke, “Ye bi, wlua mo! A kɛ o he yayami ɔmɛ pa mo.”

Samuel I, 3:5

Samuel tu fo kɛ ho Eli ngɔ ya nɛ e ya de lɛ ke, “I kpa mo pɛɛ, i ba; i nu nɛ o tsɛ mi.” Se Eli de lɛ ke, “I tsɛ we mo; yaa nɛ o ya hwɔ si ekohu.” Nɛ Samuel ho nɛ e ya hwɔ si.

Samuel I, 3:7

Jamɛ a be ɔ, Samuel li Yawɛ lolo; ejakaa Yawɛ kɛ lɛ tui munyu hyɛ.

Samuel I, 4:16

Nyumu ɔ de Eli ke, “Ta nga a nɔ i je kɛ ba nɛ ɔ nɛ; mwɔnɛ ɔ nɔuu i tu fo kɛ je lejɛ ɔ.” Eli bi lɛ ke, “Ye bi, kɛ níhi ya nɔ kɛɛ?”