Samuel I, 3:2 - BAIBLO ALOO NGMAMI KLƆUKLƆU Ɔ

² Ligbi ko nyɔ mi, benɛ Eli, nɛ lɔ ɔ ji e hɛngmɛ yu ta, hwɔɔ si ngɛ lɛ nitsɛ e tsu ɔ mi ɔ,

Samuel I, 3:2 ပူးပေါင်းရင်းမြစ်များ

Samuel I, 4:15

Jamɛ a be ɔ, Eli ye jeha nyingmi nɛɛ kɛ kpaanyɔ; e hɛngmɛ nɔ ha, nɛ e hyɛ we nɔ́ kpakpa ko hu.

La 90:10

Wa wami be ɔ tsuo ji jeha nyingmi kpaago. Ke wa ngɛ he wami ɔ, wa naa nyingmi kpaanyɔ, se lɛ tsuo peeɔ haomi kɛ aywilɛho sɔuu. Wa wami se poɔ tlukaa; nɛ wa bee kɛ yaa kaa lohwe pɛlitsɛmɛ nɛ te kɛ bee.

Mose I, 48:10

Jamɛ a be ɔ mi ɔ, Yakob hɛngmɛ hyɛ we nɔ́ saminya; ejakaa e bwɔ. Lɔ ɔ he ɔ, Yosef ngɔ jokuɛwi ɔmɛ kɛ ba su Yakob he haa. Yakob fua mɛ atuu, nɛ e fiɔ a nya he.

Mose I, 27:1

Benɛ Isak ba bwɔ, nɛ e hɛngmɛ yu ɔ, e tsɛ e bi nɔkɔtɔma Esau ɔ, nɛ e de lɛ ke, “Ye bi!” Esau he nɔ ke, “Tsaatsɛ, i ngɛ hiɛ ɔ.”

Mose I, 48:19

Se e tsɛ ɔ kplɛɛ we. E tsɛ ɔ de ke, “I le, ye bi, i le. Manase ɔ, lɛ hu e nina ma ba pee ma agbo hwɔɔ se. Se mohu ɔ, e senɔ ɔ ma ba pee nɔmlɔ agbo pe lɛ, nɛ e senɔ ɔ nina ma ba pee je ma nguanguahi.”

Fiɛlɔ 12:3

O ninehi nɛ o kɛ buɔ o he ɔ ma bɔni kpokpomi, nɛ o nane kpakpataa amɛ a mi maa jɔ. O lunguhi be nyɛe maa ta nɔ́ hu, ejakaa a he pi. O hɛngmɛ ɔmɛ a nɔ maa ha, nɛ o be nɔ́ hyɛe saminya hu.

Samuel I, 2:22

Jehanɛ lɛɛ Eli ba bwɔ; níhi nɛ e binyumu ɔmɛ ngɛ Israel bi ɔmɛ pee ɔ, e nu lɛ tsuo pɛpɛɛpɛ. E nu hulɔ kaa a kɛ yi ɔmɛ nɛ tsuɔ ní ngɛ kpe he bo tsu ɔ nya a ngɛ si hwɔe.

Matsɛmɛ I, 14:4

Yeroboam yo ɔ pee kaa bɔ nɛ e huno ɔ de lɛ ɔ, nɛ e ho Abiya we ɔ mi ya ngɛ Shilo. Abiya bwɔ, nɛ e hɛngmɛ yu.