Samuel I, 3:17 - BAIBLO ALOO NGMAMI KLƆUKLƆU Ɔ

¹⁷ Eli bi lɛ ke, “Mɛni Yawɛ de mo ɔ? De mi nɔ́ tsuaa nɔ́. Ke o laa mi ba a, Mawu maa gbla o tue!”

Samuel I, 3:17 ပူးပေါင်းရင်းမြစ်များ

Samuel II, 14:18

Kɛkɛ nɛ matsɛ ɔ de yo ɔ ke, “Nɔ́ nɛ ma bi mo nɛ ɔ, moo tu mi anɔkuale.” Yo ɔ de lɛ ke, “Nɛnɛ, mo de.”

Samuel II, 19:13

David sɛ mɛ ke a ya de Amasa hu ke, “Ye nyɛmi tutuutu ji mo. Kɛ je mwɔnɛ ɔ kɛ yaa a, i pee mo ye tabo ɔ nyatsɛ ngɛ Yoab nane mi. Mawu nɛ fia mi nɔ nɛ e gbe ke i pee we nɔ́ nɛ ɔ!”

Samuel II, 3:35

Ma a nyɛ David nɔ ligbi ɔ tsuo ke e ye nɔ́ ko. Se David ka kita nɛ e de ke, “Ke i wo ye nya mi nɔ́ ko loko pu nɔ si ɔ, Mawu nɛ fia mi nɔ́ nɛ e gbe!”

Samuel II, 3:9

Yawɛ wo David si kaa e ma kpɔ matsɛ yemi ɔ ngɛ Saul kɛ e weku kɛ nina a dɛ, nɛ e maa to David matsɛ sɛ ɔ si, konɛ e ye Israel kɛ Yuda tsuo a nɔ kɛ maa je Dan kɛ yaa si Beersheba. Lɔ ɔ he ɔ, ke i ha we nɛ nɔ́ nɛ ɔ nɛ ba mi ɔ, lɛɛ Mawu nɛ fia mi nɔ́ nɛ e gbe!”

Matsɛmɛ I, 22:16

Se Ahab de lɛ ke, “Ke o kɛ mi ngɛ munyu tue ngɛ Yawɛ biɛ mi ɔ, tuu anɔkuale! Si enyɛmɛ ma de mo nɔ́ nɛ ɔ?”

Matsɛmɛ II, 6:31

Kɛkɛ nɛ e kpa ngmlaa nɛ e de ke, “Ke i ha we nɛ a po Shafat binyumu Elisha yi mwɔnɛ ligbi nɛ ɔ fii, Mawu nɛ gbe mi!”

La 141:5

Ha nɛ dalɔ nɛ gba mi ma, nɛ e ngɔ e mi mi himi ɔ kɛ ka ye hɛ mi; se ko ha nɛ yayami peeli nɛ a je ye yi; ejakaa be tsuaa be ɔ, i faa kue kɛ siɔ a yayami ɔmɛ.

Yeremia 38:14

Ligbi ko ɔ, Matsɛ Zedekia tsɔ nɛ a ba ngɔ mi kɛ ba e ngɔ ngɛ Yawɛ we ɔ agbo etɛne ɔ nya. Matsɛ ɔ de mi ke, “Ma bi mo munyu ko. O kɛ nɔ́ ko kó laa mi.”

Yeremia 42:4

I he nɔ ke, “Saminya! Ma kpa Yawɛ, wa Mawu ɔ pɛɛ ha nyɛ, kaa bɔ nɛ nyɛ bi ɔ; nɛ nɔ́ tsuaa nɔ́ nɛ Yawɛ ma de mi ɔ, ma ba bɔ nyɛ. I be nyɛ nɔ́ ko nɔ laae.”

Daniel 4:19

Benɛ Daniel, nɛ a tsɛɛ lɛ Belteshazar hulɔ ɔ nu munyu nɛ ɔ, e he mi po. E pee dii nɛ e susu e yi mi be saii. Kɛkɛ nɛ matsɛ ɔ de lɛ ke, “Belteshazar, ko ha nɛ nlami ɔ, loo nlami ɔ sisi tsɔɔmi ɔ nɛ hao mo.” Belteshazar he nɔ ke, “Nɛnɛ, i ná nɛ nlami nɛ ɔ kɛ e sisi tsɔɔmi ɔ kɔɔ o he nyɛli, kɛ nihi nɛ nyɛɛ mo ɔ mohu a he, se pi mo.

Mika 2:7

Anɛ o susu kaa a gbiɛ Israel ma a lo? Anɛ Yawɛ tsui si tomi ɔ ta lo? Anɛ e maa pee ní nɛ ɔmɛ niinɛ lo? Anɛ nihi nɛ peeɔ nɔ́ nɛ da a, e wui mɛ ga kpakpa lo?”

Mose IV, 23:17

Benɛ e kpale kɛ ho ɔ, e na kaa Balak daa si ngɛ e sami bɔ ɔ he kɛ mwɔɔ; lɛ, kɛ Moab ma nimeli ɔmɛ tsuo. Balak bi lɛ ke, “Kɛ Yawɛ de kɛɛ?”

Mateo 26:63

Se Yesu pɛ̃ e nya mi. Osɔfo nɔkɔtɔma pe kulaa a kɛ lɛ tu munyu ekohu ke, “I ngɛ mo kita kae ngɛ Mawu hɛ kalɔ ɔ biɛ mi kaa ke mo ji Kristo, Mawu Bi ɔ, de wɔ!”

Rut Womi 1:17

He nɛ o ma gbo ngɛ ɔ, lejɛ ɔ ma gbo ngɛ, nɛ lejɛ ɔ nɔuu a maa pu mi ngɛ. Ja gbenɔ pɛ lɛ ma ha nɛ ma si mo; ke pi ja lɛɛ Yawɛ kɛ mi nɛ ye sisiisi.”

Samuel I, 14:44

Saul de lɛ ke, “Yonatan, ja o gbo; ke a gbi mo fii, Mawu kɛ mi nɛ e ye!”

Samuel I, 20:13

Se ke tsaatsɛ to kaa e maa pee mo yayami, nɛ i wo we o tue nɔ nɛ ma wo mo blɔ nɛ ó ya ngɛ he jɔmi mi ɔ, lɛɛ Yawɛ kɛ imi, Yonatan nɛ e ye sisiisi. Yawɛ kɛ mo nɛ e hi si kaa bɔ nɛ e kɛ tsaatsɛ hi si ɔ.

Samuel I, 25:22

I na Mawu, benɛ je ke e naa a, ke nyumu kake ngmelu piɛ ngɛ e we bi ɔmɛ a kpɛti fii!”

Samuel I, 3:16

Se Eli tsɛ lɛ nɛ e de lɛ ke, “Ye bi Samuel!” Nɛ e he nɔ ke, “Tsaatsɛ!”