Samuel I, 3:12 - BAIBLO ALOO NGMAMI KLƆUKLƆU Ɔ

¹² Jamɛ a ligbi ɔ, ma ha nɔ́ tsuaa nɔ́ nɛ i de kɛ si Eli we ɔ maa ba mi kɛ maa je sisije kɛ yaa si nyagbe.

Samuel I, 3:12 ပူးပေါင်းရင်းမြစ်များ

Ezekiel 21:5

Nɔ tsuaa nɔ maa le kaa imi Yawɛ nitsɛ lɛ i hia klaate kɛ je e kpo ɔ mi, nɛ i be lɛ se kpalee kɛ wo e kpo ɔ mi hu.

Zakaria 1:6

Mlaahi nɛ i wo nyɛ nɛmɛ ɔmɛ, kɛ kɔkɔ nɛ i bɔ mɛ kɛ gu ye tsɔli nɛ ji gbali ɔmɛ a nɔ ɔ, tse a na mi nɔ́! Kɛkɛ nɛ jehanɛ a tsake a tsui, nɛ a de ke, Yawɛ Tabohiatsɛ ɔ gbla a tue bɔ nɛ sa mɛ ngɛ a ní peemi ɔmɛ a he kaa bɔ nɛ e to e yi mi ke e ma pee ɔ.”

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

Luka 21:33

Hiɔwe kɛ zugba maa be kɛ ho, se ye munyu ɔmɛ lɛɛ a maa hi si daa.

Yoshua 23:15

Se, kaa bɔ nɛ Yawɛ, nyɛ Mawu ɔ ha nyɛ ní kpakpahi tsuo nɛ e wo nyɛ a he si ɔ, jã kɛ̃ e maa gbla nyɛ tue kɛ yaa si nyɛ hɛ mi ma kpata ngɛ zugba kpakpa nɛ ɔ nɔ, ke nyɛ bui lɛ tue ɔ.

Manyadali 4:24

Israel bi ɔmɛ kɛ kɔni si wami nyɛɛ Kanaan matsɛ, Yabin se kɛ ya si a kpata e hɛ mi pɛsɛpɛsɛ.

Samuel I, 4:11

A kpɔ Mawu somi daka a, nɛ Hofni kɛ Finehas, Eli binyumu enyɔ ɔmɛ hu gbo.

Samuel I, 4:17

Tsɔlɔ ɔ ha lɛ heto ke, “Israel tu fo ngɛ ta a nya, nɛ a gbe a ti nihi babauu. Hofni kɛ Finehas, o binyumu enyɔ ɔmɛ gbo; nɛ a kpɔ Mawu somi daka a hu kɛ je!”

Samuel I, 4:21

E wo jokuɛ nyumuyo ɔ biɛ ke Ikabod ngɛ Mawu somi daka a nɛ a kpɔ ɔ, kɛ e ngatsɛ ɔ, kɛ e huno ɔ nɛ a gbo ɔ he. Ikabod sisi ji, “Israel hɛ mi nyami ɔ je.”

Samuel I, 4:22

E de ke, “Israel hɛ mi nyami ɔ je, ejakaa a kpɔ Mawu somi daka a.”