Samuel I, 29:6 - BAIBLO ALOO NGMAMI KLƆUKLƆU Ɔ

⁶ Akish tsɛ David, nɛ e de lɛ ke, “I na Israel Mawu, hɛ kalɔ ɔ kaa o yeɔ mi anɔkuale, nɛ jinɛ imi lɛɛ i ko suɔ kaa o kɛ mi nɛ ya ta nɛ ɔ; ejakaa kɛ je ligbi ɔ nɛ o ba ye ngɔ kɛ ba si mwɔnɛ ɔ, i nɛ nɔ́ yayami ko ngɛ o he. Se matsɛmɛ kpa amɛ sume kaa o kɛ wɔ nɛ ya.

Samuel I, 29:6 ပူးပေါင်းရင်းမြစ်များ

Matsɛmɛ II, 19:27

I le o he nɔ́ tsuaa nɔ́; o kpo jemi kɛ o mi bami, kɛ bɔ nɛ o kɛ mi tuɔ munyu basabasa.

Samuel II, 3:25

Ná nɛ o le kaa Ner bi Abner ɔ, sisimi e ba sisi mo nɛ e kɛ le o yami kɛ bami, kɛ nɔ́ tsuaa nɔ́ nɛ o ngɛ pee.”

La 121:8

Ke o je kpo jio; o kpale kɛ ma we mi jio, Yawɛ maa bu o he. E maa bu o he kɛ je be nɛ ɔ mi kɛ maa ya neneene.

Samuel I, 20:3

Se David he nɔ ke, “O tsɛ le saminya kaa o suɔ ye sane; lɔ ɔ he ɔ, e pee e juɛmi kaa e be hae nɛ o le nɔ́ nɛ ɔ, bɔ nɛ pee nɛ e ko hao mo. Se anɔkuale, i na Yawɛ hɛ kalɔ ɔ kaa nane hiami kake pɛ lɛ ngɛ i kɛ gbenɔ wa kpɛti.”

1 Petro 3:16

Se nyɛɛ pee enɛ ɔ kɛ bu, nɛ nyɛ ko nyɛ a nɔ. Nyɛɛ hi si saminya, nɛ nyɛ he nile ko bu nyɛ fɔ. Ke nyɛ pee jã a, nyɛ je mi bami kpakpa kaa Kristo se nyɛɛli ɔ ma ha zo maa gbe nihi nɛ tuɔ munyu yaya kɛ siɔ nyɛ ɔ.

1 Petro 2:12

Nyɛɛ ba nyɛ je mi saminya ngɛ ma je li ɔmɛ a kpɛti. Ke nyɛ pee jã, nɛ a po nyɛ nya kaa yayami peeli ji nyɛ po, kpakpa nɛ nyɛ ngɛ pee ɔ, a maa na. Kɛkɛ ɔ, ligbi ɔ nɛ Mawu ma ba kojo je ɔ, a maa wo e hɛ mi nyami.

Mateo 5:16

Nyɛ ha nyɛ la a nɛ tso ngɛ nimli a hɛ mi ja nɔuu, konɛ a na ní kpakpahi nɛ nyɛ ngɛ pee ɔ, nɛ a wo nyɛ Tsɛ nɛ ngɛ hiɔwe ɔ hɛ mi nyami.

Yeremia 12:16

Je ma nɛ ɔmɛ tsɔɔ ye ma a, nɛ a kɛ Baal biɛ kaa kita. Ke a ma kpa a yi mi, nɛ a maa ngɔ mi kɛ pee a Mawu ngɛ Baal nane mi, nɛ a kɛ ye biɛ ma ka kita ja a, lɛɛ a maa bu mɛ ngɔ si ye ma mi bi ɔmɛ a nɔ.

Yesaya 65:16

Kɛkɛ ɔ, nɔ tsuaa nɔ nɛ ma hla kaa a gbaa lɛ ɔ ma bi Mawu anɔkualetsɛ ɔ; nɛ nɔ nɛ ma ka kita ngɛ zugba a nɔ ɔ hu maa ngɔ Mawu anɔkualetsɛ ɔ biɛ kɛ ka; ejakaa blema haomi ɔmɛ maa be kɛ ho, nɛ a be kaie hu.”

Yesaya 37:28

“I le o he nɔ́ tsuaa nɔ́, nɔ́ nɛ o peeɔ, he nɛ o yaa, kɛ bɔ nɛ o kɛ mi tuɔ munyu basabasa a.

Samuel I, 29:3

Benɛ Filisti tatsɛmɛ ɔmɛ na mɛ ɔ, a bi ke, “Mɛni Hebri bi nɛ ɔmɛ ngɛ pee ngɛ hiɛ ɔ?” Akish he nɔ ke, “Israel matsɛ, Saul tsɔlɔ David ɔ ji nɛ ɔ nɛ. E kɛ mi ba hi si jeha saii ji nɛ ɔ nɛ. Kɛ je be mi nɛ e bɔ ko ba dumɔ mi kɛ ba si mwɔnɛ ligbi nɛ ɔ, i nɛ yayami ko yayami ko ngɛ e he.”

Samuel I, 28:10

Kɛkɛ nɛ Saul kɛ Yawɛ biɛ ka yo ɔ kita ke, “I na Yawɛ kaa nɔ ko nɔ ko be o tue gblae ngɛ nɔ́ nɛ ɔ he.”

Yoshua 22:30

Benɛ osɔfo Finehas, kɛ ma nimeli ɔmɛ, nɛ ji wɛtsoyi nyɔngma amɛ nɛ piɛ e he ɔ nu munyuhi nɛ Ruben bi ɔmɛ, Gad bi ɔmɛ, kɛ Manase wɛtso fa a tu ɔ, a bua jɔ a he saminya.

Mose V, 10:20

Nyɛɛ bu Yawɛ, nyɛ Mawu ɔ tue, nɛ nyɛ ja lɛ nɔ kake pɛ. Nyɛɛ ye lɛ anɔkuale, nɛ nyɛɛ wo si ngɛ e biɛ mi pɛ.

Mose IV, 27:17

nɔ nɛ maa nyɛɛ a hɛ mi, nɛ e ma kpaka mɛ kɛ ya kɛ ba, bɔ nɛ pee nɛ mo Yawɛ, o ma kpekpemi ɔ nɛ ko pee kaa tohi nɛ be hyɛlɔ.”

Mose I, 16:6

Abram he nɔ ke, “Saminya! O mawayo ji lɛ; e ngɛ o dɛ mi. Nɔ́ tsuaa nɔ́ nɛ o suɔ kaa o maa pee lɛ ɔ, pee lɛ.” Lɔ ɔ he ɔ, Sarai doo Hagar nya wawɛɛ nitsɛ, nɛ Hagar tu fo kɛ je e he.

Samuel I, 5:8

Lɔ ɔ he ɔ, a tsɛ Filisti matsɛmɛ enuɔ ɔmɛ tsuo kpe, nɛ a bi mɛ ke, “Kɛ wa maa pee Israel Mawu ɔ somi daka a kɛɛ?” A he nɔ ke, “Nyɛɛ ngɔ Israel Mawu ɔ somi daka a kɛ ya Gat.” Nɛ a wo daka a kɛ ho lejɛ ɔ ya.

Samuel I, 29:7

Lɔ ɔ he ɔ, moo kpale kɛ ho we mi ya ngɛ he jɔmi mi, nɛ́ o ko pee nɔ́ ko nɛ sɛ Filisti matsɛmɛ ɔmɛ a hɛ mi.”