Samuel I, 29:4 - BAIBLO ALOO NGMAMI KLƆUKLƆU Ɔ

⁴ Se Filisti tatsɛmɛ ɔmɛ a mi mi fu Akish, nɛ a de lɛ ke, “Ha nɛ nyumu ɔ nɛ kpale e se kɛ ya he nɛ o ngɔ ha lɛ ɔ. Waa kɛ lɛ be ta yae nɛ e ba plɛ wo wɔ ngɛ ta a mi nɛ e fia wɔ senya kɔ. Mɛni nɔmlɔ nɛ ɔ kɛ ma kpata e nyɔmtsɛ ɔ, nɛ maa sa e hɛ mi pe nimli nɛ ngɛ hiɛmɛ nɛ ɔ a yi koklodohi?

Samuel I, 29:4 ပူးပေါင်းရင်းမြစ်များ

Samuel I, 14:21

Hebri bi komɛ nɛ ya piɛ Filisti bi ɔmɛ a he ngɛ a sito he ɔ, a yi mi tsake nɛ a ba piɛ Saul kɛ Yonatan a he.

Kronika I, 12:19

Benɛ David kɛ Filisti bi ɔmɛ hia nɛ a kɛ Matsɛ Saul yaa hwu ta a, ta buli komɛ ku kɛ je Manase wɛtso ɔ mi, nɛ a ba piɛ David he. Anɔkuale mi ɔ, David ya piɛ we Filisti bi ɔmɛ a he kɛ hwui ta a. Filisti matsɛmɛ ɔmɛ nitsɛmɛ ba na kaa ke a hyɛ we nɛ e hi ɔ, David maa je a se, nɛ e ma ya piɛ e nyɔmtsɛ Saul ɔ he, nɛ a maa fia mɛ Filisti bi ɔmɛ se nya kɔ̃. E nɛ ɔ he je ɔ, a ha nɛ e kpale e se.

Luka 16:8

“Niatsɛ ɔ je tsɔlɔ nɔkɔtɔma nɔ sisilɔ ɔ yi saminya kaa e to ga kikɛ nɛ ɔ. Ejakaa anɔkuale mi ɔ, je mi bi a nane nya sɔɔ kɛ nɔ sisimi kulaa pe nihi nɛ yeɔ Mawu gbeye.”

Samuel I, 27:6

Lɔ ɔ he ɔ, Akish ngɔ ma nɛ a tsɛɛ Ziklag ɔ ngɔ ha lɛ. Enɛ ɔ he je nɛ Ziklag ma a ba pee Yuda matsɛmɛ a nɔ kɛ ba si mwɔnɛ ɔ nɛ.

Samuel I, 29:9

Akish ha David heto ke, “Imi lɛɛ i le kaa nɔ́ ko be o he; o ngɛ kaa Mawu bɔfo. Filisti tatsɛmɛ kpa amɛ nɛ a de ke, ‘Waa kɛ lɛ be ta yae’ ɔ nɛ.

Samuel I, 30:1

Ligbi nɛ ji etɛ ɔ, be nɛ David kɛ e we bi ɔmɛ ke a suu Ziklag ɔ, Amalek bi ɔmɛ ba ha ní ngɛ Yuda leneyi je, nɛ a tua Ziklag. A kɛ la sã Ziklag,

Mose II, 1:10

Nyɛ ha waa to a he ga, ke pi ja a, a ma ba hiɛ tsɔ pe nine, nɛ ke ta ko ba a, a ma ya piɛ wa he nyɛli ɔmɛ a he, nɛ a kɛ wɔ maa hwu, nɛ a maa tu fo kɛ je.”

Kronika I, 12:20

Benɛ David kpale kɛ yaa Ziklag ɔ, ta buli nɛ je Manase nɛ ku ya nyɛɛ e se ji Adna, Yozabad, Yediael, Mikael, Yozabad, Elihu, kɛ Ziletai. Ta buli akpehi a nyatsɛmɛ ji mɛ tsuo ngɛ Manase wɛtso ɔ mi.