Samuel I, 29:3 - BAIBLO ALOO NGMAMI KLƆUKLƆU Ɔ

³ Benɛ Filisti tatsɛmɛ ɔmɛ na mɛ ɔ, a bi ke, “Mɛni Hebri bi nɛ ɔmɛ ngɛ pee ngɛ hiɛ ɔ?” Akish he nɔ ke, “Israel matsɛ, Saul tsɔlɔ David ɔ ji nɛ ɔ nɛ. E kɛ mi ba hi si jeha saii ji nɛ ɔ nɛ. Kɛ je be mi nɛ e bɔ ko ba dumɔ mi kɛ ba si mwɔnɛ ligbi nɛ ɔ, i nɛ yayami ko yayami ko ngɛ e he.”

Samuel I, 29:3 ပူးပေါင်းရင်းမြစ်များ

Mose I, 14:13

Se nyumu ko nɛ tu fo kɛ je ta a mi ba bɔ Abram, Hebri no ɔ amaniɛ ngɛ e sihi he ɔ, ngɛ Amor no ɔ nɛ a tsɛɛ lɛ Mamre ɔ e tso ngua amɛ a kasa nya. Mamre kɛ e nyɛminyumuhi Eshkol kɛ Aner ɔ, huɛ bɔmi ko ngɛ a kɛ Abram a kpɛti.

Kronika I, 12:19

Benɛ David kɛ Filisti bi ɔmɛ hia nɛ a kɛ Matsɛ Saul yaa hwu ta a, ta buli komɛ ku kɛ je Manase wɛtso ɔ mi, nɛ a ba piɛ David he. Anɔkuale mi ɔ, David ya piɛ we Filisti bi ɔmɛ a he kɛ hwui ta a. Filisti matsɛmɛ ɔmɛ nitsɛmɛ ba na kaa ke a hyɛ we nɛ e hi ɔ, David maa je a se, nɛ e ma ya piɛ e nyɔmtsɛ Saul ɔ he, nɛ a maa fia mɛ Filisti bi ɔmɛ se nya kɔ̃. E nɛ ɔ he je ɔ, a ha nɛ e kpale e se.

Kronika I, 12:20

Benɛ David kpale kɛ yaa Ziklag ɔ, ta buli nɛ je Manase nɛ ku ya nyɛɛ e se ji Adna, Yozabad, Yediael, Mikael, Yozabad, Elihu, kɛ Ziletai. Ta buli akpehi a nyatsɛmɛ ji mɛ tsuo ngɛ Manase wɛtso ɔ mi.

Daniel 6:5

A de a he ke, “Wa be nɔ́ kpa ko nae nɛ wa maa da nɔ kɛ po Daniel nya, ja nɔ́ ko nɛ kɔɔ e Mawu jami he pɛ.”

Yohane 19:6

Benɛ osɔfo nikɔtɔma amɛ, kɛ tsɔli ɔmɛ na Yesu ɔ, a kpa ngmlaa ke, “Sɛu lɛ! Sɛu lɛ!” Pilato de mɛ ke, “Nyɛ nitsɛmɛ nyɛɛ ngɔ lɛ nɛ nyɛ ya sɛu mɔ; ejakaa imi lɛɛ i nɛ sane yobu ko ngɛ e he nɛ ma da nɔ kɛ bu lɛ fɔ.”

Romabi 12:17

Nyɛ ko pee nɔ ko yayami kɛ to yayami nane mi. Nyɛ ha nihi tsuo nɛ a na kaa nyɛ ngɛ nɔ́ nɛ da pee.

1 Petro 3:16

Se nyɛɛ pee enɛ ɔ kɛ bu, nɛ nyɛ ko nyɛ a nɔ. Nyɛɛ hi si saminya, nɛ nyɛ he nile ko bu nyɛ fɔ. Ke nyɛ pee jã a, nyɛ je mi bami kpakpa kaa Kristo se nyɛɛli ɔ ma ha zo maa gbe nihi nɛ tuɔ munyu yaya kɛ siɔ nyɛ ɔ.

Samuel I, 14:11

Lɔ ɔ he ɔ, mɛ ni enyɔ ɔmɛ a ya je a he kpo ngɔ tsɔɔ Filisti bi ɔmɛ. Filisti bi ɔmɛ de ke, “Nyɛɛ hyɛ! Hebri bi komɛ hia kpo kɛ je muɔ ɔmɛ nɛ a ya laa a he ngɛ mi ɔ a mi kɛ ma.”

Samuel I, 25:28

I kpa mo pɛɛ, ke i pee mo yayami ko ɔ, kɛ pa mi. Yawɛ maa wo mo matsɛ, nɛ e maa pee o we ɔ matsɛ we kɛ maa ya neneene; ejakaa Yawɛ tahi lɛ o ngɛ hwue ɔ nɛ; nɛ yayami ko yayami ko be o he sae kɛ yaa si o gbenɔ ligbi.

Samuel I, 27:1

David de ngɛ e yi mi ke, “Saul maa gbe mi tlukaa ligbi kake, lɔ ɔ he ɔ, nɔ́ nɛ sa mi peemi ji ma tu fo kɛ ho Filisti bi ɔmɛ a zugba a nɔ ya. Saul nine mi maa je wu, nɛ e maa jɔɔ ye se nyɛɛmi ngɛ Israel huza amɛ a nɔ, nɛ ye yi ma na wami.”

Samuel I, 27:7

David ye jeha kake kɛ hlami eywiɛ ngɛ Filisti bi ɔmɛ a zugba a nɔ.

Samuel I, 29:6

Akish tsɛ David, nɛ e de lɛ ke, “I na Israel Mawu, hɛ kalɔ ɔ kaa o yeɔ mi anɔkuale, nɛ jinɛ imi lɛɛ i ko suɔ kaa o kɛ mi nɛ ya ta nɛ ɔ; ejakaa kɛ je ligbi ɔ nɛ o ba ye ngɔ kɛ ba si mwɔnɛ ɔ, i nɛ nɔ́ yayami ko ngɛ o he. Se matsɛmɛ kpa amɛ sume kaa o kɛ wɔ nɛ ya.

Samuel I, 4:6

Filisti bi ɔmɛ nu lele hwɔmi ɔ, nɛ a bi ke, “Lele nɛ a hwɔ wawɛɛ ngɛ Israel bi ɔmɛ a sito he ɔ, kɛ ji e sisi kɛɛ?” Benɛ a na le kaa Yawɛ somi daka a ba su Hebri bi ɔmɛ a sito he ɔ,