Samuel I, 28:23 - BAIBLO ALOO NGMAMI KLƆUKLƆU Ɔ

²³ Saul kplɛɛ we, nɛ e ke, “Dɛbi, i be ní yee.” Se e tsɔli ɔmɛ, kɛ yo ɔ nyɛ e nɔ kɛ ya si e bu mɛ tue. E te si ngɛ zugba, nɛ e hi sa a nɔ.

Samuel I, 28:23 ပူးပေါင်းရင်းမြစ်များ

Matsɛmɛ I, 21:4

Ahab je kɛ ho we mi ya kɛ mi mi la, kɛ aywilɛho; ejakaa Nabot de lɛ ke e nɛmɛ a gbosi ní ɔ, e be ngɔe kɛ ha lɛ. E ho ya hwɔ si ngɛ e sa nɔ, nɛ e plɛ e hɛ mi ngɔ kpee gbogbo, nɛ e kua ní yemi.

2 Korintobi 5:14

Suɔmi nɛ Kristo ngɛ kɛ ha wɔ ɔ woɔ wɔ he wami. Kristo gbo ha wɔ tsuo. Nɛ wa heɔ yeɔ kaa gbenɔ nɛ nɔ kake gbo ha nihi tsuo nɛ ɔ tsɔɔ kaa ni ɔmɛ tsuo gbo.

Ni Tsumi 16:15

E ha nɛ a sɔle lɛ kɛ e we ɔ tsuo. Lɔ ɔ se ɔ, e de wɔ ke, “I kpa nyɛ pɛɛ, ke nyɛ na mi kaa nɔ nɛ heɔ Nyɔmtsɛ ɔ yeɔ anɔkuale mi ɔ, lɛɛ nyɛ ba hi ye ngɔ.” E hɛɛ munyu nɛ ɔ mi hluu kɛ ya si wa kplɛɛ nɛ wa ya to lɛ.

Luka 24:29

Se a nyɛ e nɔ, nɛ a de lɛ ke, “Ba to wɔ; ejakaa je ngɛ jɔe, nɛ e piɛ bɔɔ nɛ du ma bu.” Nɛ e kɛ mɛ ho, nɛ e ya to mɛ.

Luka 14:23

Lɔ ɔ he ɔ, nyɔmtsɛ ɔ de tsɔlɔ ɔ ke, ‘Jee kpo kɛ ya blɔ ɔmɛ a nɔ, kɛ blohu ɔmɛ a mi, nɛ o nyɛ ni ɔmɛ a nɔ nɛ a ba hiɛ ɔ, konɛ ye we ɔ mi nɛ hyi tɔ.

Abɛ Womi 25:20

Ke nɔ ko ngɛ kɔmɔ yee, nɛ moo o ngɛ bua jɔmi la lae ngɛ e kasa nya a, e ngɛ kaa nɔ́ nɛ o ngɛ kɔmɔ yelɔ ɔ bo kpae ngɛ e he fĩɛ be mi, aloo o kɛ ngo ngɛ e pá nɔ puee.

Matsɛmɛ II, 5:13

E tsɔli ɔmɛ ba e ngɔ nɛ a ba de lɛ ke, “Tsaatsɛ! Nɔ́ nguaa ko nɛ gbalɔ ɔ fa mo ke o pee jinɛ o ko pee we lo? Mɛni he je mɔ nɛ o be nyɛe nɛ o ya du o he kɛkɛ kaa bɔ nɛ e de ɔ, konɛ a tsa mo ɔ?”

Matsɛmɛ II, 4:8

Ligbi ko ɔ, Elisha ya Shunem, nɛ e ya na yo niatsɛ ko ngɛ lejɛ ɔ. Yo ɔ fa kue ha lɛ ke e ye nɔ́ ko doo. Lɔ ɔ he ɔ, be tsuaa be nɛ e maa be ngɛ jamɛ a blɔ ɔ nɔ ɔ, e ma gba yo ɔ we ɔ mi ya ye ní.

Samuel I, 28:22

Enɛ ɔ he je ɔ, i kpa mo pɛɛ nɛ mo hu o bu o mawayo ɔ tue. Ha ma pee nɔ́ ko ha mo nɛ o ye, konɛ o na he wami nɛ o kɛ hia blɔ.”

Ester 1:6

Bɔ nɛ a dla lejɛ ɔ ha ji nɛ ɔ nɛ: a kɛ bo bluu, kɛ bo futaa kpla lejɛ ɔ, nɛ a kɛ kpa hiɔ nɛ ngɛ fɛu, kɛ kpa nɛ hɛɛ kɔbɛi su fi sika hiɔ gahi ngɔ wo titimahi nɛ a kɛ tɛ hiɔ pee ɔ a he. Sɛhi nɛ ngɛ lejɛ ɔ hu sika tsu, kɛ sika hiɔ a kɛ pee mɛ. Zugba a nɛ sɛ ɔmɛ maa si ngɛ nɔ ɔ hu, a kɛ tɛ kpakpa nɛ ɔmɛ ka: tɛ hiɔ, tɛ tsu, tɛ nɛ he jua wa nɛ ngɛ kpɛe, kɛ tɛ bluu.

Ezekiel 23:41

A maa hi sɛ saminyayoo nɔ; a maa ngɔ okplɔɔ kɛ e nɔ ní kpakpahi kɛ ya ma si ngɛ a hɛ mi. Tsopa kɛ e he via, kɛ oliv nu nɛ i ha mɛ ɔ hu piɛ he.