Samuel I, 28:18 - BAIBLO ALOO NGMAMI KLƆUKLƆU Ɔ

¹⁸ Akɛnɛ o bui Yawɛ tue, nɛ fami nɛ e kɛ mi mi fumi nɛ nya wa fa mo ngɛ Amalek bi ɔmɛ a he ɔ hu o yi nɔ ɔ, enɛ ɔ he je nɛ Yawɛ pee mo nɔ́ nɛ ɔ mwɔnɛ ɔ nɛ.

Samuel I, 28:18 ပူးပေါင်းရင်းမြစ်များ

Matsɛmɛ I, 20:42

Gbalɔ ɔ de matsɛ ɔ ke, “Bɔ nɛ Yawɛ de ji nɛ ɔ nɛ: ‘Akɛnɛ o ngmɛɛ nɔmlɔ nɛ i fa mo ke o gbe lɛ ɔ he he je ɔ, o maa ngɔ o he kɛ dani lɛ. Jehanɛ, a ma kpata o ta buli ɔmɛ a hɛ mi, ejakaa mɛ hu a ngmɛ blɔ nɛ Benhadad ta buli ɔmɛ tu fo.’ ”

Samuel I, 15:9

Saul kɛ e we bi ɔmɛ baa Agag yi, nɛ na kɛ na bi, jijɔ kɛ jijɔ bi kpakpa amɛ, kɛ nɔ́ tsuaa nɔ́ nɛ hi ɔ, a kpataa we a hɛ mi; se níhi nɛ a hiee, kɛ níhi nɛ a he be se nami ɔ lɛɛ a kpata lɛ tsuo pɛpɛɛpɛ hɛ mi.

Yeremia 48:10

Nihi nɛ tsuɔ ní ha Yawɛ kɛ yi si fiami ɔ, a gbiɛ mɛ. Ni nɛmɛ nɛ sume kaa a maa ngɔ klaate kɛ pue muɔ si kaa bɔ nɛ Yawɛ fa mɛ ɔ, a gbiɛ mɛ!

Kronika I, 10:13

Saul gbo, ejakaa e yi Yawɛ anɔkuale. E tɔ Yawɛ mlaa amɛ a nɔ; jehanɛ hu, e ya ní peelɔ ngɔ nɛ e ya tsɛ kpade nɛ e bi lɛ ga womi,

Samuel I, 15:20

Saul de Samuel ke, “I bu Yawɛ tue; tsɔmi nɛ e tsɔ mi ɔ, i ya. I kɛ Amalek matsɛ, Agag ɔ ba, nɛ i gbe Amalek bi ɔmɛ tsuo.

Samuel I, 13:9

Kɛkɛ nɛ e de ma a ke, “Nyɛɛ ngɔ sami bɔ ɔmɛ, kɛ tue mi jɔmi bɔ ɔmɛ kɛ ba.” Nɛ e sã sami bɔ ɔ.

Samuel I, 15:28

Nɛ Samuel de lɛ ke, “Yawɛ hía Israel matsɛ yemi ɔ kɛ je o he mwɔnɛ ɔ, nɛ e ngɔ kɛ ha o nyɛmi ko nɛ hi pe mo.