Samuel I, 28:1 - BAIBLO ALOO NGMAMI KLƆUKLƆU Ɔ

¹ Jamɛ a be ɔ, Filisti bi ɔmɛ bua a tabo ɔmɛ a nya, konɛ a kɛ Israel nɛ ya hwu. Akish de David ke, “Na nɛ o le kaa o kɛ o we bi ɔmɛ ma ba piɛ ye he kɛ hwu ta a.”

Samuel I, 28:1 ပူးပေါင်းရင်းမြစ်များ

Samuel I, 13:5

Filisti bi ɔmɛ bua a he nya, konɛ a kɛ Israel nɛ hwu; a hɛɛ ta zugba lɛ akpe nyingmi etɛ, okpɔngɔ ta buli akpe ekpa, kɛ tabohi babauu nɛ a li nya. A ya bua a he nya ngɛ Mikmash ngɛ Bet Aven beleku je.

Samuel I, 17:1

Jehanɛ Filisti bi ɔmɛ bua a tabo ɔmɛ a nya kɛ ha ta hwumi ngɛ Yuda ma ko nɛ a tsɛɛ Soko ɔ, nɛ a ya to si ngɛ Efes Damim, ngɛ Soko kɛ Azeka a kpɛti.

Samuel I, 27:12

Akish he David ye saminya, nɛ e deɔ ngɛ e yi mi ke, “Lɛ nitsɛ e nyɛmimɛ Israel bi ɔmɛ sume lɛ pɛsɛpɛsɛ; lɔ ɔ he ɔ, hiɛ ɔ kɛkɛ e maa hi nɛ e ma sɔmɔ mi daa.”

Samuel I, 31:1

Ligbi ko ɔ, Filisti bi ɔmɛ, kɛ Israel bi ɔmɛ hwu ta ngɛ Gilboa yo ɔ nɔ. A gbe Israel bi ɔmɛ babauu nitsɛ ngɛ lejɛ ɔ, nɛ Saul, kɛ e binyumu ɔmɛ, kɛ ni nɛmɛ nɛ piɛ ɔ tu fo.

Samuel I, 7:7

Filisti bi ɔmɛ nu kaa Israel bi ɔmɛ ya bua a he nya ngɛ Mizpa, nɛ Filisti matsɛmɛ enuɔ ɔmɛ hia konɛ a ya tua mɛ ngɛ lejɛ ɔ. Benɛ Israel bi ɔmɛ nu he ɔ, a ye gbeye,