Samuel I, 27:8 - BAIBLO ALOO NGMAMI KLƆUKLƆU Ɔ

⁸ Ke pee ɔ, David kɛ e we bi ɔmɛ maa hia ya tua nihi nɛ ngɛ Geshur, Girzi, kɛ Amalek. Nimli nɛ ɔmɛ ji zugbatsɛmɛ ɔmɛ nɛ hi zugba a nɔ kɛ je Shur kɛ ya si Egipt kɛ je teteete.

Samuel I, 27:8 ပူးပေါင်းရင်းမြစ်များ

Samuel II, 14:23

Enɛ ɔ se ɔ, Yoab ba pue nɔ kɛ ho Geshur ya nɛ e ya ngɔ Absalom kɛ ba Yerusalem.

Samuel II, 14:32

Absalom he nɔ ke, “Ejakaa i tsɔ ba tsɛ mo, nɛ o bɛ. Jinɛ i ngɛ hlae nɛ ma tsɔ mo matsɛ ɔ ngɔ nɛ o ya bi lɛ ha mi ke, ‘Mɛni he je i je Geshur kɛ ba hiɛ ɔ? Kaa i ngɛ lejɛ ɔ mohu kɛ ba si piɔ jinɛ i ko suɔ.’ ” Absalom ya nɔ nɛ e de ke, “I suɔ nɛ o ya sɛ mi matsɛ ɔ ngɔ; nɛ ke e ba mi kaa i ye fɔ ɔ, lɛɛ e gbe mi.”

Samuel II, 15:8

Benɛ i ngɛ Geshur ngɛ Siria a, i wo Yawɛ si kaa ke e maa kpale mi kɛ ba Yerusalem ekohu ɔ, lɛɛ ma ya ja lɛ ngɛ Hebron.”

Samuel II, 3:22

E kɛ we nɛ Yoab kɛ David tsɔli kpa komɛ ba lejɛ ɔ. A ya tua ni komɛ nɛ a kpɔ a níhi babauu kɛ ba. Se a ba na we Abner ngɛ David ngɔ ngɛ Hebron, ejakaa David wo lɛ blɔ momo, nɛ e je ngɛ he jɔmi mi.

Samuel II, 3:3

enyɔne ɔ ji Kileab nɛ David kɛ Nabal nɛ je Karmel e yalɔyo Abigail fɔ ɔ; etɛne ɔ ji Absalom, Geshur matsɛ, Talmai biyo Maaka bi ɔ;

Samuel II, 8:12

Ma amɛ ji Edom, Moab, Amon, Filistia, kɛ Amalek. Ta yibu ní nɛ e kpɔ ngɛ matsɛ Hadadezer dɛ ɔ hu e gbaa nɔ.

Kronika I, 2:23

Se Geshur kɛ Aram ya ngɔ ma nyingmi ekpa ngɛ lejɛ ɔ; Yair kɛ Kenat kɔpe ɔmɛ, kɛ mahi nɛ bɔle mɛ ɔ hu piɛ he. Nihi tsuo nɛ ngɛ lejɛ ɔ, Makir nina ji mɛ. Makir ji nɔ nɛ po Gilead ma a.

Mose II, 15:22

Mose kpaka Israel bi ɔmɛ kɛ je Wo Tsu ɔ he kɛ ho Shur nga a nɔ ya. A nyɛɛ nga a nɔ ligbi etɛ nɛ a nɛ́ nyu.

Mose II, 17:8

Benɛ Israel bi ɔmɛ ngɛ Refidim ɔ, Amalek bi ɔmɛ hia ta ba tua mɛ ngɛ lejɛ ɔ.

Mose IV, 13:29

Amalek bi ngɛ zugba a leneyi je; Hit bi, Yebus bi, kɛ Amor bi ngɛ yoku ɔmɛ a nɔ, nɛ Kanaan bi ngɛ wo ɔ nya, kɛ Yordan pa a he.”

Mose IV, 14:45

Kɛkɛ nɛ Amalek bi, kɛ Kanaan bi nɛ ngɛ jamɛ a yoku ɔ nɔ ɔ ba tua mɛ, nɛ a ye a nɔ; nɛ a fie mɛ kɛ ya si Horma tɔɔ.

Yoshua 12:5

Matsɛ Og nɔ yemi he ɔmɛ ji nɛ ɔmɛ nɛ: kɛ je Hermon yo ɔ nɔ, Saleka, kɛ Bashan tsuo, kɛ ya su Geshur bi ɔmɛ kɛ Maaka bi ɔmɛ a huzu ɔmɛ a nya. Jehanɛ, kɛ je Gilead bi ɔmɛ a zugba a fa kɛ ya ta Heshbon huzu ɔ nya.

Yoshua 13:13

Israel bi ɔmɛ fie we Geshur bi ɔmɛ kɛ Maaka bi ɔmɛ; mohu ɔ, a kɛ mɛ ngɛ kɛ mwɔɔ.

Yoshua 13:2

Zugba nɛ piɛ ɔ ji Filistia kɛ Geshur zugba a,

Yoshua 16:10

Efraim bi ɔmɛ fie we Kanaan bi ɔmɛ kɛ ji Gezer; lɔ ɔ he ɔ, Kanaan bi ɔmɛ ngɛ Efraim bi ɔmɛ a kpɛti kɛ ba si mwɔnɛ ɔ; se a plɛ pee Efraim bi ɔmɛ a nyɔguɛhi, nɛ a sɔmɔɔ mɛ.

Manyadali 1:29

Efraim bi ɔmɛ hu fie we Kanaan bi ɔmɛ nɛ ngɛ Gezer ɔ; lɔ ɔ he ɔ, Kanaan bi ɔmɛ kɛ mɛ hi lejɛ ɔ.

Samuel I, 29:6

Akish tsɛ David, nɛ e de lɛ ke, “I na Israel Mawu, hɛ kalɔ ɔ kaa o yeɔ mi anɔkuale, nɛ jinɛ imi lɛɛ i ko suɔ kaa o kɛ mi nɛ ya ta nɛ ɔ; ejakaa kɛ je ligbi ɔ nɛ o ba ye ngɔ kɛ ba si mwɔnɛ ɔ, i nɛ nɔ́ yayami ko ngɛ o he. Se matsɛmɛ kpa amɛ sume kaa o kɛ wɔ nɛ ya.

Samuel I, 30:1

Ligbi nɛ ji etɛ ɔ, be nɛ David kɛ e we bi ɔmɛ ke a suu Ziklag ɔ, Amalek bi ɔmɛ ba ha ní ngɛ Yuda leneyi je, nɛ a tua Ziklag. A kɛ la sã Ziklag,