Samuel I, 27:12 - BAIBLO ALOO NGMAMI KLƆUKLƆU Ɔ

¹² Akish he David ye saminya, nɛ e deɔ ngɛ e yi mi ke, “Lɛ nitsɛ e nyɛmimɛ Israel bi ɔmɛ sume lɛ pɛsɛpɛsɛ; lɔ ɔ he ɔ, hiɛ ɔ kɛkɛ e maa hi nɛ e ma sɔmɔ mi daa.”

Samuel I, 27:12 ပူးပေါင်းရင်းမြစ်များ

Mose I, 34:30

Yakob de Simeon kɛ Levi ke, “Nyɛɛ kɛ mi wo amanehlu mi pɛ; jehanɛ lɛɛ Kanaan, kɛ Periz bi ɔmɛ, kɛ nɔ tsuaa nɔ nɛ ngɛ zugba a nɔ ɔ maa nyɛ mi. I be we bi babauu; ke nimli nɛ ɔmɛ tsuo bla ngɔ wo ye he, nɛ a ba tua mi ɔ, a ma kpata wɔ tsuo wa hɛ mi.”

Samuel II, 10:6

Benɛ Amon bi ɔmɛ na kaa a ya hla munyu ngɛ David he ɔ, a tsɔ ya bɔ Siria ta buli akpe nyingmi enyɔ apaa kɛ je Bet Rehob kɛ Zoba. Jehanɛ hu, a ya bɔ Maaka matsɛ, kɛ e we bi akpe apaa kɛ piɛ Tob bi akpe nyɔngma kɛ enyɔ a he.

Mose II, 5:21

Nɛ a de mɛ ke, “Yawɛ maa wo nyɛ hiɔ; ejakaa nyɛ ha wa he je fu wo Farao ɔ kɛ e tsɔli ɔmɛ, nɛ nyɛ ngɔ klaate ngɔ wo a dɛ mi nɛ a kɛ gbe wɔ.”

Samuel I, 13:4

Israel tsuo nu kaa Saul gbe Filisti bi a nyatsɛ ɔ, nɛ nɔ́ nɛ ɔ ha Filisti bi ɔmɛ a hɛ dɔ wo mɛ. Lɔ ɔ he ɔ, ma a bua a he nya, nɛ a bu Saul nɔ kɛ ho Gilgal ya.

Samuel I, 27:11

Ke David ya tua ni ɔmɛ kikɛ nɛ ɔ, e maa gbe nɔ tsuaa nɔ, nyumuhi kɛ yihi tsuo, bɔ nɛ pee nɛ nɔ ko nɛ ko be kɛ ya Gat nɛ e ya bɔ ni ɔmɛ bɔ nɛ e kɛ e we bi ɔmɛ puɛ ní ha. Ligbi abɔ nɛ David ye ngɛ Filisti bi ɔmɛ a zugba a nɔ ɔ, ní tsumi nɛ e tsu ji nɛ ɔ nɛ.

Samuel I, 28:1

Jamɛ a be ɔ, Filisti bi ɔmɛ bua a tabo ɔmɛ a nya, konɛ a kɛ Israel nɛ ya hwu. Akish de David ke, “Na nɛ o le kaa o kɛ o we bi ɔmɛ ma ba piɛ ye he kɛ hwu ta a.”