Samuel I, 26:21 - BAIBLO ALOO NGMAMI KLƆUKLƆU Ɔ

²¹ Saul he nɔ ke, “I tɔ̃! Ye bi David, moo kpale kɛ ba; i be mo nɔ́ ko nɔ́ ko pee hu, ejakaa o kɛ ye wami ke mi mwɔnɛ ligbi nɛ ɔ. I je kuasia nɛ i tɔ̃ babauu.”

Samuel I, 26:21 ပူးပေါင်းရင်းမြစ်များ

Samuel I, 24:17

nɛ e de David ke, “O da pe mi; ejakaa benɛ i pee mo yayami ɔ, moo o pee mi kpakpa kɛ to nane mi.

Samuel I, 15:24

Saul de Samuel ke, “Niinɛ, i pee yayami; ejakaa i bui Yawɛ fami ɔ, kɛ mo hu o munyu ɔmɛ tue. I ya ye ma a gbeye, nɛ i bu mɛ tue.

Mose II, 9:27

Kɛkɛ nɛ Farao ɔ tsɔ nɛ a ya tsɛ Mose kɛ Aaron kɛ ba, nɛ e de mɛ ke, “Jehanɛ lɛɛ i pee yayami; Yawɛ nɔ́ da, se i kɛ ye ma a, wa tɔ̃.

Mateo 27:4

E de mɛ ke “I pee yayami kaa i tsɔɔ nɔ nɛ pee we yayami ɔ se blɔ nɛ a gbe lɛ.” Se mɛɛ lɛɛ a he nɔ ke, “Mɛni enɛ ɔ kɔɔ ngɛ wa he? Mo nitsɛ o sane ji lɔ ɔ!”

Samuel I, 15:30

Saul de ke, “I pee yayami; se kɛ̃, moo wo ye hɛ mi nyami ngɛ ye ma nimeli, kɛ Israel tsuo a hɛ mi, nɛ o kɛ mi nɛ ya nɛ ma ya ja Yawɛ, o Mawu ɔ.”

La 116:15

Yawɛ ni klɔuklɔu ɔmɛ a gbenɔ dɔɔ lɛ wawɛɛ.

La 49:8

Nɔmlɔ adesa wami he jua wa saminya, nɛ nɔ ko nɔ ko be Mawu hiɔ nyɛe maa wo nɛ maa su nya,

Samuel I, 27:4

Benɛ a ya bɔ Saul ke David tu fo kɛ ho Gat ya a, e jɔɔ e se nyɛɛmi.

Samuel I, 26:24

Lɔ ɔ he ɔ, kaa bɔ nɛ i kɛ o wami ke mo mwɔnɛ ligbi nɛ ɔ, Yawɛ nɛ e ngɔ ye wami kɛ ke mi, nɛ e je mi kɛ je amanehlu tsuo pɛpɛɛpɛ mi.”

Samuel I, 18:30

Ke pee ɔ, Filisti ganɔ ɔmɛ ba tuaa Israel bi ɔmɛ. Se be tsuaa be nɛ ta ko maa te si ɔ, David yeɔ kunimi pe Saul tsɔli kpa amɛ tsuo. Nɔ́ nɛ ɔ ha David na biɛ wawɛɛ nitsɛ.

Mose IV, 22:34

Balaam de Yawɛ bɔfo ɔ ke, “I pee yayami; i li kaa mo lɛ o ba po mi ngɛ blɔ ɔ nɔ. Lɔ ɔ he ɔ, ke blɔ nɛ i hia nɛ ɔ dɛ ha mo ɔ, lɛɛ ma kpale ye se mɔ.”

Samuel I, 26:22

David he nɔ ke, “Matsɛ, o we akplɔ ɔ ji nɛ ɔ nɛ! Ha nɛ o we bi ɔmɛ a ti nɔ kake nɛ e ba nɛ e ba ngɔ.

La 72:14

E heɔ a yi wami kɛ jeɔ yi mi wami, kɛ awi yemi mi; ejakaa nɔ tsuaa nɔ muɔ he jua wa ngɛ e hɛ mi.

Samuel I, 13:13

Samuel de Saul ke, “O je kuasia; o yi Yawɛ, o Mawu ɔ mlaa nɛ e wo mo ɔ nɔ; kaa o ye nɔ jinɛ o matsɛ yemi ngɛ Israel ɔ, Yawɛ ma ha nɛ e da si kɛ ya neneene.

Matsɛmɛ II, 1:13

Matsɛ Ahazia tsɔ asafoatsɛ etɛne, kɛ lɛ hu e we bihi nyingmi enuɔ. Benɛ asafoatsɛ etɛne nɛ ɔ ya su yoku ɔ nɔ ɔ, e kpla si ngɛ Eliya hɛ mi nɛ e fa kue ha lɛ ke, “Mawu nɔmlɔ, i kpa mo pɛɛ, ha nɛ i kɛ o tsɔli nyingmi enuɔ nɛ ɔmɛ wa wami he nɔ́ nɛ dɔ mo.

Matsɛmɛ II, 1:14

Hyɛ, la je hiɔwe ba sã asafoatsɛmɛ enyɔ ɔmɛ kɛ a we bihi nyingmi enuɔɔnuɔ nɛ a sɛ hlami ɔ; i kpa mo pɛɛ nɛ o na imi lɛɛ mɔbɔ.”