Samuel I, 26:19 - BAIBLO ALOO NGMAMI KLƆUKLƆU Ɔ

¹⁹ Ye nyɔmtsɛ, moo bu nɔ́ nɛ o tsɔlɔ ma de mo nɛ ɔ tue. Ke Yawɛ lɛ pee loko o ngɛ ye se blɔ hlae ɔ, lɛɛ e ngmɛ mi blɔ nɛ ma sã bɔ kɛ kpata lɛ. Se ke nimli adesahi a ní tsumi ɔ, lɛɛ Yawɛ nɛ e gbiɛ mɛ; ejakaa mwɔnɛ ligbi nɛ ɔ, a fie mi kɛ je Yawɛ zugba a nɔ kɛ ho ma kpa nɔ ya nɛ ma ya ja mawu kpahi ngɛ lejɛ ɔ.

Samuel I, 26:19 ပူးပေါင်းရင်းမြစ်များ

Samuel II, 20:19

Wa ma nɛ ɔ, ma nguaa ji lɛ; tue mi jɔmi ngɛ mi, nɛ e ji mahi nɛ yeɔ Israel anɔkuale ɔ a kpɛti kake. Nɛ moo o ngɛ hlae nɛ o kpata ma a hɛ mi! Mɛni he je o ngɛ hlae nɛ o puɛ Yawɛ nitsɛ blɔ fa mi nɔ́ ɔ?”

Samuel II, 16:11

Jehanɛ, David de Abishai, kɛ e tsɔli ɔmɛ tsuo ke, “Nyɛɛ hyɛ, ke imi nitsɛ ye bi fɔfɔɛ ngɛ ye wami se blɔ hlae ɔ, lɛɛ Benyamin no nɛ ɔ, mɛni tsiɔ lɛ blɔ? Nyɛɛ ngmɛɛ e he nɛ e gbiɛ mi faa, ejakaa Yawɛ nɛ de lɛ ke e pee ja a nɛ.

Samuel II, 14:16

I le sa kaa nɛnɛ maa bu nɔ́ nɛ i ngɛ dee ɔ tue, nɛ nɔmlɔ nɛ ngɛ hlae kaa e kpata i kɛ ye bi tsuo wa hɛ mi, konɛ Mawu weto ní nɛ e laa wɔ ɔ, e ma kpɔ mi kɛ je e dɛ mi.

La 120:5

Ye yi fi pɛ! Hyɛ kaa i ba to nubwɔ ngɛ Meshek; nɛ i ngɛ Kedar bi a ma mi!

Kronika I, 21:1

Abosiami ba te si ngɔ wo Israel, nɛ e wo David ga yaya ke e kane Israel ma a.

Samuel I, 18:10

E nɔ jena a, mumi yayami ko nɛ je Mawu ngɔ ba Saul nɔ, nɛ e bɔni munyu tumi basabasa ngɛ e we ɔ mi kaa godotsɛ. Jamɛ a be ɔ, David ngɛ kpa saku ɔ fiae kaa bɔ nɛ e peeɔ daa ligbi ɔ. Saul hɛɛ e we akplɔ ɔ ngɛ e dɛ mi,

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

2 Timoteo 4:14

Aleksandro, sɔlɔ ɔ ye mi sane yaya ko; nɔ́ yeyee nɛ e pee mi ɔ, Nyɔmtsɛ ɔ nɛ wo lɛ hiɔ.

Galatabi 5:12

Nihi nɛ ngɛ nyɛ tue puɛe kikɛ nɛ ɔ, i na nɛ a puɛ mɛ, loo a ta mɛ nitsɛmɛ a he kɛkɛ nɛ e jɔ!

Romabi 14:15

Ke o ye niye ní ko, nɛ lɔ ɔ kɛ haomi ba o nyɛmi nɔ ɔ, lɛɛ o sume o nyɛmi ɔ. Ko ha ní nɛ o maa ye ɔ nɛ kpata o nyɛmi nɛ Kristo gbo ngɛ e he ɔ hɛ mi.

Yesaya 60:5

Ke e ba mi ja a, o bua maa jɔ; o maa muɔ jɛɛ, nɛ o ma nya saminya; ejakaa je ma amɛ maa ngɔ a juetli, kɛ sika nɛ a na ngɛ wo se ɔ tsuo kɛ ba o ngɔ.

Abɛ Womi 30:10

Koo gbe tsɔlɔ he guɛ ha e nyɔmtsɛ. Ke o pee ja a, tsɔlɔ ɔ maa gbiɛ mo, nɛ o hɛ mi ma pue si.

Matsɛmɛ I, 22:22

Yawɛ bi lɛ ke, ‘Kɛ o maa pee kɛ mlɔɔ lɛ kɛɛ?’ Mumi ɔ he nɔ ke, ‘Ma ya nɛ ma ya ha nɛ Ahab gbali ɔmɛ tsuo maa ye lakpa.’ Yawɛ de lɛ ke, ‘Yaa nɛ o ya mlɔɔ lɛ; o maa ye manye.’ ”

Samuel II, 24:1

Yawɛ mi mi fu Israel ekohu, nɛ e ha David kɛ haomi ba ma a nɔ. Yawɛ de lɛ ke, “Yaa nɛ o ya kane Israel kɛ Yuda!”

Samuel I, 25:24

ngɛ David nane nya; nɛ e de ke, “Ye nyɔmtsɛ, o kɛ tɔmi ɔ nɛ fɔ imi nɔ kake too ye nɔ. I kpa mo pɛɛ nɛ o bu munyu nɛ o mawayo maa tu ɔ tue.

Mose III, 26:31

Ma kpata nyɛ ma nguangua amɛ a hɛ mi kɛ yaa si a ma plɛ pee ma dokuhi. Nyɛ jami he ɔmɛ hu ma puɛ mɛ, nɛ i be nyɛ bɔ ɔmɛ hee hu.

Mose I, 44:18

Kɛkɛ nɛ Yuda hɛ lɛ kɛ su Yosef he, nɛ e de lɛ ke, “Nyɔmtsɛ, i kpa mo pɛɛ, ha nɛ ma kɛ hiami sane kake nɛ ɔ pɛ fɔ o hɛ mi. O ngɛ kaa Farao ɔ kɛ̃. O mi mi ko fu mi.

Samuel I, 24:9

David de Saul ke, “Mɛni he je nɛ nihi ngɛ mo dee ke i ngɛ hlae ma ye mo awi, nɛ o ngɛ mɛ tue bue ɔ?

Samuel I, 27:1

David de ngɛ e yi mi ke, “Saul maa gbe mi tlukaa ligbi kake, lɔ ɔ he ɔ, nɔ́ nɛ sa mi peemi ji ma tu fo kɛ ho Filisti bi ɔmɛ a zugba a nɔ ya. Saul nine mi maa je wu, nɛ e maa jɔɔ ye se nyɛɛmi ngɛ Israel huza amɛ a nɔ, nɛ ye yi ma na wami.”

Samuel II, 21:3

David bi Gibeon bi ɔmɛ ke, “Mɛni ma pee ha nyɛ? Mɛni ma ngɔ kɛ kpata nyɛ konɛ nyɛɛ gbaa Yawɛ ma a?”

Mose IV, 36:7

bɔ nɛ pee nɛ Israel bi ɔmɛ a gbosi ní nɛ ko je wɛtso kake mi kɛ ya wɛtso kpa mi; se mohu, Israel no tsuaa Israel no nɛ ye gbosi ní ngɛ e tsɛ wɛtso mi.

Mose IV, 36:9

nɛ gbosi ní kó je wɛtso kake mi kɛ ya wɛtso kpa mi, se mohu Israel wɛtso tsuaa wɛtso nɛ pɛtɛ lɛ nitsɛ e weto ní he.”

Mose V, 13:3

nyɛ ko bu lɛ tue fɛɛ. Yawɛ, nyɛ Mawu ɔ gu nɔ́ nɛ ɔ nɔ kɛ ngɛ nyɛ kae nɛ e hyɛ kaa nyɛ suɔ lɛ, Yawɛ ɔ saminya ngɛ nyɛ tsui mi lo.

Samuel II, 16:10

Se matsɛ ɔ de Abishai, kɛ e nyɛminyumu Yoab ke, “Nyɛ Zeruya bimɛ, mɛni sane nɛ ɔ kɔɔ ngɛ nyɛ he? Ke Yawɛ nɛ de lɛ ke e gbiɛ mi, nɛ e ngɛ mi gbiɛe ɔ, mɛnɔ ngɛ he blɔ nɛ e biɔ ke mɛni he je e ngɛ ja pee lo?”

La 20:4

E ma ha mo níhi nɛ o ngɛ hlae ɔ, nɛ níhi tsuo nɛ o to ke o maa pee ɔ maa ba mi.