Samuel I, 26:16 - BAIBLO ALOO NGMAMI KLƆUKLƆU Ɔ

¹⁶ Nyɛ pee we nɛ hi kulaa. I na Mawu, ja a gbe nyɛ tsuo kulaa; ejakaa nyɛ bui nyɛ nyɔmtsɛ ɔ, nɔ nɛ Yawɛ pɔ lɛ nu ɔ he. Jehanɛ, hyɛ he nɛ matsɛ ɔ akplɔ ɔ ngɛ! Nyu kɛ kplu ɔ hu nɛ ngɛ matsɛ ɔ yi tetle mi ɔ, hyɛ he nɛ e ba je!”

Samuel I, 26:16 ပူးပေါင်းရင်းမြစ်များ

Samuel II, 12:5

David mi mi fu jamɛ a niatsɛ ɔ wawɛɛ nitsɛ, nɛ e de Natan ke, “I na Yawɛ kaa nɔmlɔ nɛ pee nɔ́ nɛ ɔ, ja e gbo!

Samuel II, 19:28

Jinɛ tsaatsɛ we ɔ tsuo pɛpɛɛpɛ sa gbenɔ; se kɛ̃ o ngɔ o tsɔlɔ ɔ ngɔ piɛ nihi nɛ yeɔ ní ngɛ o we okplɔɔ ɔ he ɔ a he. Lɛɛ mɛni he blɔ i ngɛ kaa ma bi nɛnɛ ekohu ke e na mi mɔbɔ?”

Matsɛmɛ I, 2:26

Enɛ ɔ se ɔ, Matsɛ Salomo de osɔfo Abiatar ke, “Moo ho mo nitsɛ o ma mi ya ngɛ Anatot. Jinɛ e sa kaa a gbe mo, se i be hae nɛ a gbe mo piɔ; ejakaa benɛ o kɛ tsaatsɛ David ngɛ ɔ, mo lɛ o hyɛɛ Yawɛ Mawu somi daka a nɔ. Jehanɛ se hu, amanehlu slɔɔtohi tsuo nɛ tsaatsɛ na a, o kɛ lɛ nɛ na.”

La 102:20

konɛ e nu pamitsɛmɛ ɔmɛ a kɛmɛmi ɔ he, nɛ nihi nɛ a bu mɛ gbenɔ fɔ ɔ, e ha nɛ a ye a he.

La 79:11

Yawɛ, pamitsɛmɛ ɔmɛ ngɛ kɛmɛe; bu tue! Ni nɛmɛ nɛ ngɛ gbenɔ nya mi ɔ, ngɔɔ o he wami kpetekpleenyɛ ɔ kɛ kpɔ mɛ.

Efesobi 2:3

Niinɛ, sa a, wɔ tsuo pɛpɛɛpɛ wa ngɛ kaa mɛ; nɛ akɔnɔ yaya nɛ ngɛ wa mi ɔ jeɔ kpo ngɛ wa ní peemi níhi a mi. Níhi nɛ wa nɔmlɔ tso ɔ, kɛ wa juɛmi suɔ ɔ, lɔ ɔmɛ wa peeɔ. Akɛnɛ adesa kɛkɛ ji wɔ kaa bɔ nɛ nihi tsuo ngɛ ɔ, e fɔɔ si paa kaa Mawu maa gbla wa tue. Mawu mi mi fu wɔ kaa bɔ nɛ e mi mi fu adesahi tsuo ɔ, ejakaa wa pee yayami kɛ si lɛ.

Samuel I, 20:31

Anɛ o li kaa ligbi abɔ nɛ David ngɛ je mi ɔ, o be matsɛ yee gblegbleegble ngɛ zugba nɛ ɔ nɔ lo? Yaa nɛ o ya ngɔ lɛ kɛ ba hiɛ ɔ; ja e gbo!”

Samuel I, 24:6

nɛ e de e we bi ɔmɛ ke, “Yawɛ kó ha ma pee ye nyɔmtsɛ ɔ nɛ lɛ, Yawɛ ɔ hla, nɛ e wo lɛ matsɛ ɔ nɔ́ ko kaa kikɛ nɛ ɔ. I be lɛ awi yee; ejakaa nɔmlɔ nɛ Yawɛ hla, nɛ e wo matsɛ ji lɛ.”

Samuel I, 26:11

Yawɛ hiɔ kaa nɔmlɔ nɛ lɛ, Yawɛ nitsɛ e wo lɛ matsɛ ɔ, ma pue e muɔ si. Ha waa kɛ̃ akplɔ ɔ nɛ ngɛ e yi tetle mi ɔ, kɛ nyu kɛ kplu ɔ, nɛ waa ho.”

Samuel I, 26:15

David he nɔ ke, “Pi nyumu ji mo? Mɛnɔ kɛ mo sɔ ngɛ Israel? Mɛni he je mɔ nɛ o bui o nyɔmtsɛ matsɛ ɔ he? Nɔ ko ba ta a mi piɔ, nɛ jinɛ e ko kpata o nyɔmtsɛ matsɛ ɔ hɛ mi.

Samuel I, 26:9

Se David de Abishai ke, “Mo ko kpata e hɛ mi; ejakaa tue gblami fɔɔ si ha nɔ tsuaa nɔ nɛ pueɔ nɔ nɛ Yawɛ pɔ lɛ nu ke e ye matsɛ ɔ e muɔ si.”