Samuel I, 25:7 - BAIBLO ALOO NGMAMI KLƆUKLƆU Ɔ

⁷ I nu kaa o ngɛ o to ɔmɛ a he bwɔmi sãe. I ngɛ hae nɛ o le kaa o to hyɛli ɔmɛ kɛ wɔ ba hi si, nɛ wa pee we mɛ yayami ko. Jehanɛ hu, ligbi abɔ nɛ a ye ngɛ Karmel ɔ, a nɔ́ ko nɔ́ ko laa we.

Samuel I, 25:7 ပူးပေါင်းရင်းမြစ်များ

Samuel I, 25:21

David de e he ke, “I tsu yaka ní pɛ kaa i bu nɔmlɔ nɛ ɔ níhi a he ha lɛ ngɛ nga a nɔ nɛ e nɔ́ ko nɔ́ ko laa we. Yayami mohu e kɛ to kpakpa nɛ i pee lɛ ɔ nane mi.

Filipibi 4:8

Nyagbe ɔ, ye nyɛmimɛ, nihi nɛ ji anɔkuale, nihi nɛ sa bu, níhi nɛ da, níhi nɛ he tsɔ, níhi nɛ ngɛ fɛu, níhi nɛ woɔ nɔ hɛ mi nyami, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu.

Filipibi 2:15

Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

Luka 3:14

Ta buli komɛ hu ba bi lɛ ke, “Wɔ hu mɛni sa wɔ peemi?” E de mɛ ke, “Nyɛ ko fia ojo! Nyɛ ko po sane ngɔ fɔ nɔ ko nɔ yaka gu nɛ nyɛ kpɔ sika ngɛ e dɛ! Nyɛ hiɔwo nɛ sa nyɛ hɛ mi!”

Samuel I, 22:2

Ni kpa komɛ hu ba piɛ David he. Mɛ ji nihi nɛ a ngɛ mɛ yi mi wae, nihi nɛ hɛɛ hiɔ, kɛ ni nɛmɛ nɛ a pee mɛ nidɔ níhi, nɛ David pee a nyatsɛ. Nihi nɛ nyɛɛ e se ɔ a yibɔ maa pee lafa eywiɛ.

Samuel II, 13:23

Jeha enyɔ se ɔ, e ba mi kaa a ya ngɛ Absalom tohi a he bwɔmi sãe ngɛ Baal Hazor, ngɛ Efraim kasa nya; nɛ Absalom fɔ matsɛbinyumu ɔmɛ tsuo nine.

Samuel II, 13:24

Absalom ba matsɛ ɔ ngɔ nɛ e ba de lɛ ke, “A ma o tsɔlɔ ɔ to ɔmɛ a he bwɔmi sami. I kpa mo pɛɛ nɛ o kɛ o tsɔli ɔmɛ nɛ ba, nɛ nyɛ ba hyɛ ye kuɛ se mi.”