Samuel I, 25:39 - BAIBLO ALOO NGMAMI KLƆUKLƆU Ɔ

³⁹ Benɛ David nu kaa Nabal gbo ɔ, e de ke, “A je Yawɛ yi! E wo Nabal hiɔ ngɛ jɛmi nɛ e jɛ mi ɔ he. Jehanɛ hu e tsi ye nya konɛ ma ko pee yayami. Yawɛ wo Nabal nitsɛ e yayami ɔ he hiɔ.” Pee se ɔ, David tsɔ ke a ya su Abigail ha lɛ.

Samuel I, 25:39 ပူးပေါင်းရင်းမြစ်များ

Abɛ Womi 22:23

Yawɛ nitsɛ maa ye jamɛatsɛmɛ ɔmɛ a sane ha mɛ. Ke nɔ ko wo a susuma he gbeye ɔ, Yawɛ maa wo lɛ hu e susuma he gbeye ja nɔuu.

Samuel I, 25:34

Niinɛ, Yawɛ, Israel Mawu ɔ tsi ye nya ke ma ko pee mo yayami ko. Se i na Mawu, kaa o pee we esɔ nɛ o kɛ mi ba kpe, jinɛ hwɔɔ benɛ je ke e naa a, nɔ kake ngmelu be piɛe ha Nabal.”

Samuel I, 25:26

Yawɛ lɛ tsi o nya, bɔ nɛ pee nɛ o ko pue muɔ si kɛ ye mo nitsɛ o he lue. Lɔ ɔ he ɔ, i na Mawu kaa o he nyɛli, kɛ nihi nɛ hlaa mo yayami ɔ, a maa gbla a tue kaa Nabal.

La 7:16

E musu maa tloo lɛ nitsɛ; lɛ nitsɛ e yayami ɔ maa ye lɛ awi.

Matsɛmɛ I, 2:44

Mo nitsɛ o le yayamihi tsuo nɛ o je blɔ pee tsaatsɛ David. Yawɛ maa wo mo he hiɔ.

Samuel I, 25:32

David de Abigail ke, “Yawɛ, Israel Mawu ɔ, nɔ nɛ tsɔ mo mwɔnɛ ligbi nɛ ɔ ke o kɛ mi nɛ ba kpe ɔ, a je e yi.

Samuel I, 24:15

Yawɛ maa kojo i kɛ mo wa kpɛti. E maa hyɛ, nɛ e maa ye ye sane ɔ ha mi. E maa wo mi nguɔ, nɛ e ma je mi kɛ je o dɛ mi.”

2 Timoteo 4:18

Nyɔmtsɛ ɔ ma je mi kɛ maa je ní yayamihi tsuo a mi, nɛ e kɛ mi maa ya hiɔwe he nɛ e ngɛ matsɛ yee ngɛ ɔ fiafiaafia. A maa wo e hɛ mi nyami kɛ maa ya neneene. Amen.

1 Tesalonikabi 5:23

Mawu, nɔ nɛ haa wɔ he jɔmi ɔ, lɛ nitsɛ nɛ tsukɔ nyɛ he kulaa kɛ pi si. E hyɛ nyɛ mumi, nyɛ klaa, kɛ nyɛ nɔmlɔ tso ɔ kulaa nɔ nɛ piami ko kó hi he be mi nɛ wa Nyɔmtsɛ Yesu Kristo maa ba a.

Mika 7:9

Wa pee yayami kɛ si Yawɛ; lɔ ɔ he ɔ, ke e mi mi fu wɔ ɔ, wa ma na tsui. Ejakaa e ma kpɔ wɔ kɛ je wa he nyɛli ɔmɛ a dɛ mi, nɛ e maa gbla a tue ngɛ yayami nɛ a pee wɔ ɔ he. Yawɛ maa ngɔ wɔ kɛ ba la a he, nɛ wa maa na kaa e ma he wa yi wami.

Lahi 8:8

Wa ngɛ nyɛmi yoyo ko; e tui nyɔ lolo. Ligbi nɛ nyumu ko ma ba bi e si ɔ, mɛni wa maa pee ha lɛ?

Abɛ Womi 31:30

Hɛ mi nyami sisiɔ nɔ, nɛ he fɛu hu taa; se yo nɛ yeɔ Yawɛ gbeye ɔ, e sa kaa a je e yi.

Abɛ Womi 31:10

Yo kpakpa a, mɛnɔ ma na? E he jua wa kulaa pe june!

Abɛ Womi 19:14

We kɛ sika a, tsɛmɛ a dɛ mi nɛ a naa kɛ jeɔ kaa gbosi ní, se yo nɛ le ní ɔ, Yawɛ lɛ haa nɔ.

Abɛ Womi 18:22

Ke o ngɔ yo kɛkɛ o ná nɔ́ kpakpa, nɛ Yawɛ maa gbaa mo.

Ester 7:10

Nɛ a ya sɛu Haman ngɛ tso nɛ e pee kɛ ha Mordekai ɔ nɔ. Kɛkɛ nɛ Matsɛ ɔ mi mi fumi ɔ se po.

Manyadali 5:2

Nyɛ je Yawɛ yi! Israel nikɔtɔma amɛ nyɛɛ ma a hɛ mi, nɛ ma a ngɔ a he ha kɛ bua jɔmi.

2 Korintobi 13:7

Wa ngɛ Mawu pɛɛ kpae ha nyɛ nɛ nyɛ ko pee nɔ́ ko nɛ sɛ́. Waa kɛ enɛ ɔ tsɔɔ we kaa wɔɔ lɛɛ wa hi; se mohu nɛ nyɛɛ pee nɔ́ nɛ sa; pohu e maa pee nihi kaa wɔɔ lɛɛ wa nyɛ we kulaa.

Samuel I, 25:40

David tsɔli ɔmɛ ba Abigail ngɔ ngɛ Karmel, nɛ a ba de lɛ ke, “David tsɔ wɔ ke wa ba kpaka mo kɛ ba nɛ o ba pee e yo.”

Samuel I, 26:10

David ya nɔ nɛ e de ke, “I na Yawɛ, hɛ kalɔ ɔ kaa lɛ Yawɛ nitsɛ e maa fia Saul nɔ, loo Saul gbenɔ be maa su nɛ e ma gbo, loo e ma gbo ngɛ ta nya.

Samuel II, 1:16

David de Amalek no ɔ ke, “O musu tloo mo; ejakaa mo nitsɛ o kɛ o nya ye odase ke, ‘I gbe nɔmlɔ nɛ Yawɛ pɔ lɛ nu ɔ.’ ”

Ester 9:25

Se Ester ba na matsɛ ɔ, nɛ matsɛ ɔ ngma womi kɛ tsi ga yaya nɛ Haman to kɛ ha Yuda bi ɔmɛ ɔ nya. Bɔ nɛ e ya ba ha ji kaa nɔ́ nɛ e hla kaa e maa pee Yuda bi ɔmɛ ɔ, a kɛ pee lɛ nitsɛ mohu. Lɔ ɔ ji kaa a sɛu lɛ kɛ e binyumu ɔmɛ tsuo.

La 9:5

O ka je ma amɛ a hɛ mi. O kpata yayami peeli a hɛ mi, nɛ a biɛ laa pɛsɛpɛsɛ.