Samuel I, 25:34 - BAIBLO ALOO NGMAMI KLƆUKLƆU Ɔ

³⁴ Niinɛ, Yawɛ, Israel Mawu ɔ tsi ye nya ke ma ko pee mo yayami ko. Se i na Mawu, kaa o pee we esɔ nɛ o kɛ mi ba kpe, jinɛ hwɔɔ benɛ je ke e naa a, nɔ kake ngmelu be piɛe ha Nabal.”

Samuel I, 25:34 ပူးပေါင်းရင်းမြစ်များ

Samuel I, 25:26

Yawɛ lɛ tsi o nya, bɔ nɛ pee nɛ o ko pue muɔ si kɛ ye mo nitsɛ o he lue. Lɔ ɔ he ɔ, i na Mawu kaa o he nyɛli, kɛ nihi nɛ hlaa mo yayami ɔ, a maa gbla a tue kaa Nabal.

Samuel I, 25:18

Abigail he sɔ ya ngɔ abolo lafa enyɔ, wai lohwe he womi tɔ enyɔ, jijɔ enuɔ nɛ a sã, ngma nɛ a si kilo nyɔngma kɛ kpaago, wai yiblii nɛ gbli sau lafa, kɛ ngmɔkɔ gbigbli lafa enyɔ, nɛ e ngɔ pue tejihi a se mi.

Samuel I, 11:11

E nɔ jena a, Saul gba ma a mi kɛ wo tabo etɛ a mi. Makɛ ɔ, a ya sɛ he nyɛli ɔmɛ a ta a mi, nɛ a tua Amon bi ɔmɛ. A gbe Amon hluu kɛ ya si be nɛ pu da. Ni nɛmɛ nɛ piɛ ɔ gbɛ fĩa, nɛ o be a ti nihi enyɔ po nae ngɛ he kake.

Yoshua 10:9

Yoshua kɛ e tabo ɔ nyɛɛ nyɔnyɔɔnyɔ kɛ je Gilgal kɛ ho Gibeon ya ya tua Amor bi ɔmɛ, be mi nɛ a hɛ be a he nɔ.

Yoshua 10:6

Gibeon bi ɔmɛ tsɔ kɛ ba Yoshua ngɔ ngɛ ma sito he ɔ ngɛ Gilgal, ba de lɛ ke, “Wa kpa mo pɛɛ, koo ngmɛɛ wa he; ba esɔesɔ nɛ o ba piɛ wa he. Ba kpɔ wɔ! Amor bi ɔmɛ a matsɛmɛ ɔmɛ bua a ta amɛ a nya kɛ je yo ɔmɛ a nɔ ba tua wɔ!”

Mose I, 20:6

Mawu ha lɛ heto ngɛ nlami ɔ mi ke, “Niinɛ, i le kaa nɔ́ nɛ o pee nɛ ɔ je o tsui mi faa, nɛ o he nile bui mo fɔ; enɛ ɔ he je nɛ i ha we nɛ o ta yo ɔ he, konɛ o ko pee yayami kɛ si mi.

Samuel I, 25:22

I na Mawu, benɛ je ke e naa a, ke nyumu kake ngmelu piɛ ngɛ e we bi ɔmɛ a kpɛti fii!”

Samuel I, 25:39

Benɛ David nu kaa Nabal gbo ɔ, e de ke, “A je Yawɛ yi! E wo Nabal hiɔ ngɛ jɛmi nɛ e jɛ mi ɔ he. Jehanɛ hu e tsi ye nya konɛ ma ko pee yayami. Yawɛ wo Nabal nitsɛ e yayami ɔ he hiɔ.” Pee se ɔ, David tsɔ ke a ya su Abigail ha lɛ.