Samuel I, 25:25 - BAIBLO ALOO NGMAMI KLƆUKLƆU Ɔ

²⁵ Ye nyɔmtsɛ, i kpa mo pɛɛ, mo ko di Nabal yaka nɔmlɔ nɛ ɔ; ejakaa bɔ nɛ e biɛ ngɛ ɔ, ja nɛ lɛ nɔmlɔ ɔ ngɛ. E biɛ Nabal ɔ sisi ji kuasia; nɛ kuasiahi a sane nɛ e yeɔ. Se imi, o mawayo ɔ, nihewi ɔmɛ nɛ ye nyɔmtsɛ ɔ tsɔ kɛ ba a, i nɛ mɛ.

Samuel I, 25:25 ပူးပေါင်းရင်းမြစ်များ

Samuel I, 25:17

Lɔ ɔ he ɔ, mo susu he, konɛ o hyɛ nɔ́ nɛ sa peemi; ejakaa sane yobu lɛ ma wa nyɔmtsɛ ɔ kɛ e weku li a nɔ nɛ ɔ nɛ. Nɔmlɔ ɔ tsui wa, nɛ a wui lɛ ga.”

Malaki 2:2

nyɛɛ pee nɔ́ nɛ da nɛ nyɛ kɛ wo ye hɛ mi nyami. Ke nyɛ bui nɔ́ nɛ i ngɛ nyɛ dee ɔ tue ɔ, ma gbiɛ nyɛ; nɛ gbaami nɛ i ko gbaa nyɛ ɔ ma plɛ pee tue gblami mohu. Niinɛ, i gbiɛ nyɛ momo, ejakaa nyɛ yi ye mlaa amɛ a nɔ bɔ nɛ sa.

Samuel II, 13:33

Lɔ ɔ he ɔ, ye nyɔmtsɛ matsɛ nɛ e ko ye e tsui kaa matsɛbinyumu ɔmɛ tsuo pɛpɛɛpɛ gbo; ejakaa Amnon nɔ kake pɛ ji nɔ nɛ a gbe ɔ nɛ.”

Yesaya 42:25

Lɔ ɔ he ɔ, e ha wa nu e mi mi fumi nɛ nya wa a he, nɛ ta nɛ nya wa ba tua wɔ. E mi mi la a mle kɛ wo Israel he kɛ kpe, se a li nɔ́ nɛ ngɛ nɔ yae ɔ; wa kase we nɔ́ ko kulaa kɛ ji mi.

Samuel I, 25:26

Yawɛ lɛ tsi o nya, bɔ nɛ pee nɛ o ko pue muɔ si kɛ ye mo nitsɛ o he lue. Lɔ ɔ he ɔ, i na Mawu kaa o he nyɛli, kɛ nihi nɛ hlaa mo yayami ɔ, a maa gbla a tue kaa Nabal.

Samuel I, 25:24

ngɛ David nane nya; nɛ e de ke, “Ye nyɔmtsɛ, o kɛ tɔmi ɔ nɛ fɔ imi nɔ kake too ye nɔ. I kpa mo pɛɛ nɛ o bu munyu nɛ o mawayo maa tu ɔ tue.

Yesaya 32:5

A be kuasia hɛ mi nyami woe hu, nɛ nɔ sisilɔ ɔ, a be lɛ tsɛe ke anɔkualetsɛ hu.

Abɛ Womi 29:7

Nɔ nɛ peeɔ nɔ́ nɛ da a, e le ohiatsɛmɛ a hiami níhi, se yiwutsotsɛ lɛɛ e juɛmi sui ní nɛ ɔmɛ a he kulaa.