Samuel I, 25:24 - BAIBLO ALOO NGMAMI KLƆUKLƆU Ɔ

²⁴ ngɛ David nane nya; nɛ e de ke, “Ye nyɔmtsɛ, o kɛ tɔmi ɔ nɛ fɔ imi nɔ kake too ye nɔ. I kpa mo pɛɛ nɛ o bu munyu nɛ o mawayo maa tu ɔ tue.

Samuel I, 25:24 ပူးပေါင်းရင်းမြစ်များ

Ester 8:3

Ester kɛ matsɛ ɔ tu munyu. E kpla si kɛ e hɛ mi vo nyu ngɛ matsɛ ɔ nane nya, nɛ e kpa lɛ pɛɛ ke e pee nɔ́ ko kɛ tsi yi mi tomi yaya nɛ Agag nina Haman to ngɛ Yuda bi ɔmɛ a he ɔ nya.

Samuel II, 14:9

Tekoa yo ɔ de matsɛ ɔ ke, “Nɛnɛ, ke fɔ yemi ko ba a, e pee imi kɛ ye tsɛ we ɔ wa nɔ; nɛnɛ kɛ e sɛ ɔ lɛɛ e sɛ́ kaa nɔ ko nɔ ko piaa mɛ.”

Samuel I, 25:28

I kpa mo pɛɛ, ke i pee mo yayami ko ɔ, kɛ pa mi. Yawɛ maa wo mo matsɛ, nɛ e maa pee o we ɔ matsɛ we kɛ maa ya neneene; ejakaa Yawɛ tahi lɛ o ngɛ hwue ɔ nɛ; nɛ yayami ko yayami ko be o he sae kɛ yaa si o gbenɔ ligbi.

Matsɛmɛ II, 4:37

Yo ɔ kpla si ngɛ Elisha nane nya, nɛ e kɛ e hɛ mi bu si, nɛ e ngɔ e binyumu ɔ kɛ je kpo.

Mateo 18:29

E nyɛmi tsɔlɔ ɔ kpla si ngɛ e hɛ mi, nɛ e de ke, ‘I kpa mo pɛɛ, na tsui ha mi nɛ ma wo mo hiɔ ɔ tsuo!’

Samuel II, 14:12

Yo ɔ ya nɔ nɛ e de ke, “Nɛnɛ, i kpa mo pɛɛ nɛ o ngmɛ mi blɔ nɛ ma bi nɔ kake pɛ.” Matsɛ ɔ de lɛ ke, “Yaa o nya nɔ!”

Mose I, 44:18

Kɛkɛ nɛ Yuda hɛ lɛ kɛ su Yosef he, nɛ e de lɛ ke, “Nyɔmtsɛ, i kpa mo pɛɛ, ha nɛ ma kɛ hiami sane kake nɛ ɔ pɛ fɔ o hɛ mi. O ngɛ kaa Farao ɔ kɛ̃. O mi mi ko fu mi.

Samuel I, 24:8

David hu je kpo kɛ je tɛ puɔ ɔ mi, nɛ e kpa huhui kɛ tsɛ Saul yi se, nɛ e de ke, “Ye nyɔmtsɛ matsɛ!” Nɛ benɛ Saul plɛ nɛ e hyɛ e se ɔ, David kpla si nɛ e kɛ e hɛ mi bu si ngɛ zugba kɛ tsɔɔ bumi.

Samuel I, 25:23

Benɛ Abigail na David ɔ, e kple si kɛ je teji ɔ nɔ esɔesɔ, nɛ e ya kpla si ngɛ David hɛ mi nɛ e kɛ e hɛ mi bu si ngɛ zugba

Samuel I, 25:25

Ye nyɔmtsɛ, i kpa mo pɛɛ, mo ko di Nabal yaka nɔmlɔ nɛ ɔ; ejakaa bɔ nɛ e biɛ ngɛ ɔ, ja nɛ lɛ nɔmlɔ ɔ ngɛ. E biɛ Nabal ɔ sisi ji kuasia; nɛ kuasiahi a sane nɛ e yeɔ. Se imi, o mawayo ɔ, nihewi ɔmɛ nɛ ye nyɔmtsɛ ɔ tsɔ kɛ ba a, i nɛ mɛ.

Abɛ Womi 25:15

Ke o to o tsui si nɛ o kɛ matsɛ tu munyu ɔ, o ma nyɛ tsake e yi mi tomi. Ke sane ɔ he wa kaa tɛ po, munyu blɛuu nyɛɔ jɔɔ he.

Fiɛlɔ 10:4

Ke o nɔ yelɔ mi mi fu mo ɔ, koo je o ní tsumi he ɔ; he si bami gbeɔ sanehi nɛ he wa a nya la.

Samuel II, 20:17

Benɛ Yoab ba a, yo ɔ bi lɛ ke, “Mo ji Yoab ɔ lo?” E he nɔ ke, “Ee, imi.” Kɛkɛ nɛ yo ɔ de lɛ ke, “Moo bu imi, o mawayo ɔ munyu ɔmɛ tue.” Nɛ lɛ hu e he nɔ ke, “I ngɛ mo tue bue.”