Samuel I, 25:23 - BAIBLO ALOO NGMAMI KLƆUKLƆU Ɔ

²³ Benɛ Abigail na David ɔ, e kple si kɛ je teji ɔ nɔ esɔesɔ, nɛ e ya kpla si ngɛ David hɛ mi nɛ e kɛ e hɛ mi bu si ngɛ zugba

Samuel I, 25:23 ပူးပေါင်းရင်းမြစ်များ

Samuel II, 1:2

Ligbi etɛne ɔ, nyumu ko je Saul ta a mi kɛ ba. E hía e tade ɔmɛ ngɛ e he, nɛ e ngɔ zu ngɔ pue e yi mi kɛ tsɔɔ kaa e ngɛ kɔmɔ yee. E ba David ngɔ, nɛ e kɛ bumi ba kpla si ngɛ e hɛ mi.

Samuel II, 14:4

Benɛ Tekoa yo ɔ ba matsɛ ɔ ngɔ ɔ, e kpla si nɛ e kɛ e hɛ mi bu si, nɛ e de ke, “Nɛnɛ lee! Moo ye bua mi!”

Samuel II, 18:28

Ahimaaz kpa ngmlaa nɛ e de matsɛ ɔ ke, “Manye oo, manye!” Kɛkɛ nɛ e ba kpla si ngɛ matsɛ ɔ hɛ mi nɛ e kɛ e hɛ mi bu si, nɛ e de ke, “Nɛnɛ! A je Yawɛ, o Mawu ɔ yi. Nihi nɛ te si ngɔ wo mo ɔ, Yawɛ ha o ye a nɔ.”

Samuel II, 9:6

Benɛ Saul bibi Mefiboshet, nɛ ji Yonatan bi ɔ ba David ngɔ ɔ, e kpla si nɛ e kɛ e hɛ mi bu si kɛ tsɔɔ bumi. David tsɛ e biɛ ke, “Mefiboshet!” Nɛ e he nɔ ke, “Ye nyɔmtsɛ.”

Kronika I, 21:21

Benɛ Arauna na Matsɛ David nɛ ma ngɛ blɔ ɔ nɔ ɔ, e je ngma mi sami he ɔ nɛ e ya kpla si nɛ e kɛ e hɛ mi bu si.

Yoshua 15:18

Benɛ a kpee Aksa a, e wo e huno ɔ yi mi ke e bi e ngatsɛ ɔ ngmɔ zugba ko; Aksa kple si kɛ je e teji ɔ nɔ, nɛ Kaleb bi lɛ ke, “Mɛni o ngɛ hlae nɛ ma pee ha mo?”

Manyadali 1:14

Benɛ a kpee Aksa a, e wo e huno ɔ yi mi ke e bi e ngatsɛ ɔ ngmɔ zugba ko. Aksa kple si kɛ je e teji ɔ nɔ, nɛ Kaleb bi lɛ ke, “Mɛni o suɔ nɛ ma pee ha mo?”

Rut Womi 2:10

Kɛkɛ nɛ Rut kpla si nɛ e kɛ e hɛ mi bu si, nɛ e bi Boaz ke, “I kpa mo pɛɛ, mɛni he je o ngɛ o he haoe ngɛ ye he, nɛ o tsɔ o hɛ mi ha mi kikɛ nɛ ɔ? Imi ma se no ɔ!”

Samuel I, 20:41

Benɛ niheyo ɔ je ɔ, David te si kɛ je tɛ nɛ a bua nya a se. E ba kpla si nɛ e kɛ e hɛ mi bu si si etɛ; nɛ e kɛ Yonatan fua a sibi, nɛ a fo ya ngɔ pue a sibi a nɔ. Se David aywilɛho ɔ nya wa pe Yonatan nɔ́ ɔ.

Samuel I, 24:8

David hu je kpo kɛ je tɛ puɔ ɔ mi, nɛ e kpa huhui kɛ tsɛ Saul yi se, nɛ e de ke, “Ye nyɔmtsɛ matsɛ!” Nɛ benɛ Saul plɛ nɛ e hyɛ e se ɔ, David kpla si nɛ e kɛ e hɛ mi bu si ngɛ zugba kɛ tsɔɔ bumi.

Samuel I, 25:24

ngɛ David nane nya; nɛ e de ke, “Ye nyɔmtsɛ, o kɛ tɔmi ɔ nɛ fɔ imi nɔ kake too ye nɔ. I kpa mo pɛɛ nɛ o bu munyu nɛ o mawayo maa tu ɔ tue.

Samuel I, 25:41

Abigail kpla si nɛ e kɛ e hɛ mi bu zugba nɛ e de ke, “O nɛ, imi ji ye nyɔmtsɛ ɔ mawayo ɔ nɛ ma fɔ e tsɔli ɔmɛ a nane he ɔ nɛ.”