Samuel I, 25:21 - BAIBLO ALOO NGMAMI KLƆUKLƆU Ɔ

²¹ David de e he ke, “I tsu yaka ní pɛ kaa i bu nɔmlɔ nɛ ɔ níhi a he ha lɛ ngɛ nga a nɔ nɛ e nɔ́ ko nɔ́ ko laa we. Yayami mohu e kɛ to kpakpa nɛ i pee lɛ ɔ nane mi.

Samuel I, 25:21 ပူးပေါင်းရင်းမြစ်များ

Abɛ Womi 17:13

Nɔ nɛ ngɔɔ yayami kɛ toɔ kpakpa nane mi ɔ, yayami be e we mi tae gblegbleegble.

Efesobi 4:31

Nyɛ ha nɛ mi mi doomi, hɛdɔ, mi mi la, kɛ muklii mi fumi se nɛ po ngɛ nyɛ kpɛti. Nyɛɛ ngmɛɛ pɛ, kɛ nɔ jɛmi basabasa, kɛ ninyɛ tsuo he.

Efesobi 4:26

Ke e ba mi kaa nyɛ ti nɔ ko mi mi fu e nyɛmi ɔ, e ko ngmɛ blɔ nɛ lɔ ɔ nɛ ha nɛ e pee yayami. E bɔ mɔde nɛ e tsui he nɛ jɔ loko pu nɛ nɔ si.

Romabi 12:21

Nyɛ ko ha yayami nɛ ye nyɛ nɔ, se mohu nyɛɛ ngɔ kpakpa peemi kɛ ye yayami nɔ kunimi.

1 Petro 3:17

Ejakaa e hi kaa nɔ ko maa pee kpakpa nɛ e na amanehlu, ke lɔ ɔ ji nɔ́ nɛ Mawu suɔ ɔ, pe nɔ́ nɛ e maa pee yayami.

1 Tesalonikabi 5:15

Nyɛɛ hyɛ nɛ nyɛ ti nɔ ko kó pee yayami kɛ to yayami nane mi. Se mohu daa nɛ ɔ, nyɛɛ bɔ mɔde kaa nyɛ maa pee kpakpa ha nyɛ sibi, kɛ nihi tsuo.

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

Yeremia 18:20

Anɛ e sa kaa a kɛ yayami nɛ to kpakpa nane mi lo? Se mɛɛ lɛɛ a tsua muɔ ha mi nɛ ma nɔ mi. Kai kaa i ba o ngɔ nɛ i ba tu a he munyu kpakpa ha mo, bɔ nɛ pee nɛ o kɛ mɛ ko ye ngɛ o mi mi fumi ɔ nya.

La 38:20

Nihi nɛ ngɔɔ yayami kɛ toɔ kpakpa nane mi ɔ, jamɛatsɛmɛ ɔmɛ ba pee ye he nyɛli; ejakaa imi lɛɛ i hlaa kaa ma pee nɔ́ nɛ da.

La 37:8

O mi mi ko fu hu; koo ye o tsui hu. Ní nɛ ɔmɛ haa nɛ nɔ peeɔ yayami.

La 35:12

A peeɔ mi yayami kɛ toɔ kpakpa nane mi, nɛ a woɔ mi ka, konɛ a gbe mi.

Hiob 30:8

Yakayaka nimli, kɛ ni guhi ji mɛ tsuo, nihi nɛ a fia a nane si tu kɛ je ma a mi.

Samuel I, 25:13

Kɛkɛ nɛ David de e we bi ɔmɛ ke, “Nyɛ ti nɔ tsuaa nɔ nɛ fi e klaate!” Nɛ a pee ja. David hu fi e klaate ɔ, nɛ e kɛ nyumuhi maa pee lafa eywiɛ hia kɛ je lejɛ ɔ, nɛ a si nihi lafa enyɔ ngɛ tlomi ɔmɛ a he.

Mose I, 44:4

Benɛ a je ma a mi, nɛ a sui he ko tsitsaa lolo ɔ, Yosef de tsɔlɔ ɔ nɛ hyɛɛ e we ɔ nɔ ɔ ke, “Tee si esɔ, nɛ o nyɛɛ nyumu ɔmɛ a se. Ke o ya na mɛ ɔ, bi mɛ ke, ‘Mɛni he je nyɛɛ kɛ yayami to kpakpa nɛ a pee nyɛ ɔ nane mi ɔ?

Samuel I, 25:7

I nu kaa o ngɛ o to ɔmɛ a he bwɔmi sãe. I ngɛ hae nɛ o le kaa o to hyɛli ɔmɛ kɛ wɔ ba hi si, nɛ wa pee we mɛ yayami ko. Jehanɛ hu, ligbi abɔ nɛ a ye ngɛ Karmel ɔ, a nɔ́ ko nɔ́ ko laa we.

Samuel I, 25:15

Anɔkuale mi ɔ, nyumu nɛ ɔmɛ kɛ wɔ hi si saminya, nɛ a pee we wɔ yayami ko. Jehanɛ hu ligbi abɔ nɛ waa kɛ mɛ hi nga a nɔ ɔ, wa nɔ́ ko nɔ́ ko laa we.

Samuel I, 25:20

Abigail hi e teji ɔ nɔ kɛ ngɛ yo ɔ kplee nɛ e kɛ David kɛ e we bi ɔmɛ ya bua tlukaa nɛ mɛ hu a ma e ngɔ blɔ.