Samuel I, 25:18 - BAIBLO ALOO NGMAMI KLƆUKLƆU Ɔ

¹⁸ Abigail he sɔ ya ngɔ abolo lafa enyɔ, wai lohwe he womi tɔ enyɔ, jijɔ enuɔ nɛ a sã, ngma nɛ a si kilo nyɔngma kɛ kpaago, wai yiblii nɛ gbli sau lafa, kɛ ngmɔkɔ gbigbli lafa enyɔ, nɛ e ngɔ pue tejihi a se mi.

Samuel I, 25:18 ပူးပေါင်းရင်းမြစ်များ

Samuel II, 16:1

Benɛ David po mi ngɛ yo ɔ yi mi bɔɔ ɔ, Mefiboshet tsɔlɔ Ziba kɛ lɛ ba kpe. E hɛɛ teji enyɔ kɛ a se tlomi: abolo bɔbɔɛ lafa enyɔ, wai yiblii gbigbli sau lafa, tso yiblii lafa, kɛ wai lohwe he womi tɔ kake.

Mateo 5:25

“Ke nɔ ko sama mo, nɛ nyɛ ngɛ blɔ ɔ nɔ kɛ yaa kojomi he ɔ, o kɛ lɛ nɛ tsa mla. Ke pi ja a, o pɛbilɔ ɔ maa ngɔ mo ya wo kojolɔ ɔ dɛ mi; kojolɔ hu maa ngɔ mo ya wo tsɔlɔ ɔ dɛ mi, nɛ a maa wo mo tsu.

Abɛ Womi 18:16

Nike ní bliɔ blɔ ha nɔ kɛ ya suu nimli nguahi a hɛ mi tɔɔ.

Abɛ Womi 21:14

Nike ní nɛ a haa ngɛ laami mi jɔɔ abofu he kaa bɔ nɛ nyɔ mi ní haa mi mi la se poɔ ɔ.

Kronika I, 12:40

Nihi nɛ a kɛ lɛ a he kɛ́ we, kɛ ni nɛmɛ nɛ je Isakar, Zebulun, kɛ Naftali tɔɔ ngɔ niye ní slɔɔtoslɔɔto kɛ wo tejihi, afukpɔngɔhi, teji okpɔngɔhi, kɛ nahi a se kɛ ba. Níhi nɛ a ngɔ kɛ ba ji mamu, ngmɔkɔ, keeki, wai, kɛ nu. A ngɔ nahi kɛ tohi hu kɛ ba, nɛ a ba gbe nɛ a ye, ejakaa bua jɔmi ba Israel.

Samuel I, 25:34

Niinɛ, Yawɛ, Israel Mawu ɔ tsi ye nya ke ma ko pee mo yayami ko. Se i na Mawu, kaa o pee we esɔ nɛ o kɛ mi ba kpe, jinɛ hwɔɔ benɛ je ke e naa a, nɔ kake ngmelu be piɛe ha Nabal.”

Samuel I, 17:17

Ligbi ko ɔ, Ishai de e binyumu David ke, “Ngɔɔ ngma nɛ a si nɛ ɔ kilo nyɔngma, kɛ abolo bɔbɔɛ nyɔngma nɛ ɔmɛ kɛ ya ha o nyɛmimɛ ɔmɛ ngɛ ta nga a nɔ esɔesɔ.

Samuel I, 25:17

Lɔ ɔ he ɔ, mo susu he, konɛ o hyɛ nɔ́ nɛ sa peemi; ejakaa sane yobu lɛ ma wa nyɔmtsɛ ɔ kɛ e weku li a nɔ nɛ ɔ nɛ. Nɔmlɔ ɔ tsui wa, nɛ a wui lɛ ga.”

Abɛ Womi 31:12

Yo ɔ peeɔ e huno ɔ suɔmi nya ní; daa nɛ ɔ, e peeɔ lɛ kpakpa, pi yayami.