Samuel I, 25:17 - BAIBLO ALOO NGMAMI KLƆUKLƆU Ɔ

¹⁷ Lɔ ɔ he ɔ, mo susu he, konɛ o hyɛ nɔ́ nɛ sa peemi; ejakaa sane yobu lɛ ma wa nyɔmtsɛ ɔ kɛ e weku li a nɔ nɛ ɔ nɛ. Nɔmlɔ ɔ tsui wa, nɛ a wui lɛ ga.”

Samuel I, 25:17 ပူးပေါင်းရင်းမြစ်များ

Samuel I, 20:7

Ke e de ke, ‘Yoo!’ ɔ, o tsɔlɔ yi ma na wami; se ke e mi mi fu ɔ, lɛɛ o na nɛ o le kaa e muɔ e yi mi kpɔ kaa e maa pee mi yayami.

Mose V, 13:13

yakayaka nimli komɛ nɛ ji Israel fɔfɔɛhi puɛ ma a mi bi ɔmɛ a tue nɛ a ya ja mawu kpahi nɛ nyɛ ja we hyɛ ɔ,

Ester 7:7

Matsɛ ɔ hɛ dɔ, nɛ e je kpo kɛ ho abɔɔ ɔ nɛ ngɛ matsɛ we ɔ mi ya. Haman na kaa matsɛ ɔ to e yi mi kaa e ma kpata e hɛ mi ngɛ nɔ́ nɛ ɔ he; lɔ ɔ he ɔ, lɛ Haman ɔ lɛɛ e mlɛ ngɛ se, konɛ e kpa Manyɛ Ester pɛɛ nɛ a ngɔ e wami kɛ ke lɛ.

Kronika II, 25:16

Se benɛ gbalɔ ɔ ngɛ munyu tue kɛ mwɔɔ ɔ, Amazia po munyu ngɛ e nya, nɛ e bi lɛ ke, “Kɛ je mɛni be lɛ wa wo mo matsɛ ga wolɔ? Jɔɔ mo; ke pi ja a, ma ha a gbe mo piɔ!” Kɛkɛ nɛ gbalɔ ɔ kpa. Se loko e maa pee dii ɔ, e de matsɛ ɔ ke, “Jehanɛ lɛɛ i le kaa Mawu to e yi mi kaa e ma kpata o hɛ mi; ejakaa o bui ye ga womi ɔ tue, nɛ o ya tsu nɔ́ nɛ ɔ.”

Kronika II, 13:7

Pee se ɔ, e bua yaka nimli komɛ a nya, nɛ e kɛ mɛ ya na Salomo binyumu Rehoboam. A nyɛ e nɔ nɛ e pee a suɔmi nya ní. Rehoboam nyɛ we mɛ, ejakaa e wɛ, nɛ e kpa we je mi si lolo.

Matsɛmɛ I, 21:13

Yaka nimli enyɔ ɔmɛ ba nɛ a ba po Nabot nya ngɛ ma a hɛ mi ke e jɛ Mawu, kɛ matsɛ ɔ. Lɔ ɔ he ɔ, a ngɔ lɛ kɛ je ma a mi, nɛ a ya fia lɛ tɛ nɛ a gbe.

Matsɛmɛ I, 21:10

Nyɛ ha yaka nimli enyɔ nɛ a da e hɛ mi paa nɛ a ye odase ngɔ si lɛ ke e jɛ Mawu, kɛ matsɛ ɔ. Lɔ ɔ se ɔ, nyɛɛ ngɔ lɛ kɛ je ma a mi, nɛ nyɛ ya fia lɛ tɛ nɛ nyɛɛ gbe.”

Samuel I, 25:25

Ye nyɔmtsɛ, i kpa mo pɛɛ, mo ko di Nabal yaka nɔmlɔ nɛ ɔ; ejakaa bɔ nɛ e biɛ ngɛ ɔ, ja nɛ lɛ nɔmlɔ ɔ ngɛ. E biɛ Nabal ɔ sisi ji kuasia; nɛ kuasiahi a sane nɛ e yeɔ. Se imi, o mawayo ɔ, nihewi ɔmɛ nɛ ye nyɔmtsɛ ɔ tsɔ kɛ ba a, i nɛ mɛ.

Samuel I, 20:9

Se Yonatan de ke, “Nɔ́ nɛ ɔ nɛ ko ba o juɛmi mi kulaa! Ke i le kaa tsaatsɛ to kaa e maa pee mo yayami ko ɔ, i ko de we mo lo?”

Samuel I, 2:12

Eli binyumu ɔmɛ ɔ, yakayaka nimli ji mɛ; a bui Yawɛ,

Manyadali 19:22

Benɛ a bua jɔ a he ɔ, yakayaka nyumu komɛ nɛ ngɛ ma a mi ɔ ba bɔle we ɔ kɛ kpe. A si sinya a kɛ he wami, nɛ a de nɔmoyo ɔ nɛ ji wetsɛ ɔ ke, “Nyumu ɔ nɛ ba o we ɔ mi ɔ, je lɛ ha wɔ nɛ waa kɛ lɛ nɛ hwɔ.”

Samuel I, 10:27

Se yaka nimli komɛ bi ke, “Kɛ nɔmlɔ nɛ ɔ maa pee kɛ he wa yi wami kɛɛ?” A gbe e he guɛ, nɛ mɛɛ a ya ki lɛ ní. Se Saul pui a nya mi.

Samuel I, 25:16

A bu wa he nyɔ kɛ pia be tsuo nɛ waa kɛ mɛ hi si nɛ wa ngɛ to ɔmɛ hyɛe ɔ.

Samuel I, 25:18

Abigail he sɔ ya ngɔ abolo lafa enyɔ, wai lohwe he womi tɔ enyɔ, jijɔ enuɔ nɛ a sã, ngma nɛ a si kilo nyɔngma kɛ kpaago, wai yiblii nɛ gbli sau lafa, kɛ ngmɔkɔ gbigbli lafa enyɔ, nɛ e ngɔ pue tejihi a se mi.

Samuel II, 24:13

Kɛkɛ nɛ Gad ba David ngɔ nɛ e ba bɔ lɛ amaniɛ, nɛ bi lɛ ke, “Anɛ o suɔ kaa hwɔ nɛ ba o zugba a nɔ jeha etɛ, aloo o he nyɛli nɛ a nyɛɛ o se, nɛ o hi fo tue ngɛ a hɛ mi nyɔhiɔ etɛ, aloo gbenɔ hiɔ nɛ ba zugba a nɔ ligbi etɛ? Mo susu he, konɛ o tsɔɔ mi heto nɛ ma ngɔ kɛ ya ha nɔ nɛ tsɔ mi ɔ.”

Abɛ Womi 12:8

Ke o ngɛ juɛmi ɔ, a ma je o yi. Se ke o biɛ lɛɛ a maa gbe o he guɛ.