Samuel I, 25:10 - BAIBLO ALOO NGMAMI KLƆUKLƆU Ɔ

¹⁰ Se Nabal he nɔ nɛ e de David tsɔli ɔmɛ ke, “Mɛnɔ ji jamɛ a David ɔ? Nɛ mɛnɔ hu ji Ishai binyumu nɛ ɔ? Ligbi etɛ nɛ ɔ mi ɔ, tsɔli nɛ tsɔ a nyɔmtsɛmɛ a hɛ mi atuã ba ngɛ hiɛe tsɔ.

Samuel I, 25:10 ပူးပေါင်းရင်းမြစ်များ

Manyadali 9:28

Ebed binyumu Gaal de ke, “Mɛni nimli po ngɛ Shekem ɔ? Mɛni he je lɛ wa ngɛ Abimelek sɔmɔe? Mɛnɔ ji jamɛ a Abimelek ɔ? Anɛ pi Yerubaal bi ji lɛ? Nɛ pi e we asafoatsɛ ji Zebul lo? Anɛ a sɔmɔ we Shekem tsɛ Hamor we bi ɔmɛ hyɛ lo? Mɛni he je nɛ wa ngɛ lɛ sɔmɔe mɔ?

Yesaya 32:7

Nɔ sisilɔ ɔ, ní yayahi a he ga pɛ e toɔ. E yeɔ lakpa konɛ e kɛ kpata dɛgutsɛmɛ a hɛ mi. Ke a sane da po, bɔ nɛ e peeɔ mɛ ji nɛ ɔ nɛ.

Yesaya 32:5

A be kuasia hɛ mi nyami woe hu, nɛ nɔ sisilɔ ɔ, a be lɛ tsɛe ke anɔkualetsɛ hu.

Fiɛlɔ 7:10

Ko bi ke, “Mɛni he je blema ngɔɔ pe mwɔnɛmwɔnɛ ɔ?” Tsa pi nile gbi ji lɔ ɔ.

Matsɛmɛ I, 12:16

Benɛ Israel ma a tsuo na kaa matsɛ ɔ bui mɛ tue ɔ, a de ke, “Mɛni blɔ nya wa ngɛ ngɛ David ngɔ? Wa be gbosi ní ngɛ Ishai binyumu ɔ ngɔ. Israel ma! Nɔ tsuaa nɔ nɛ pue lɛ nitsɛ e we mi blɔ! Nyɛ ha Rehoboam nɛ ya ye tsɛ ngɛ David we ɔ nɔ!” Kɛkɛ nɛ Israel ma a tsɔ atuã,

Samuel II, 20:1

E ba mi kaa yakayaka nɔmlɔ ko nɛ a tsɛɛ lɛ Sheba ba je Gilgal. Benyamin no, Bikri bi ji lɛ. Sheba kpa titimati nɛ e de ke, “Wa be blɔ nya ko ngɛ David ngɔ; Ishai binyumu ɔ, pi e ní yeli ji wɔ. Israel bi, nɔ tsuaa nɔ nɛ ho lɛ nitsɛ e we mi ya!”

Samuel I, 22:2

Ni kpa komɛ hu ba piɛ David he. Mɛ ji nihi nɛ a ngɛ mɛ yi mi wae, nihi nɛ hɛɛ hiɔ, kɛ ni nɛmɛ nɛ a pee mɛ nidɔ níhi, nɛ David pee a nyatsɛ. Nihi nɛ nyɛɛ e se ɔ a yibɔ maa pee lafa eywiɛ.

Samuel I, 20:30

Jehanɛ Saul mi mi fu Yonatan wawɛɛ nitsɛ, nɛ e de lɛ ke, “Mo, yo ajuama kɛ atuã tsɔlɔ mi bi! O bu kaa i li kaa o ngɔ Ishai binyumu ɔ ngɔ pee o huɛ, nɛ o kɛ pue mo nitsɛ kɛ o nyɛ tsuo nyɛ hɛ mi si!

Mose II, 5:2

Se Farao ɔ bi mɛ ke, “Mɛnɔ ji jamɛ a Yawɛ ɔ? Mɛni he je nɛ e sa kaa ma bu e gbi tue nɛ ma ha Israel nɛ ho ɔ? I li Yawɛ nɛ ɔ, nɛ pohu i be hae nɛ a ya.”

Samuel I, 25:9

David we bi ɔmɛ ngɔ sɛ gbi ɔ ya ha Nabal ngɛ David biɛ mi; nɛ lɔ ɔ se ɔ, a mlɛ.

Abɛ Womi 15:1

Ke o kɛ gbi blɛuu ha munyu heto ɔ, e tsiɔ abofu nya. Se munyu gegeege haa nɔ mi mi woɔ la.