Samuel I, 24:8 - BAIBLO ALOO NGMAMI KLƆUKLƆU Ɔ

⁸ David hu je kpo kɛ je tɛ puɔ ɔ mi, nɛ e kpa huhui kɛ tsɛ Saul yi se, nɛ e de ke, “Ye nyɔmtsɛ matsɛ!” Nɛ benɛ Saul plɛ nɛ e hyɛ e se ɔ, David kpla si nɛ e kɛ e hɛ mi bu si ngɛ zugba kɛ tsɔɔ bumi.

Samuel I, 24:8 ပူးပေါင်းရင်းမြစ်များ

Romabi 13:7

Lɔ ɔ he ɔ, bɔ nɛ ji nɔ tsuaa nɔ blɔ nya a, nyɛɛ pee ha lɛ. Ma tó nɛ sa kaa nyɛɛ wo ɔ, nyɛɛ wo; tó nɛ a heɔ ngɛ weto ní he jio, nyɛɛ wo; nihi nɛ sa he si bami ɔ, nyɛɛ ba he si ha mɛ; nɛ nyɛɛ bu nihi nɛ sa bu.

Samuel I, 26:17

Saul yɔse David gbi, nɛ e bi ke, “Ye bi David, mo ji nɛ ɔ?” David he nɔ ke, “Ee, ye nyɔmtsɛ matsɛ, imi!”

Samuel I, 20:41

Benɛ niheyo ɔ je ɔ, David te si kɛ je tɛ nɛ a bua nya a se. E ba kpla si nɛ e kɛ e hɛ mi bu si si etɛ; nɛ e kɛ Yonatan fua a sibi, nɛ a fo ya ngɔ pue a sibi a nɔ. Se David aywilɛho ɔ nya wa pe Yonatan nɔ́ ɔ.

Mose II, 20:12

“Moo bu o tsɛ kɛ o nyɛ, konɛ o se nɛ kɛ ngɛ zugba nɛ Yawɛ, o Mawu ɔ ngɔ ha mo ɔ nɔ.

Mose I, 17:3

Abram kpla si nɛ e kɛ e hɛ mi bu si; nɛ Mawu de lɛ ke,

1 Petro 2:17

Nyɛɛ bu nɔ tsuaa nɔ; nyɛɛ suɔ nyɛmimɛ ɔmɛ nɛ ngɔ a he ngɔ ha Kristo ɔ; nyɛɛ ye Mawu gbeye, nɛ nyɛɛ bu matsɛ ɔ.

Samuel I, 24:7

David kɛ munyu nɛ ɔmɛ jɔɔ e we bi ɔmɛ a he, nɛ e ngmɛ́ mɛ blɔ nɛ a pee Saul nɔ́ ko. Pee se ɔ, Saul je tɛ puɔ ɔ mi, nɛ e ma e blɔ ɔ nɔ.

Samuel I, 24:9

David de Saul ke, “Mɛni he je nɛ nihi ngɛ mo dee ke i ngɛ hlae ma ye mo awi, nɛ o ngɛ mɛ tue bue ɔ?

Samuel I, 28:14

Saul kpale bi lɛ ke, “Kɛ e ngɛ kɛɛ?” Yo ɔ he nɔ ke, “Nɔmoyo ko ma, nɛ e wo tade klɔii.” Saul yɔse kaa Samuel lɛ e na a nɛ; lɔ ɔ he ɔ, e kpla si nɛ e kɛ e hɛ mi bu si kɛ tsɔɔ bumi.

Matsɛmɛ I, 1:31

Batsheba kpla si ngɛ matsɛ ɔ hɛ mi, nɛ e de ke, “Ye nyɔmtsɛ matsɛ yi nɛ na wami kɛ ya neneene!”