Samuel I, 24:14 - BAIBLO ALOO NGMAMI KLƆUKLƆU Ɔ

¹⁴ Mɛni se lɛ Israel matsɛ nyɛɛ nɛ ɔ? Mɛni o ngɛ fiee? Gbe gbogboe, aloo malɛɛ?

Samuel I, 24:14 ပူးပေါင်းရင်းမြစ်များ

Samuel I, 26:20

Mo ko ha nɛ ma gbo nɛ ye muɔ nɛ pue si ngɛ zugba kpa nɔ kɛ je Yawɛ hɛ mi. Mɛni he je Israel matsɛ hia ta kɛ ma mi tuami, imi nɛ i ngɛ kaa malɛɛ kɛkɛ ɔ? Mɛni he je e ngɛ mi dae kaa a daa hɔne ngɛ yoku nɔ ɔ?”

Samuel II, 9:8

Mefiboshet kpla si ngɛ David hɛ mi ekohu, nɛ e de ke, “Mɛnɔ po ji mi nɛ o naa mi mɔbɔ kaa kikɛ nɛ ɔ? Imi, o tsɔlɔ nɛ i ngɛ kaa gbe gbogboe ɔ!”

Samuel I, 17:43

E bi David ke, “Anɛ gbe ji mi nɛ o ma ye ngɔ kɛ tso ɔ?” E ya nɔ nɛ e tsɛ wɔ pue David nɔ, nɛ e gbiɛ lɛ,

Matsɛmɛ I, 21:7

Ahab yo Yezebel bi lɛ ke, “Mo ji Israel matsɛ ɔ, aloo pi mo?” E ya nɔ de lɛ ke, “Tee si nɛ o ye ní, nɛ o ná bua jɔmi; ma ngɔ Yezreel no, Nabot wai ngmɔ ɔ kɛ ha mo!”

Samuel II, 16:9

Kɛkɛ nɛ Abishai nɛ e nyɛ biɛ ji Zeruya a, bi matsɛ ɔ ke, “Ye nyɔmtsɛ matsɛ, mɛni he je nɛ o ngmɛ blɔ nɛ gbe gbogboe nɛ ɔ ngɛ mo gbiɛe kikɛ nɛ ɔ? Ha nɛ ma ya nɛ ma ya po e yi.”

Samuel II, 3:8

Abner muklii mi fu wawɛɛ nitsɛ ngɛ munyu ɔ nɛ Ishboshet bi lɛ ɔ he, nɛ e de ke, “Anɛ e peeɔ mo kaa kuasia ji mi lo? Hyɛ, i kɛ o tsɛ, kɛ e nyɛmimɛ ɔmɛ, kɛ e huɛmɛ ɔmɛ hi si saminya. I je we mo kɛ wui David dɛ mi. Mwɔnɛ nɛ ɔ, moo o ngɛ sane poe kɛ ngɛ ye nɔ fɔe ke i kɛ nɔ ko yo ya na bɔmi!

Samuel II, 6:20

Benɛ David ba su we mi, nɛ e ba fɔ e yi ɔmɛ, kɛ e bimɛ ɔmɛ ɔ, Saul biyo Mikal je kpo ba kpee lɛ; nɛ e de David ke, “Lɔ ɔ ji Israel matsɛ wo lɛ nitsɛ e hɛ mi nyami mwɔnɛ ɔ nɛ! Matsɛ hɛɛ e he gu ngɛ e tsɔli a mawayi ɔmɛ a hɛ mi kaa kuasia peeɔ nɔ!”

Hosea 10:13

Yayami nɛ nyɛ du ɔ, e yiblii nɛ nyɛ kpa. Lakpa amɛ nɛ nyɛ ye ɔ, a mi nɔ́ nyɛ ngɛ nae ɔ nɛ. “Nyɛ ngɔ nyɛ hɛ ngɔ fɔ nyɛ ta zugba lɛhi, kɛ nyɛ ta buli babauu ɔ a nɔ.