Samuel I, 24:12 - BAIBLO ALOO NGMAMI KLƆUKLƆU Ɔ

¹² Yawɛ maa kojo i kɛ mo wa kpɛti, nɛ e maa wo mo hiɔ ngɛ nɔ́ nɛ o ngɛ mi pee nɛ ɔ he; imi lɛɛ ye nine be o he sae.

Samuel I, 24:12 ပူးပေါင်းရင်းမြစ်များ

La 43:1

Mawu lee! Hyɛ ye sane ɔ mi ha mi, nɛ o wo mi nguɔ. Jé mi kɛ je ma nɛ li mo ɔ a dɛ mi. Kpɔ mi kɛ je lakpatsɛmɛ, kɛ yayami peeli a dɛ mi oo!

Manyadali 11:27

Lɔ ɔ he ɔ, imi lɛɛ i pee we mo yayami ko; mo mohu lɛ o tɔ ye nɔ kaa o kɛ ta ba tua mi. Yawɛ ji kojolɔ; lɛ nɛ e maa kojo Israel ma a, kɛ Amon ma a kpɛti mwɔnɛ ɔ.”

La 35:1

Yawɛ, nihi nɛ kɛ mi ná a, tee si kɛ wo mɛ. Nihi nɛ kɛ mi ngɛ hwue ɔ, o kɛ mɛ nɛ hwu.

Mose I, 16:5

Kɛkɛ nɛ Sarai de Abram ke, “Mo lɛ o pee loko Hagar ngɛ e he nɔ woe ngɛ ye nɔ, nɛ e pa bui mi hu ɔ nɛ. Imi nitsɛ lɛ i ngɔ lɛ kɛ ha mo. Se kɛ je benɛ e na kaa mi ba e he ɔ, e bɔni e he nɔ womi ngɛ ye nɔ, nɛ e bui mi hu. Yawɛ nɛ kojo wɔ, nɛ e tsɔɔ nɔ nɛ nɔ́ da, mo jio, imi jio!”

1 Petro 2:23

Benɛ a ngɛ lɛ jɛe ɔ, lɛɛ e jɛ we nɔ ngɔ to we nane mi. Benɛ e ngɛ amanehlu nae ɔ, e gbíɛ nɔ ko; se mohu e ngɔ e he ngɔ ha Mawu, kojolɔ ɔ nɛ yeɔ dami sane ɔ.

Romabi 12:19

Ye huɛmɛ, nyɛ ko ye nyɛ nitsɛmɛ nyɛ he lue, se mohu nyɛɛ ngmɛ Mawu blɔ nɛ e kɛ e mi mi la nɛ pee. Ejakaa ngmami ɔ deɔ ke, “Ye nɔ ji lue yemi; Imi ma pee kɛ to nane mi. Nyɔmtsɛ ɔ lɛ de.”

La 94:1

Yawɛ, mo Mawu nɛ o yeɔ lue, mo je o he kpo koo!

Hiob 5:8

Imi ji mo jinɛ i ko hla Mawu se blɔ, nɛ ma tu ye sane ɔ kɛ wo e dɛ mi.

Kpojemi 6:10

A kpa ngmlaa wawɛɛ ke, “Nyɔmtsɛ Ope, mo nɛ o ngɛ klɔuklɔu, nɛ o yeɔ anɔkuale! Mɛni be o maa mlɛ kɛ yaa si? Ni ɔmɛ nɛ ngɛ je ɔ mi nɛ a gbe wɔ ɔ, kojo mɛ nɔuu nɛ o gbla a tue!”

Samuel I, 26:23

Yawɛ gbaa nihi nɛ yeɔ anɔkuale, kɛ ni nɛmɛ nɛ da. Yawɛ je mo kɛ wo ye dɛ mi mwɔnɛ ɔ, se mo nɔmlɔ nɛ Yawɛ pɔ mo nu ɔ, i tɛ o he.

Mose I, 31:53

Abraham kɛ Nahor a Mawu ɔ nɛ ji a tsɛ ɔ Mawu ɔ maa kojo imi kɛ mo wa kpɛti.” Kɛkɛ nɛ Yakob ngɔ Mawu nɛ e tsɛ Isak jaa lɛ ɔ biɛ kɛ ka kita kaa e maa ye si womi nɛ ɔ nɔ.

Samuel I, 24:15

Yawɛ maa kojo i kɛ mo wa kpɛti. E maa hyɛ, nɛ e maa ye ye sane ɔ ha mi. E maa wo mi nguɔ, nɛ e ma je mi kɛ je o dɛ mi.”

Samuel II, 22:48

Lɛ nɛ e ha i ye ye he nyɛli ɔmɛ a nɔ; nɛ e ngɔ ma amɛ ngɔ wo ye sisi,

Samuel I, 20:1

Enɛ ɔ se ɔ, David tu fo kɛ je Nayot ngɛ Rama kɛ ba Yonatan ngɔ, nɛ e ba bi lɛ ke, “Mɛni i pee? Mɛni ji ye tɔmi? Mɛni yayami i pee o tsɛ loko e ngɛ mi hlae nɛ e gbe ɔ?”

Kronika I, 12:18

Tlukaa a, Mawu mumi ɔ ba a ti nɔ kake nɔ. A tsɛɛ lɛ Amasai, nɛ lɛ ji nɔ nɛ ba pee ta buli “Nyingmi etɛ ɔmɛ” a nyatsɛ. Amasai kpa ngmlaa, nɛ e de ke, “Ishai binyumu David lee! Wa ngɛ o se oo, wa ngɛ o se! David lee, mo he manye, mo he manye! David he piɛli, nyɛ he manye, nyɛ he manye! Ejakaa, o Mawu ɔ piɛɔ o he.” Kɛkɛ nɛ David he mɛ, nɛ e pee mɛ e we asafoatsɛmɛ.