Samuel I, 24:11 - BAIBLO ALOO NGMAMI KLƆUKLƆU Ɔ

¹¹ Jehanɛ tsaatsɛ hyɛ, o bo ɔ nya nɛ ngɛ ye dɛ mi nɛ ɔ nɛ. Kaa i nyɛ po o bo ɔ nya, se i gbi mo ɔ, nɔ́ nɛ ɔ maa tsɔɔ mo kaa nɔ́ yayami, loo atuã tsɔmi ko be ye mi.

Samuel I, 24:11 ပူးပေါင်းရင်းမြစ်များ

Samuel I, 26:20

Mo ko ha nɛ ma gbo nɛ ye muɔ nɛ pue si ngɛ zugba kpa nɔ kɛ je Yawɛ hɛ mi. Mɛni he je Israel matsɛ hia ta kɛ ma mi tuami, imi nɛ i ngɛ kaa malɛɛ kɛkɛ ɔ? Mɛni he je e ngɛ mi dae kaa a daa hɔne ngɛ yoku nɔ ɔ?”

Samuel I, 23:23

Nyɛɛ ya nɛ nyɛ ya hyɛ e laami he ɔmɛ tsuo pɛpɛɛpɛ nɛ nyɛɛ to a he hɛ. Lɔ ɔ se ɔ, nyɛɛ ba nɛ nyɛ ba bɔ mi amaniɛ, konɛ i kɛ nyɛ waa ho. Ke ji kaa e ngɛ huza a nɔ niinɛ ɔ, lɛɛ ke e hia kaa ma hla lɛ kɛ kpa Yuda zugba a tsuo nɔ po, ma pee ja.”

Samuel I, 23:14

David ya laa e he ngɛ tɛ puɔhi a mi ngɛ yoku ko nɔ, ngɛ Zif nga a nɔ. Daa ligbi ɔ, Saul hlaa David he blɔ; se Mawu je we lɛ ngɔ wui e dɛ mi.

Yohane 15:25

Lɔ ɔ he ɔ, e sa nɛ e ba jã, konɛ nɔ́ nɛ a ngma ngɛ a mlaa a mi ke, ‘A nyɛ mi yaka gu’ ɔ nɛ ba mi.

Matsɛmɛ II, 5:13

E tsɔli ɔmɛ ba e ngɔ nɛ a ba de lɛ ke, “Tsaatsɛ! Nɔ́ nguaa ko nɛ gbalɔ ɔ fa mo ke o pee jinɛ o ko pee we lo? Mɛni he je mɔ nɛ o be nyɛe nɛ o ya du o he kɛkɛ kaa bɔ nɛ e de ɔ, konɛ a tsa mo ɔ?”

Samuel I, 26:18

David ya nɔ nɛ e bi lɛ ke, “Ye nyɔmtsɛ, mɛni he je o ngɛ ye se nyɛɛe kɛ mwɔɔ? Mɛni i pee mo? Mɛni yayami i pee?

Mika 7:2

Anɔkualetsɛmɛ ta zugba a nɔ; dalɔ kake ngmelu po be. Nɔ tsuaa nɔ ngɛ blɔ ko hlae nɛ e kɛ pue muɔ si; nɔ tsuaa nɔ ngɛ lɛ nitsɛ e nyɛmi klama tsɔe.

Ezekiel 13:18

De mɛ ke bɔ nɛ Nyɔmtsɛ Yawɛ ngɛ dee ji nɛ ɔ nɛ: “Nyɛ yihi nɛ nyɛ kpɛɔ bo tsɔwi kɛ haa nihi tsuo nɛ a kɛ fii a nine si, musu tloo nyɛ! Nyɛ yihi nɛ nyɛ peeɔ yi nɔ hami bohi kɛ haa nihi, bɔ nɛ pee nɛ nyɛ na a klaa amɛ a nɔ he wami, musu tloo nyɛ! Nyɛ hlaa kaa nyɛ maa mlɔɔ ye ma a, nɛ nyɛ kpata a wami hɛ mi, bɔ nɛ pee nɛ nyɛ na se.

Kɔmɔ Yemi 4:18

He nyɛlɔ ɔ ngɛ wa nane hiɔe, lɔ ɔ he ɔ, wa nyɛ we nɛ waa nyɛɛ kɛ be ngɛ wa gbɛjegbɛ ɔmɛ a nɔ tete po. Wa nyagbe ɔ su jehanɛ; wa ligbi ɔmɛ a nya ta; wa hɛ mi kpata.

Abɛ Womi 15:1

Ke o kɛ gbi blɛuu ha munyu heto ɔ, e tsiɔ abofu nya. Se munyu gegeege haa nɔ mi mi woɔ la.

La 140:11

Ko ha lakpatsɛmɛ nɛ gbeɔ nɔ he guɛ nɛ a plɔke ngɛ zugba a nɔ. Ha nɛ yayami peeli a hɛ mi nɛ kpata amlɔ nɔuu.

La 35:7

Ejakaa a tsɔ mi klama, nɛ a tsua muɔ ngɔ to ha mi yaka gu.

Hiob 10:16

Ke níhi a mi hi ha mi bɔɔ ɔ, o nyɛɛɔ ye se kaa jata. O guu nyakpɛ blɔhi a nɔ, nɛ o kɛ yeɔ mi awi.

Samuel I, 18:27

David kɛ e we bi ɔmɛ ya gbe Filisti bi lafa enyɔ. David ngɔ a mɔmlɔtɔ ɔmɛ kɛ ho nɛ e ya kane mɛ sisiisi kɛ ha matsɛ ɔ, konɛ e na he blɔ nɛ e pee e ngatsɛ. Lɔ ɔ he ɔ, Saul kɛ e biyo Mikal ha David.

Samuel I, 25:28

I kpa mo pɛɛ, ke i pee mo yayami ko ɔ, kɛ pa mi. Yawɛ maa wo mo matsɛ, nɛ e maa pee o we ɔ matsɛ we kɛ maa ya neneene; ejakaa Yawɛ tahi lɛ o ngɛ hwue ɔ nɛ; nɛ yayami ko yayami ko be o he sae kɛ yaa si o gbenɔ ligbi.

La 59:3

Yawɛ, hyɛ kaa dikali bua a he nya, konɛ a kpata ye hɛ mi, pohu i pee we yayami ko.

La 119:161

Ganɔhi waa mi yi mi yaka, se kɛ̃ ɔ, i buɔ o mlaa amɛ.

Samuel I, 12:3

Imi ji nɛ ɔ nɛ. Ke i pee nɔ́ ko nɛ dɛ ɔ, nyɛɛ po ye nya ngɛ Yawɛ, kɛ nɔ nɛ a wo lɛ matsɛ ɔ a hɛ mi. Anɛ i kpɔ nɔ ko na, loo nɔ ko teji? Anɛ i ye nɔ ko amimi, aloo i wa nɔ ko yi mi? Anɛ i he nyɔ mi ní ngɛ nɔ ko dɛ bɔ nɛ pee nɛ ma ye e sane ɔ ha lɛ lo? Nyɛ de, konɛ ma to nyɛ nane mi.”

Samuel I, 26:23

Yawɛ gbaa nihi nɛ yeɔ anɔkuale, kɛ ni nɛmɛ nɛ da. Yawɛ je mo kɛ wo ye dɛ mi mwɔnɛ ɔ, se mo nɔmlɔ nɛ Yawɛ pɔ mo nu ɔ, i tɛ o he.

Samuel II, 1:14

David bi lɛ ekohu ke, “Mɛni he je o yi gbeye kaa o kɛ o nine ma kpata nɔmlɔ nɛ Yawɛ pɔ lɛ nu ɔ hɛ mi ɔ?”

La 7:5

ha nɛ ye he nyɛli ɔmɛ nɛ a nyɛɛ ye se nɛ a nu mi. Ha nɛ a fia mi nɔ nɛ a gbe mi, nɛ a si mi ngɛ zugba.