Samuel I, 24:10 - BAIBLO ALOO NGMAMI KLƆUKLƆU Ɔ

¹⁰ Mwɔnɛ ligbi nɛ ɔ, mo nitsɛ o na kɛ o hɛngmɛ bɔ nɛ Yawɛ je mo kɛ wo ye dɛ mi ngɛ tɛ puɔ ɔ mi, bɔ nɛ ni komɛ de mi ke ma gbe mo, se i kɛ o wami ke mo, nɛ i de ke, ‘I be ye nyɔmtsɛ ɔ awi yee, ejakaa Yawɛ nɛ hla lɛ kaa e ba ye matsɛ!’

Samuel I, 24:10 ပူးပေါင်းရင်းမြစ်များ

La 105:15

“Ye nihi nɛ i pɔ mɛ nu ji nɛ ɔmɛ nɛ; nyɛ ko ye mɛ awi! Ye gbali ji nɛ ɔmɛ nɛ, nyɛ ko ta a he.”

Samuel I, 24:4

Kɛkɛ nɛ David we bi ɔmɛ de lɛ ke, “Yawɛ de mo ke, ‘Ma je o he nyɛlɔ ɔ kɛ wo o dɛ mi nɛ o pee lɛ nɔ́ nɛ o suɔ.’ O nɛ, be ɔ su.” David pee blɛuu nɛ e ya po Saul bo ɔ nya nigii.

Mose II, 21:13

Ke e nine ya kpa ngɛ nɔ ɔ nɔ tlukaa, se pi kaa e je blɔ pee ɔ, lɛɛ ma tsɔɔ mo he nɛ e tu fo kɛ ya.

Samuel I, 24:9

David de Saul ke, “Mɛni he je nɛ nihi ngɛ mo dee ke i ngɛ hlae ma ye mo awi, nɛ o ngɛ mɛ tue bue ɔ?

La 7:3

Yawɛ, ye Mawu! Ke i pee nɔ ko yayami, aloo i wa ye he nyɛlɔ yi mi yaka gu, ke i pee nɔ́ ko kaa kikɛ nɛ ɔ,

La 125:3

Yiwutsotsɛmɛ be nihi nɛ peeɔ nɔ́ nɛ da a a zugba nɔ yee daa, ke pi ja a, dali po maa pee yayami.

Mose III, 19:16

Koo pee o he sieku yelɔ kɛ hi yae kɛ hi bae ngɛ o ma mi bi ɔmɛ a kpɛti. Koo ye lakpa odase kɛ si o nyɛmi, nɛ́ a pue e muɔ si yaka gu. Imi ji Yawɛ.

Ezekiel 22:9

Ni komɛ yeɔ lakpa ngɛ ma a mi, bɔ nɛ pee nɛ a kpata a nyɛmimɛ a hɛ mi. Ni komɛ ya yeɔ niye ní bɔhi nɛ a sã ngɛ jami hehi; nɛ ni komɛ hu dii he lo akɔnɔ se wawɛɛ.