Samuel I, 23:4 - BAIBLO ALOO NGMAMI KLƆUKLƆU Ɔ

⁴ Lɔ ɔ he ɔ, David kpale bi Yawɛ ga womi ekohu. Nɛ Yawɛ de lɛ ke, “Yaa nɛ o ya tua Keila; ejakaa ma ngɔ Filisti bi ɔmɛ kɛ wo o dɛ mi.”

Samuel I, 23:4 ပူးပေါင်းရင်းမြစ်များ

Samuel II, 2:1

Enɛ ɔ se ɔ, David bi Yawɛ ke, “Ma kpale kɛ ya Yuda ma amɛ eko mi lo?” Yawɛ he nɔ ke, “Ee, moo ya.” David bi lɛ ekohu ke, “Jije ma ya?” Nɛ Yawɛ de lɛ ke, “Yaa Hebron.”

Samuel II, 5:19

David bi Yawɛ ke, “Ma ya tua Filisti bi ɔmɛ lo? O ma je mɛ kɛ wo ye dɛ mi lo?” Yawɛ ha David heto ke, “Ee, moo ya! Bɔ tsuaa bɔ nɛ pee ɔ, ma je Filisti bi ɔmɛ kɛ wo o dɛ mi.”

Matsɛmɛ II, 3:18

Elisha ya nɔ nɛ e de ke, “Nɔ́ nɛ ɔ peemi pi nɔ́ ko kulaa nɛ he wa ha Yawɛ. Yawɛ maa ngɔ Moab bi ɔmɛ hu kɛ wo nyɛ dɛ mi.

Kronika I, 14:10

David bi Mawu ke, “Ma ya tua Filisti bi ɔmɛ lo? O ma je mɛ kɛ wo ye dɛ mi lo?” Yawɛ he nɔ ke, “Ee, moo ya! Bɔ tsuaa bɔ nɛ pee ɔ, ma je Filisti bi ɔmɛ kɛ wo o dɛ mi.”

Yoshua 8:7

Kɛkɛ ɔ, nyɛ ka woli ɔmɛ nyɛ maa je se je ɔ kɛ ba tua ma a; ejakaa Yawɛ, nyɛ Mawu ɔ maa ngɔ ma a ngɔ wo nyɛ dɛ.

Manyadali 6:39

Gideon de Mawu ke, “O mi mi nɛ ko fu mi; ha ma tu munyu si kake nɛ ɔ pɛ! I kpa mo pɛɛ, ha ma ngɔ to he womi nɛ ɔ kɛ kpa nɔ́ si si kake nɛ ɔ pɛ! Jehanɛ lɛɛ i kpa mo pɛɛ, ha nɛ bɔ́ nɛ nɛ ngɛ zugba a tsuo nɔ, konɛ to he womi ɔ pɛ lɛɛ e gbli.”

Manyadali 7:7

Yawɛ de Gideon ke, “Ma ngɔ nyumuhi lafa etɛ ɔmɛ nɛ nu nyu ɔ kaa bɔ nɛ gbe nuɔ nyu ɔ kɛ he nyɛ yi wami, nɛ ma ngɔ Midian bi ɔmɛ kɛ wo a dɛ mi. Ma a nɛ piɛ ɔ, ha nɛ nɔ tsuaa nɔ nɛ ho e we mi ya.”

Manyadali 7:9

Jamɛ a nyɔ ɔ mi nɔuu ɔ, Yawɛ de Gideon ke, “Yaa nɛ o ya tua he nyɛli ɔmɛ a ta a esɔesɔ; ejakaa i ngɔ mɛ kɛ wo o dɛ mi!

Samuel I, 10:22

Lɔ ɔ he ɔ, a ya bi Yawɛ ke, “Jije nɔmlɔ ɔ ngɛ?” Nɛ Yawɛ de mɛ ke, “Saul ya laa e he ngɛ nito he ɔ.”

Samuel I, 23:2

Lɔ ɔ he ɔ, David bi Yawɛ ke, “Ma ya nɛ ma ya tua Filisti bi ɔmɛ lo?” Yawɛ he nɔ ke, “Ee, yaa nɛ o ya tua mɛ nɛ o kɛ he Keila yi wami.”

Samuel I, 23:3

Se David we bi ɔmɛ de lɛ ke, “O nɛ, wa ngɛ Yuda ma a mi hiɛ ɔ po wa ngɛ gbeye yee; lɛɛ ke wa ya Keila nɛ waa kɛ Filisti bi a tabo ɔmɛ ya kpe ɔ, kɛ wa maa pee kɛɛ?”

Samuel I, 23:5

Kɛkɛ nɛ David kɛ e we bi ɔmɛ pue nɔ kɛ ho Keila ya, nɛ a ya tua Filisti bi ɔmɛ. A gbe Filisti bi ɔmɛ a ti nihi babauu nitsɛ, nɛ a nuu a nahi hu kɛ je. Bɔ nɛ David pee kɛ he Keila bi ɔmɛ a yi wami ji nɛ ɔ nɛ.

Samuel I, 28:6

lɔ ɔ he ɔ, e ya bi Yawɛ ga womi. Se Yawɛ pui e nya mi. E na we sɛ gbi ko kɛ gui nlami mi. Urim kɛ Tumim de we lɛ nɔ́ ko, nɛ e nui nɔ́ ko kɛ ji gbalɔ ko gbalɔ ko nya.

Samuel I, 30:8

David bi Yawɛ ke, “Ma nyɛɛ ní hali ɔmɛ a se lo? Anɛ ye nine maa su a nɔ lo?” Yawɛ he nɔ ke, “Ee, moo nyɛɛ a se; ejakaa o ma ya na mɛ, nɛ bɔ tsuaa bɔ nɛ pee ɔ, o ma kpɔ ni ɔmɛ.”