Samuel I, 23:26 - BAIBLO ALOO NGMAMI KLƆUKLƆU Ɔ

²⁶ Saul kɛ e we bi ɔmɛ ngɛ yoku ɔ kasa kake, nɛ David hu kɛ e we bi ɔmɛ ngɛ yoku ɔ kasa kake. A ngɛ esɔ yee nɛ a je Saul kɛ e we bi ɔmɛ a dɛ mi, ejakaa Saul kɛ e we bi ɔmɛ miɔ nɛ a ma sá David kɛ e we bi ɔmɛ a yi, nɛ a nuu mɛ.

Samuel I, 23:26 ပူးပေါင်းရင်းမြစ်များ

Samuel II, 15:14

David de e tsɔli ɔmɛ tsuo nɛ e kɛ mɛ ngɛ Yerusalem ɔ ke, “Nyɛɛ te si nɛ waa tu fo; ke pi ja lɛɛ Absalom nine maa su wa nɔ. Nyɛ ha nɛ waa ho esɔ nɛ e ko ba na wɔ tlukaa. Ke e ba mi ja lɛɛ sane yobu maa ye wɔ, nɛ e kɛ klaate ma kpata ma a hɛ mi.”

Kronika II, 20:12

Mo ji wa Mawu! Moo gbla a tue ha wɔ, ejakaa wɔɔ lɛɛ ta babauu nɛ ba tua wɔ nɛ ɔ, wa be nyɛe maa da nya. Wa li bɔ nɛ wa maa pee ha; mo lɛ wa ngɛ hyɛe.”

La 17:11

Jehanɛ lɛɛ a sa ye yi; a ngɔ a hɛ ngɔ ká mi, konɛ a tsɛ̃ mi kɛ fɔ si.

La 17:9

kɛ je yiwutsotsɛmɛ nɛ ngɛ mi yi mi wae ɔ a dɛ mi, kɛ je ye he nyɛli nɛ bɔle mi ɔ a dɛ mi.

La 22:12

He nyɛli kpanakuhi babauu bɔle mi kɛ kpe; a he ngɛ gbeye kaa na kuhi nɛ je Bashan zugba a nɔ.

La 22:16

Nimli yayamihi ba bɔle mi kɛ kpe kaa gbehi, nɛ a ngɛ ye nine kɛ ye nane tsɔtslɔɔe.

La 31:22

Ye tsui po, nɛ i susu kaa e je e juɛmi kɛ je ye nɔ. Se benɛ i fa kue ha lɛ ɔ, e bu mi tue.

2 Korintobi 1:8

Nyɛmimɛ, amanehlu nɛ wa na ngɛ Asia a, wa sume kaa wa maa laa nyɛ nɔ́ ko. Wa na nɔ́ tsɔ pe bɔ nɛ wa ma nyɛ, nɛ wa hɛ be nɔ kaa wa maa hi je mi tete.

Kpojemi 20:9

A gbɛ fĩa je ɔ mi tsuo. Nɛ ma nɛ Mawu suɔ, nɛ ni klɔuklɔu ɔmɛ pueɔ si ngɛ lejɛ ɔ, a ya sa e yi. Se la je hiɔwe ba kpata a hɛ mi.

Manyadali 16:2

Benɛ Gaza bi ɔmɛ nu kaa Samson ba lejɛ ɔ, a ya sa ma a yi, nɛ a wo ka ha Samson ngɛ agbo ɔ nya nyɔ mi tsuo. A pee dii nyɔ ɔ mi tsuo, nɛ a de a sibi ke, “Nyɛ ha waa mlɛ kɛ yaa si mɔtu loko waa gbe lɛ.”

Samuel I, 19:12

Lɔ ɔ he ɔ, Mikal ngɔ David kɛ gu saflɛ mi kɛ kple si; nɛ e tu fo kɛ je.

Samuel I, 23:25

Benɛ Saul kɛ e we bi ɔmɛ ba nɛ a ba ngɛ David hlae ɔ, nɔ ko ba wo David tue nɔ. Lɔ ɔ he ɔ, e je lejɛ ɔ nɛ e ya hi tɛ sa yoku nɛ ngɛ Maon nga a nɔ ɔ mi. Benɛ Saul nu he ɔ, e nyɛɛ David se kɛ ho lejɛ ɔ ya.

Samuel I, 23:27

Tlukaa a, tsɔlɔ ko ba Saul ngɔ ba de lɛ ke, “Moo kpale kɛ ba esɔesɔ, ejakaa Filisti bi ɔmɛ ba tua ma a.”