Samuel I, 23:25 - BAIBLO ALOO NGMAMI KLƆUKLƆU Ɔ

²⁵ Benɛ Saul kɛ e we bi ɔmɛ ba nɛ a ba ngɛ David hlae ɔ, nɔ ko ba wo David tue nɔ. Lɔ ɔ he ɔ, e je lejɛ ɔ nɛ e ya hi tɛ sa yoku nɛ ngɛ Maon nga a nɔ ɔ mi. Benɛ Saul nu he ɔ, e nyɛɛ David se kɛ ho lejɛ ɔ ya.

Samuel I, 23:25 ပူးပေါင်းရင်းမြစ်များ

Samuel II, 22:2

Yawɛ ji ye tɛ sa nɛ baa ye yi.

Manyadali 15:8

Samson ya tua mɛ, nɛ e gbe mɛ pɛsɛpɛsɛ. Lɔ ɔ se ɔ, e ho nɛ e ya hi Etam tɛ sa puɔ ɔ mi.

Samuel I, 23:24

Lɔ ɔ he ɔ, a sɛ Saul hlami, nɛ a kpale a se kɛ ho Zif ya. Jamɛ a be ɔ, David kɛ e we bi ɔmɛ ngɛ Maon nga a nɔ ngɛ kɔ̃ ko mi, ngɛ Yudea nga kplanaa a leneyi je.

Samuel I, 23:26

Saul kɛ e we bi ɔmɛ ngɛ yoku ɔ kasa kake, nɛ David hu kɛ e we bi ɔmɛ ngɛ yoku ɔ kasa kake. A ngɛ esɔ yee nɛ a je Saul kɛ e we bi ɔmɛ a dɛ mi, ejakaa Saul kɛ e we bi ɔmɛ miɔ nɛ a ma sá David kɛ e we bi ɔmɛ a yi, nɛ a nuu mɛ.

Samuel I, 23:28

Lɔ ɔ he ɔ, Saul jɔɔ David se nyɛɛmi, nɛ e ho nɛ e kɛ Filisti bi ɔmɛ ya kpe. Enɛ ɔ he je ɔ, a wo lejɛ ɔ biɛ ke Mi gbami yoku.