Samuel I, 23:24 - BAIBLO ALOO NGMAMI KLƆUKLƆU Ɔ

²⁴ Lɔ ɔ he ɔ, a sɛ Saul hlami, nɛ a kpale a se kɛ ho Zif ya. Jamɛ a be ɔ, David kɛ e we bi ɔmɛ ngɛ Maon nga a nɔ ngɛ kɔ̃ ko mi, ngɛ Yudea nga kplanaa a leneyi je.

Samuel I, 23:24 ပူးပေါင်းရင်းမြစ်များ

Yoshua 15:55

Ekomɛ hu ji Maon, Karmel, Zif, Yuta,

Samuel I, 23:23

Nyɛɛ ya nɛ nyɛ ya hyɛ e laami he ɔmɛ tsuo pɛpɛɛpɛ nɛ nyɛɛ to a he hɛ. Lɔ ɔ se ɔ, nyɛɛ ba nɛ nyɛ ba bɔ mi amaniɛ, konɛ i kɛ nyɛ waa ho. Ke ji kaa e ngɛ huza a nɔ niinɛ ɔ, lɛɛ ke e hia kaa ma hla lɛ kɛ kpa Yuda zugba a tsuo nɔ po, ma pee ja.”

Samuel I, 23:25

Benɛ Saul kɛ e we bi ɔmɛ ba nɛ a ba ngɛ David hlae ɔ, nɔ ko ba wo David tue nɔ. Lɔ ɔ he ɔ, e je lejɛ ɔ nɛ e ya hi tɛ sa yoku nɛ ngɛ Maon nga a nɔ ɔ mi. Benɛ Saul nu he ɔ, e nyɛɛ David se kɛ ho lejɛ ɔ ya.

Samuel I, 25:2

Nyumu ko hi si nɛ je Kaleb weku ɔ mi. E biɛ ji Nabal, nɛ e je Maon, se e ngɛ zugba ngɛ Karmel. Nyumu nɛ ɔ, niatsɛ nguaa ji lɛ; e ngɛ jijɔ akpe etɛ, kɛ apletsi hu akpe. E yo, Abigail ɔ he ngɛ fɛu saminya, nɛ e ngɛ juɛmi hulɔ. Se lɛ nyumu ɔ nitsɛ lɛɛ amimitsɛ kɛ nɔmlɔ nɛ be subai ji lɛ.