Samuel I, 23:23 - BAIBLO ALOO NGMAMI KLƆUKLƆU Ɔ

²³ Nyɛɛ ya nɛ nyɛ ya hyɛ e laami he ɔmɛ tsuo pɛpɛɛpɛ nɛ nyɛɛ to a he hɛ. Lɔ ɔ se ɔ, nyɛɛ ba nɛ nyɛ ba bɔ mi amaniɛ, konɛ i kɛ nyɛ waa ho. Ke ji kaa e ngɛ huza a nɔ niinɛ ɔ, lɛɛ ke e hia kaa ma hla lɛ kɛ kpa Yuda zugba a tsuo nɔ po, ma pee ja.”

Samuel I, 23:23 ပူးပေါင်းရင်းမြစ်များ

Matsɛmɛ I, 18:10

I na Yawɛ, o Mawu ɔ kaa e píɛ ma ko, loo zugba ko nɔ nɛ matsɛ ɔ tsɔɛ kɛ yɛ nɛ a ya hla mo. Be tsuaa be nɛ matsɛ, aloo zugba a nɔ yelɔ ngɛ he nɛ a tsɔ kɛ ya a ha a nu sisi kaa o be lejɛ ɔ, Ahab ha nɛ jamɛ a matsɛ ɔ, aloo zugba a nɔ yelɔ ɔ ka kita ke o be lejɛ ɔ niinɛ.

Matsɛmɛ II, 6:13

Matsɛ ɔ fa ke, “Nyɛɛ ya nɛ nyɛ ya hla e hi he, konɛ ma tsɔ nɛ a ya nu lɛ kɛ ba!” Benɛ a ba bɔ lɛ amaniɛ kaa Elisha ngɛ Dotan ɔ,

La 10:8

E woɔ ka ngɛ laami hehi ngɛ kɔpehi a mi, nɛ e gbee nihi nɛ pee we nɔ́ ko yaka gu. Daa nɛ ɔ, e ngɛ nihi nɛ a ní ngɛ mɔbɔ dae.

Abɛ Womi 1:16

A he sɔɔ kɛ yayami peemi; a he sɔɔ kɛ pueɔ muɔ si.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Mose IV, 10:36

Be tsuaa be nɛ somi daka a maa da si ɔ, e ma de ke, “Yawɛ, kpale o se! Kpale kɛ ba Israel bi akpeakpe abɔ ɔ a ngɔ!”

Marko 14:1

Benɛ e piɛ ligbi enyɔ nɛ a maa ye Hetsɔmi ɔ, kɛ Abolokplolo nyami be ɔ, osɔfo nikɔtɔma amɛ, kɛ mlaa tsɔɔli ɔmɛ hla bɔ nɛ a maa pee nɛ a nu Yesu ga mi nɛ a gbe lɛ.

Samuel I, 23:22

Nyɛɛ ya nɛ nyɛ ya hla mi saminya, nɛ nyɛɛ le he tutuutu nɛ e ngɛ, kɛ nɔ nɛ na lɛ ngɛ lejɛ ɔ, ejakaa a de mi ke e hɛ mi tɛ̃ saminya.

Samuel I, 23:24

Lɔ ɔ he ɔ, a sɛ Saul hlami, nɛ a kpale a se kɛ ho Zif ya. Jamɛ a be ɔ, David kɛ e we bi ɔmɛ ngɛ Maon nga a nɔ ngɛ kɔ̃ ko mi, ngɛ Yudea nga kplanaa a leneyi je.

Samuel I, 24:11

Jehanɛ tsaatsɛ hyɛ, o bo ɔ nya nɛ ngɛ ye dɛ mi nɛ ɔ nɛ. Kaa i nyɛ po o bo ɔ nya, se i gbi mo ɔ, nɔ́ nɛ ɔ maa tsɔɔ mo kaa nɔ́ yayami, loo atuã tsɔmi ko be ye mi.