Samuel I, 23:18 - BAIBLO ALOO NGMAMI KLƆUKLƆU Ɔ

¹⁸ Mɛ ni enyɔ ɔmɛ ka a he kita ngɛ Yawɛ hɛ mi. Lɔ ɔ se ɔ, Yonatan je kɛ ho we mi ya; se David lɛɛ e tlɔ Horesh.

Samuel I, 23:18 ပူးပေါင်းရင်းမြစ်များ

Samuel II, 21:7

Ngɛ kita nɛ David kɛ Saul bi Yonatan ka a he he je ɔ, matsɛ ɔ tɛ Yonatan bi Mefiboshet nɛ ji Saul bibi ɔ he.

Samuel I, 20:42

Kɛkɛ nɛ Yonatan de David ke, “Yaa ngɛ he jɔmi mi. Kita a nɛ i kɛ mo tsuo wa ka wa he ngɛ Yawɛ biɛ mi ɔ, Yawɛ ma ha nɛ i kɛ mo, kɛ o nina, kɛ imi hu ye nina wa maa ye nɔ kɛ maa ya neneene.” Enɛ ɔ se ɔ, David je lejɛ ɔ, nɛ Yonatan hu kpale e se kɛ ho ma a mi ya.

Samuel I, 18:3

Yonatan ka David kita kaa e kɛ lɛ maa bɔ kɛ yaa si gbenɔ mi, ejakaa e suɔ David kaa bɔ nɛ e suɔ lɛ nitsɛ e he.

Samuel II, 9:1

Ligbi ko ɔ, David bi si ke, “Anɛ Saul nina ko piɛ lo? Ke nɔ ko ngɛ ɔ, ma suɔ nɛ ma na lɛ mɔbɔ ngɛ Yonatan he.”

Samuel I, 20:8

Lɔ ɔ he ɔ, naa mi mɔbɔ, nɛ o ye somi nɛ o kɛ mi so ngɛ Yawɛ biɛ mi ɔ nɔ. Se ke i yeɔ fɔ ɔ, lɛɛ mo nitsɛ moo gbe mi. Mɛni he je o maa ngɔ mi kɛ ya ha o tsɛ?”

Samuel I, 18:1

Benɛ Saul kɛ David gbe a ní sɛɛmi ɔ nya a, Saul binyumu Yonatan kɛ David nu huɛ; nɛ Yonatan suɔ David kaa lɛ nitsɛ e he.

Samuel I, 21:1

David ba Nob ngɛ osɔfo Ahimelek ngɔ. Ahimelek kɛ he domi ba kpee David, nɛ e bi lɛ ke, “Mɛni he je nɛ mo nɔ kake too o nyɛɛ, nɛ nɔ ko nɔ ko piɛ we o he ɔ?”